Yevropa bo‘ylab eng yaxshi futbolchilarni tanlab olish oson ish emas. Shu sababdan biz faktlar va ko‘rsatkichlarga asoslanamiz. Shu orqali har qanday bahs va kelishmovchiliklarni oldi olinadi. 2022-23 yilgi mavsum hali yakuniga yetmadi. Shunga qaramay, hozirga qadar eng yaxshi natija qayd etayotganlar ajralib ulgurgan. Shulardan o‘ntasi, quyida e’tiboringizga havola etiladi.
10. Gabriel Jezus – "Arsenal"
Braziliya terma jamoasi a’zosi yozda "Arsenal"ga o‘tgan edi. Uning 45 millionlik ko‘chishi omadli bo‘ldi deyish mumkin. Bu orqali hujumchi Gvardiola davridagi soyadan chiqdi va nimalarga qodir ekanini ko‘rsata oldi. Ayni damda Jezus 9 ta gol va 5 ta assistga erishdi. Bu esa mavsumning 4 oyini jarohat sababli o‘tkazib yuborgan futbolchi uchun yomon natija emas.
9. Viktor Osimxen – "Napoli"
Italiyada eng yaxshi futbolchilardan biri, shubhasiz Osimxendir. Nigeriyalik hujumchi bu mavsumda 30 ta o‘yinda 25 ta gol urishga erishdi. Luchanno Spalettining yetakchi jamoasida eng yorqin yulduz Osimxen desak yangishmaymiz. "Napoli" bu mavsumda uning ta’siri bilan 1990 yildan beri ilk bor Italiya chempioni bo‘lishga yaqin turibdi. Ammo Osimxenning o‘rni bu jadvalda 9 o‘rinni egallab turibdi.
8. Karim Benzema – "Real"
2021-22 yilgi mavsumni yuqori darajada o‘tkazgan Benzema, "Oltin to‘p"ga loyiq ko‘rilgan edi. Ammo jarohatlar futbolchining joriy mavsumini ancha muammolar girdobiga soldi. 35 yosh bo‘lishiga qaramay, Benzema mavsum davomida 34 o‘yinda 32 ta golda ishtirok etdi. Bu hisob kengayishda davom etmoqda.
7. Xvicha Kvarasxeliya – "Napoli"
Osimxenni mavsum davomida aniq uzatmalar bilan bilan ta’minlab kelgan kim deb o‘ylaysiz? Albatta, yangishmadingiz. Xvicha bu mavsum davomidagi yorqin o‘yinlari sabab Maradonaga mengzaldi. Ayni damda u "Kvaradona" degan laqab olgan. Bu bekorga emas, albatta. Yozgi transferlar oynasida Osimxen va Kvarasxeliya jamoasiga katta pul keltirishi mumkin. Buning uchun gruziyalik yuksalishda davom etishi lozim.
6. Erling Xoland – "Manchester Siti"
O‘zga sayyoralik "maxluq" jadvalda yetakchilik qilmayapti. Biz ham hayronmiz. Ammo portal uni oltinchi pog‘onaga qo‘ygan. 51 million funtga xarid qilingan hujumchi, o‘zining debyut mavsumida APL doirasida 32 ta gol urishga erishdi. Yana uchta gol bilan Xoland APL rekordini yangilashi mumkin. Eng dahshatlisi esa, u endigina 22 yoshda.
5. Kevin De Bryuyne – "Manchester Siti"
Doimgidek De Bryuyne eng yaxshilar qatorida. Uning o‘yinidagi sermahsullik Xoland bilan ham bog‘langan. Aynan norvegiyalik hujumchi KDBning paslarini golga aylantirmoqda. Bu juftlik natijalar qayd etishda bir-biriga eng katta ko‘makchidir.
4. Neymar – "PSJ"
Neymar bor joyda, gol va kreativlik albatta bo‘ladi. Harxolda, Fransiya chempionatida holat shunday. Neymar balki futbolda o‘lib borayotgan san’atning so‘nggi vakillaridan biridir. 31 yosh hujumchi futbolda hamma narsa qildi. Uning o‘yinlar "PSJ"ga ko‘rk bag‘ishlab turibdi desak, yangishmagan bo‘lamiz.
3. Marten Terye – "Ren"
26 yoshli hujumchi oldingi chiziqning har qaysi nuqtasida harakat qila oladi. Terye 2021-22 yilni yaxshi o‘tkazgandi. Bu mavsum ham undan qolishmayapti. Fransuz hujumchisining jamoasi Yevrokuboklar uchun jiddiy kurashmoqda. Bunda Teryening ta’siri juda ham kattadir.
2. Kilian Mbappe – "PSJ"
Ko‘pchilik nazdida dunyoning eng yaxshi futbolchisi bo‘lgan Mbappe, "WhoScored"ni hali bunga ishontira olgani yo‘q. Mbappe bu mavsumda ushbu ro‘yxatdagi hammadan yaxshi aniq uzatmalarni ijro etdi. Assistga kelganida esa unday deya olmaymiz. Kilianning bahosi 7.73 ni tashkil etmoqda.
1. Lionel Messi – "PSJ"
Yana kimdir bu o‘rinni egallashi mumkin edimi? Messidan boshqa variant topa olmaymiz ham. "PSJ"dagi taqdiri so‘roq ostida qolgan paytlarda ham Messi o‘z ishini davom ettirmoqda. Aynan mana shu narsa Messi va Mbappe o‘rtasidagi farqdir. Parijda Messi gollar, assistlar, imkoniyat yaratishlar, zarbalarda eng ilg‘ori va eng yaxshi o‘yinchi nomiga loyiq ko‘rilmoqda. 35 yoshli hujumchi uchun bu dahshatli natijalardir. Uning reytingi esa 8.43.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
