London jamoasining murabbiylik lavozimiga asosiy da’vogarlarni tahlil qilamiz.
Frenk Lempard
Dastlab, «Chelsi» afsonasi bir necha oyga klubga chaqirildi: uning rasmiy lavozimi - bosh murabbiy vazifasini bajaruvchi xolos. Grem Potterni ishdan bo‘shatish ortida hech qanday keyingi reja yo‘q edi va eng yaxshi nomzodlarning rad etilishi Todd Boelini Lempard variantiga olib keldi. Frenkning o‘zi vaqtinchalik ishchi sifatidagi rolini yaxshi biladi, u matbuot anjumanlarida buni tan oladi. Ammo Lempard shu yozda jamoaga taklif qilinsa, to‘liq stavkali ishdan bosh tortadimi? Mavsum yakuniga qadar qolgan vaqt uning uchun barchasini isbotlash uchun yaxshi imkoniyatdir. Biroq hozircha Lempard muvaffaqiyat qozona olmadi - uchta o‘yinda uchta mag‘lubiyat. Agar londonliklar Chempionlar ligasidan chiqib ketsa, uning «Stemford Brij»da qolish imkoniyati nolga tushadi.
Yulian Nagelsmann
Potter ishdan bo‘shatilishi bilanoq G‘arb matbuoti darhol «Bavariya»ning sobiq murabbiyini «Chelsi»ga bog‘ladi. Nagelsmanning nomzodi juda ravshan bo‘lib tuyuldi: u Myunxenni zo‘rg‘a tark etgan va Potterning munosib o‘rinbosariga o‘xshab ko‘rinardi.
Oradan bir-ikki hafta o‘tib, hech narsa o‘zgarmadi: o‘sha paytdagidek, 35 yoshli nemis «Chelsi»dagi lavozimga asosiy nomzodlardan biri sanaladi. Sky Sports xabariga ko‘ra, Nagelsmanning agentlari allaqachon «ko‘klar» va «Tottenxem» bilan bog‘lanishgan, ular ham murabbiy izlamoqda, biroq Yulian mavsum oralig‘idanoq ish boshlamoqchi.
Luis Enrike
«Barselona» va Ispaniya terma jamoasining sobiq murabbiyi bir necha oylardan beri ishsiz edi, lekin u haqiqatan ham klublar futboliga qaytishni xohlaydi. Nagelsmann kabi Enrike ham «Chelsi»dagi o‘rin uchun asosiy da’vogarlar qatorida va allaqachon Londonga intervyu uchun kelgan. Ispaniyalik hatto aeroportda e’tiborga tushib qoldi va undan qisqa intervyu olindi, faqat u «Chelsi» haqidagi barcha savollarga javob berishdan mohirlik bilan qochdi.
Joze Mourinyo
Ko‘pchilik «Chelsi» muxlislari uchun portugaliyalikning qaytishi ushalmas orzu bo‘lsa kerak. Mourinyo hamon klub tarixidagi eng muvaffaqiyatli murabbiy va uning «Roma»dagi faoliyati hali ham yaxshi. O‘tgan mavsumda Mourinyo rimliklar bilan Konferensiyalar ligasida g‘olib chiqdi, bu mavsumda u Yevropa ligasi uchun kurashmoqda va A Seriyaning kuchli uchligida. «Roma» so‘nggi to‘rt yil ichida birinchi marta Chempionlar ligasiga qaytishi mumkin.
Albatta, «Chelsi» Mourinyoni sotib olishga majbur bo‘ladi, chunki uning rimliklar bilan shartnomasi 2024 yilgacha amal qiladi. «Stemford Brij»ga o‘tish portugaliyalikka «uchinchi mavsum sindromi»dan, uning butun faoliyatini qiynayotgan odatiy kasallikdan qochish imkonini beradi. Ammo hozircha bu tayinlov haqiqiydan ko‘ra fantastikroq ko‘rinadi. Bundan oldin Mour va Abramovichning munosabatlari yaxshi bo‘lgan xolos.
Maurisio Pochettino
Argentinalik murabbiy «Tottenxem»da ajoyib ishladi va londonliklarni yangi bosqichga olib chiqdi, biroq shundan so‘ng Pochettinoning faoliyati to‘xtab qoldi: avvaliga u bir yildan ko‘proq vaqt ishlamadi, keyin esa «PSJ»da unchalik muvaffaqiyatli bo‘lmagan bir yarim mavsum o‘tkazdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
