Yevropaning top-beshlik chempionatlarida yillar davomida o‘nlab super-yulduzlar yetishib chiqdi. Bu nomlarni bugun hamma taniydi. Quyida ushbu ligalarda 50 ta gollik dovonga eng tez yetgan futbolchilarning 10 tasini e’tiboringizga taqdim etamiz. Ronaldu va Messi yetakchi desangiz adashasiz. Bizda ularni ham ortda qoldira olgan nom bor. Uning ismi – Erling Xoland. Hammasi adolatli bo‘lishi uchun hisobni u tug‘ilgan, 2000 yildan keyin olishni ma’qul ko‘rdik. Demak, boshladik.
10. Muhammad Saloh ("Chelsi", "Liverpul")
Saloh bu ro‘yxatning yuqorirog‘ida bo‘lishi mumkin edi. Ammo uning "Chelsi"dagi omadsiz davri bunga yo‘l qo‘ymadi. Misrlik hujumchi APLda 72 ta bahsda 50 ta gol urishga erishgan. Bu borada faqat Alan Shirer undan yaxshiroq natijaga ega.
9. Fernando Torres ("Liverpul")
"El niño"ning Angliyaga kelishi butun jahonga katta dovrug‘ soladi. Ispaniyalik hujumchi "Enfild"dagi ilk mavsumida 24 ta gol urishga erishgan. Ammo jarohatlarlar uning muvaffaqiyatlariga halaqit qildi. Torres uchun dastlabki 50 ta golga 72 ta o‘yin kerak bo‘ldi.
8. Rud van Nistelroy ("MYU")
Ha, Shirer va Endi Koul Nistelroyga qaraganda yaxshiroq natijalarga ega edi. Ammo so‘nggi 25 yilda emas. Nistelroy 68 ta bahsda 50 ta gol urishga erishgan hujumchi edi. U "MYU"da jami 150 ta bahsda 95 ta gol urishga erishgan.
7. Andrey Shevchenko ("Milan")
Mashhur ukrainalik futbolchi yigirma birinchi asr avvalining yirik namoyondasi sanaladi. U "Dinamo Kiyev"dan "Milan"ga keladi va 68 ta bahsda 50 ta golga mualliflik qiladi. U bu orqali A seriya rekordini o‘rnatishga erishgan edi.
6. Krishtianu Ronaldu ("Yuventus")
Ronaldu Turinga kelganida, allaqachon dunyoning eng kuchli to‘purariga aylangan edi. Shu sabab u o‘z ishini Italiyada ham davom ettirishi hech kimni ajablantirmadi. U "Yuventus"dagi dastlabki 61 ta bahsida 50 ta gol urib, Shevchenkoning rekordini yangilaydi.
5. Zlatan Ibragimovich ("PSJ")
Ibragimovich "Qatar Sport Investment"ning "PSJ"da amalga oshirgan ilk yirik xaridi edi. Shvesiya terma jamoasi a’zosi bo‘lgan hujumchi, o‘shanda eng yaxshi sermahsullik ko‘rsatgan. U 122 ta liga bahsida jami 113 ta gol urishga erishadi. 50 talik dovonga yetish uchun esa Zlatanga atigi 59 ta o‘yin kifoya qilgan.
4. Luis Suares ("Barselona")
APL tarixida kamdan kam futbolchi Suaresning 2013-14 yilgi mavsumda qilgan ishini amalga oshira oladi. Uning fantastik o‘yinlari "Barselona"ni o‘ziga qaratgan edi. Suares 2014 yilgi Jahon chempionatida Kyellinini tishlagani sababli 4 oyga futboldan chetlatilgan. Ammo bu vaqt "Barselona"ni kutishi uchun arzir edi. Suares 2014-15 yilda Enrike qurgan jamoaning yuragiga aylandi. U uchun 59 ta bahs, 50 ta gol urishga uchun yetarli bo‘lgandi.
3. Neymar ("PSJ")
Neymarning Parijga kelishi katta voqelik edi. Ammo futbolchining o‘yin darajasi uchun bu narsa teskari ta’sir ko‘rsatgan. U 4 yil davomida ancha qiynaldi. Ammo Liga 1 da 58 ta bahsda 50 ta gol urishga erishdi. Bu esa eng yaxshi uchinchi natija edi.
2. Krishtianu Ronaldu ("Real")
Ronalduning 2009 yilda "Real"ga ko‘chishi o‘ta dovruqli kechgandi. Shunga yarasha, portugaliyalik futbolchi o‘zini ko‘rsata oladi. La-ligadagi dastlabki mavsum u uchun 26 ta gol bilan yakunlanadi. Ammo keyingi mavsumlarda Ronaldu faqat va faqat yaxshilanib bordi. Uning 50 ta golga yetishi uchun esa 51 ta bahs kerak bo‘ldi.
1. Erling Xoland ("BVB")
Xoland "Borussiya Dortmund"ga 19 yoshida keladi. Garchand o‘spirin bo‘lishiga qaramay, u allaqachon yetuk hujumchiga aylanib ulgurgandi. Bu uning "arilar" tarkibidagi debyut o‘yinida xet-trikka erishganida ham o‘z aksini topgan. Norvegiyalik hujumchi 2021 yilning noyabrida, o‘zining elliginchi Bundesliga bahsida elliginchi goliga muallif qilgan. Bu esa Yevropada so‘nggi 22 yildagi mutlaq rekorddir.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
