1/8 finalning besh nafar ishtirokchisi nomi ma’lum. "Barselona" va "Yuventus"da vaziyat og‘ir. Kutilmagan voqealarga boy bo‘lgan Chempionlar ligasi guruhlaridagi holat haqida so‘z yuritamiz. Chempionlar ligasi guruh bosqichi yakunlanishiga ikki tur qoldi.
A guruhi
«Napoli» dastlabki to‘rtta turni super o‘tkazdi va maksimal mumkin bo‘lgan ochkolarni qo‘lga kiritdi. Lusiano Spaletti jamoasi Chempionlar ligasining pley-off bosqichi masalasini muddatidan oldin hal qilib qo‘ydi. "Liverpul"ga 1/8 finalga chiqish uchun atigi bir ochko kerak. "Ayaks" Yevropa ligasiga yo‘l olishi aniqlashib qolmoqda.
B guruhi
«Bryugge» klubi Chempionlar ligasi guruh bosqichining asosiy sensasiyasini yaratdi. Belgiya klubi 10 ochko jamg‘arib, birorta ham gol o‘tkazib yubormadi va keyingi bosqich yo‘llanmasini qo‘lga kiritdi. Tarixiy voqea, chunki bungacha «Bryugge» pley-offda o‘ynamagan edi. Ikkita mag‘lubiyat bilan «Portu» vaziyatni to‘g‘irlab, ikkinchi o‘ringa chiqib oldi. Ko‘p narsani so‘nggi turda, ya’ni Portugaliya chempioni «Atletiko»ga qarshi o‘yinda hal qiladi.
S guruhi
«Bavariya» to‘rtta g‘alabani muammosiz qo‘lga kiritdi va pley-off yo‘llanmasiga ega chiqdi, «Viktoriya» esa guruhdan chiqish imkoniyatidan mahrum bo‘ldi. «Inter» «Barselona»dan 3 ochko oldinda, Simone Indzagi shogirdlarida imkoniyat ancha yaxshi. Shunday qilib, «Inter» keyingi turda «Viktoriya»ni mag‘lub etishi kifoya.
D guruhi
Juda chalkash vaziyat. Har bir jamoada hali ham pley-offga chiqish imkoniyati bor. Keyingi turda «Tottenxem» Londonda «Sporting» bilan o‘ynaydi, «Ayntraxt» esa «Marsel»ni qabul qiladi.
E guruhi
Har bir jamoada pley-offga chiqish imkoniyati bor. «Chelsi» «Milan»ga qarshi ikkita g‘alaba bilan 1/8 finalga chiqish imkoniyatlarini sezilarli darajada oshirdi. Ammo Italiya klubining istiqboli hali ham noaniq ko‘rinadi. Keyingi turda «Milan» Zagrebda, «Zalsburg» esa o‘z maydonida «Chelsi» bilan to‘qnash keladi.
F guruhi
Madridning «Real» klubi «Shaxtyor» bilan o‘yinda (1:1) himoyachi Ryudigerning qo‘shib berilgan beshinchi daqiqada kiritgan goli evaziga mag‘lubiyatdan qutulib qoldi. Madrid klubi 10 ochko jamg‘arib, pley-off yo‘llanmasini qo‘lga kiritdi. Ikkinchi yo‘llanma uchun “RB Leypsig” va «Shaxtyor» jamoalari kurash olib boradi. «Real» bilan o‘yinda g‘alabani qo‘ldan boy bergan Ukraina klubi turnir jadvalining ikkinchi pog‘onasini boy berib qo‘ydi. Keyingi turda «Shaxtyor» safarda «Seltik» bilan o‘ynaydi, «Leypsig» esa «Real»ni qabul qiladi. 2 noyabr kuni Ukraina klubi nemis jamoasi bilan neytral maydonda o‘ynaydi - aftidan, keyin ushbu guruhdan ikkinchi pley-off ishtirokchisini bilib olamiz. «Seltik» aniq 1/8 finalga chiqa olmaydi.
G guruhi
“Manchester Siti” ushbu haftada ilk bor turnirning joriy mavsumida ochko yo‘qotdi. Biroq bu Xosep Gvardiola jamoasiga guruh bosqichi yakunlanishiga ikki tur qolganda 1/8 final yo‘llanmasini qo‘lga kiritishiga to‘sqinlik qilmadi. Pley-offga chiqish uchun «Borussiya» «Kopengagen» bilan keyingi o‘yinda bir ochko olishi kerak. Daniya klubi «Sevilya» bilan Yevropa Ligasi yo‘llanmasi uchun kurashmoqda. Bu yerda hammasini so‘nggi tur o‘yini, ya’ni jamoalar Ispaniyada uchrashganda hal qiladi.
H guruhi
«Yuventus»ning Isroildagi mag‘lubiyati jamoani pley-offga chiqish imkoniyatidan amalda mahrum qildi. Turin klubi «Benfika»ni ham, «PSJ»ni ham mag‘lub etishi kerak - bunday natijaga ishonish qiyin. Ha, va bu yetarli bo‘lmasligi mumkin. Agar «Yuventus» keyingi turda Lissabonda «Benfika»ni mag‘lub eta olmasa, u holda portugaliyaliklar pley-off yo‘llanmasini band qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
