38 yosh bo‘lishiga qaramay, Krishtianu Ronaldu top-darajada qolishga harakat qilmoqda. Buning uchun insondan ko‘p mehnat talab etiladi. Mehnatdan tashqari professional sportchi, ma’lum qonun-qoidalarga amal qilishi lozim. 38 yoshli futbolchi uchun bu qoidalar yanada qat’iy bo‘lishi kerak. Bu hafta boshida Ronaldu ijtimoiy tarmoqlarda ko‘p muhokamaga sabab bo‘lgan rasmni o‘z Instagram tarmog‘ida ulashgandi. Unda futbolchining saunadagi vaqti aks etgan. Ko‘plar uning qomatiga e’tibor qaratishadi. Ammo uning bo‘yalgan oyoq barmog‘i ham hammaning og‘zida edi. Quyida Ronaldu sog‘lom hayot uchun har kuni nima qilishi haqida so‘z boradi.
Kuniga olti mahal ovqat
Sobiq "Real" futbolchisi har kuni olti martagacha ovqatlanadi. Uning diyetasidan baliq ham o‘rin olgan. Tuna balig‘i portugaliyalikning sevimli taomi sanaladi. Shuningdek, u jo‘ja go‘shtini "sehrli" deb hisoblaydi. Negaki, bu go‘sht tarkibida oqsil ko‘p va yog‘lar kam. Xususan, Ronaldu nonushta uchun pishloqlar va yog‘siz yogurtni iste’mol qiladi. Agarda nonushta qilmaydigan bo‘lsa, sobiq "MYU" yulduzi kun davomida avokado yong‘og‘idan tayyorlangan sneykni tanovvul qilib yuradi. Tushlikka Ronaldu, avvaliga jo‘ja go‘shti va salatni keyin esa baliq, tuxum va olivyeni tanavvul qiladi. Kechki ovqat uchun yana go‘sht va baliq tanlanadi. Ular alohida-alohida iste’mol qilinadi.
Krioterapiya xonasida muolaja
2013 yildan beri Ronaldu sovuq orqali davolanadi. Ronaldu Madridda maxsus sovutish tizimiga ega bo‘lib, uning narxi taxminan 50 ming funtga teng edi. Ayni damda ham futbolchi mana shu uslubdan foydalanib kelmoqda. Bu narsa unga jismoniy holatini birdek ushlab turishda ko‘mak beradi. Maxsus sovutish moslamasi ichida 3 daqiqa turish davomida Ronalduning tanasi Selsiy shkalasi bo‘yicha 160 darajadan 200 gacha muzlatiladi. Krioterapiya orqali tana mushaklaridagi og‘riq, shish, yara va cho‘zilishlar barham topadi.
Kuniga to‘rt soat badantarbiya
Ronalduning shunday ko‘rinishiga faqatgina trenajorda qilinadigan mashqlarigina yordam beradi deb o‘ylasangiz, qattiq yangishasiz. Sport bilan shug‘ullanishga kelganda, Ronaldu o‘ziga juda ham talabchan insonga aylanadi. Futbolchi qat’iy fitness rejasiga muvofiq kuniga 25-30 daqiqa kardio mashg‘ulotlari o‘taydi. Undan keyin esa tez yugurish, sprinterlik qiladi. Mushaklarni chiniqtirish uchun esa og‘ir toshlardan foydalanadi. Ronaldu, shuningdek, suzishni yaxshi ko‘radi. U o‘z irodasini mustahkamlash uchun har doim o‘z tanasini qiynashni kanda qilmaydi. Insonni lol qoldirgan holda, Ronaldu klub bilan mashg‘ulotlardan keyin, yana 3-4 soat shug‘ullanadi. Bu haqida bir paytlar Patris Evra ham aytib o‘tgandi.
Kunduzi kam-kam uxlab olish
Ronaldu ham hamma singari uyquni sevadi. U tunda 8 soat uxlaydi. Ammo bu kunduzgi besh martalik mizg‘ishlardan farq qiladi. Bu haqida Ronalduning o‘zi shunday degan edi: "To‘g‘ri uxlash mashg‘ulotlardan ko‘zlangan maqsadlarga yetishda yordam beradi. Men doimo erta uyquga yotaman va ertalab erta uyg‘onaman. Ayniqsa, bu ishim o‘yinlar oldidan jiddiy bajariladi. Uyqu mushaklar tiklanishida muhim ahamiyatga ega. Mushaklar esa futbolchi uchun juda ham muhim sanaladi".
Oyoq barmoqlarini bo‘yash
Saudiya Arabistonidagi faoliyati davomida, Ronaldu nima bilan band bo‘layotganini ijtimoiy tarmoqlar orqali ulashgandi. Uning o‘tgan haftadagi rasmida Ronaldu, saunada ko‘rinish beradi. Hammaning e’tibori esa, yuqorida aytilgandek, qora rangga bo‘yalgan barmoqlarda edi. "An-Nassr" hujumchisi bunday ishni birinchi marta qilayotgani yo‘q. 2023 yil avvalida ham uning UFC yulduzi Frensis Ngannu bilan tushgan rasmi, bo‘yalgan barmoqlar bilan hammaning yodida qolgan. Bunday qilishga aniq sabablar bor, albatta. Nemis nashri BILD bergan xabarda aytilishicha, ko‘plab sportchi-atletlar shunday qiladi. Oyoq bormoqlarini bo‘yash ko‘plab mikrob va bakteriya-infeksiyalarni oldini oladi. Futbolchilar kun davomida butsalarda yurishini hisobga olsak, oyoq barmoqlarini baqquvat va sog‘lom bo‘lishi ular uchun juda ham muhimdir. Bu faktor ham Ronalduning nega hozirgi darajasiga chiqqanining yana bir isbotidir.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
