Grem Potter, vanihoyat, iste’foga chiqarildi. Aslida bu voqea futbol jamoatchiligi tomonidan anchadan beri kutilayotgandi. Potter davrida Yevropaning ikki yil oldingi chempioni, APLda 11 o‘ringacha tushib ketdi. Mavsum tugashiga esa atigi 10 tur qoldi. "Chelsi"ga yana bir nemis murabbiyi kelishi kutilmoqda. "Bavariya"dan ketgan Nagelsman, Byoli tomonidan yana ishga tayinlanishi mumkin. Ammo u yagona variant emas. Quyida "aristokratlar" boshqaruviga kelishi mumkin bo‘lgan murabbiylar ro‘yxati bilan tanishasiz.
1. Yulian Nagelsman
Hammaga ushbu tanlov qolganlaridan ko‘ra haqiqatga yaqinroq bo‘lib tuyulishi mumkindir. Ammo Nagelsman uchun faqatgina "Chelsi" kurashmaydi. O‘tgan haftaning boshida ishdan ketgan Antonio Kontening bo‘shab qolgan o‘rni Nagelsmanga berilishi mumkin. Shunday ekan, ikki London klubi hali bu borada kurash olib boradi.
2. Maurisio Pochettino
Tahlilchilar fikriga ko‘ra, Pochettino ham har ikki London klubi – "Tottenxem" va "Chelsi"ga tashrif buyurishi mumkin. Qay birini tanlash esa argentinalikning o‘ziga havola. Pochettino oldin "shporlar"ni boshqargan. Ammo "Chelsi"dagi ish, u uchun yangisi bo‘ladi.
3. Brenden Rojers
Rojers "Chelsi"da oldin faoliyat yuritgan. Biroq, bunda bir muammo bor. "Chelsi" Tuxel o‘rnini "Brayton"da ajoyib o‘yin qurgan Potter bilan to‘ldirgandi. Endi esa "Lester Siti"ning omadsiz murabbiyi olib kelinishi qanchalik to‘g‘ri bo‘larkin?
4. Luis Enrike
Ispaniya terma jamoasining sobiq murabbiyi Grem Potter haydalish arafasida ekani ayon bo‘lganidan beri uning o‘rnini egallash uchun favoritlar qatorida edi. Enrike klublar futboliga qaytishni istaydi. "Chelsi" u uchun ayni muddao bo‘lishi mumkin. Ammo bu uchun Enrike Nagelsman bilan raqobat qilishi kerak.
5. Joze Mourinyo
U allaqachon ikki davr mobaynida "Chelsi"da ishlashga ulgurgan. Uchinchi davrni ham inkor etib bo‘lmaydi. Mourinyo "PSJ"ga taklif etilishi mumkinligi haqida xabarlar chiqqandi. Negaki, parijliklar Kristof Galtyeni iste’foga chiqarishi mumkin. Mourinyoning o‘zi kelajagi haqida jiddiy o‘ylab ko‘rishi kerak. Hozircha uning niyati "Roma"dagi ishni davom ettirish bo‘lib turibdi. "Chelsi"dagi o‘rin bo‘sh qolgani sababli, Mourinyoning yana APLga qaytishini inkor etib bo‘lmaydi.
6. Zayniddin Zidan
Zidan doimiy ta’kidlab kelmoqda: unda APL jamoalari bilan ishlash niyati yo‘q. Shunga qaramay, baribir fransuz afsonasi nomi "Chelsi" variantlari ichida mavjud. Ammo Zidanning o‘zi boshqa bir top-jamoani ko‘zlab turibdi. Buni siz yaxshi bilasiz.
7. Diyego Simeone
Simeone nomi paydo bo‘lganida, ko‘plab bahslar ham vujudga keladi. Negaki, uning alohida uslubi bor. Bu uslub na Grem Potternikiga, na undan oldingi Tuxelnikiga o‘xshaydi. Aksincha, argentinalik mutaxassis himoyaviy futbolni ma’qul ko‘radi. Ammo Simeoneda yulduz futbolchilarni qanday qilib boshqarish borasida katta tajriba mavjud.
8. Oliver Glazner
Glaznerning "Ayntraxt"dagi ajoyib ishi, unga ko‘plab katta klublar qiziqishiga sabab bo‘ldi. 48 yoshli mutaxassis "Tottenxem" uchun ham variant hisoblanadi. Avstriyalik murabbiy o‘tgan mavsumda qiyinchilik bilan Frankfurt klubini YELda g‘olibga aylantirgandi. Glazner jamoasi bu mavsumda Bundesligada yaxshi natija qayd etmoqda.
9. Ruben Amorim
"Sporting" ustozi Grem Potter kelishidan oldin ham "Chelsi" ro‘yxatida bor edi. U "Tottenxem"ga ham ishga kelishi mumkin. Amorim Portugaliyada yaxshi jamoa tuza oldi. Buni lissabonliklarning "Arsenal"ga qarshi bahsida guvohi bo‘ldik.
10. Roberto De Zerbi
De Zerbi Potter o‘rnini egallaganida, ko‘pchilik uni tanimasdi. Ayrimlar uning mahoratiga shubha ham qilgan. Ammo u barcha fikrlarni chippakka chiqardi. Ayni damda "Brayton" yevrokuboklar uchun kurashmoqda. Italiyalik mutaxassis o‘z jamoasini pressing mashinasiga aylantirdi. "Chelsi" De Zerbini olib kelishi uchun, "Brayton"ga 11.5 million funt to‘lashi kerak bo‘ladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
