Olti yil avval, 2017 yilning aprel oyida Viktor Valdes faoliyatidagi so‘nggi o‘yinini - Premyer-ligadagi "Midlsbro" safida o‘tkazdi. Ammo butun dunyo uni boshqa jamoadagi o‘yinlari bilan eslaydi, albatta. Valdes — "Barsa"ning afsonasi, o‘yinlar soni bo‘yicha klub darvozabonlari orasida rekordchi. Olti karra Ispaniya chempioni va uch karra Chempionlar ligasi g‘olibi. Ammo Viktorning murabbiylik faoliyati futbolchilik faoliyati kabi omadli emas.
Qo‘lqoplarini mixga ilgan Valdes futbolda qolishga qaror qildi va darvozabonlikdan kam bo‘lmagan stressli kasbni tanladi. U murabbiylik kurslariga qatnay boshladi. Viktor Ispaniya terma jamoasining yulduzlari – Xavi, Raul, Xabi Alonsolar qatorida lisenziya oldi. Sobiq darvozabon "Moratalas" havaskor yoshlar jamoasini boshqarib, debyut qildi. U yerda Valdes o‘z yigitlari bilan ikkita mintaqaviy sovrinni qo‘lga kiritdi. 36 yoshli mutaxassis o‘shanda ish didini his qilgan va tez orada o‘z ona klubiga qaytish taklifini qabul qilgan. 2019 yilning yozida Viktor “Barselona” yoshlar jamoasi (U-19) “Xuvenil A”ni boshqargan.
Biroq uning Kataloniya klubiga qaytishi qisqa umr ko‘rdi. Tayinlanganidan atigi 80 kun o‘tib, 2019 yil oktyabr oyida Valdes "Barselona"ni tark etdi. Bunga sobiq darvozabon va uning sobiq jamoadoshi Patrik Klyuyvert o‘rtasidagi mojaro sabab bo‘lgan. Niderlandiyalik Kataloniya klubida yoshlarni tayyorlash uchun mas’ul bo‘lgan, "La Masiya" direktori lavozimini egallagan va ularning Viktor bilan so‘nggi suhbati yomon kechgan.
Klyuyvert va boshqa "Barsa" rahbarlari ko‘p narsadan norozi bo‘lishdi: Valdesning taktik qarashlaridan (u klassik 4-3-3 sxemasidan voz kechdi) Kataloniya klubining ba’zi xodimlari bilan sovuq munosabatlarigacha. Qolaversa, Viktor UEFA yoshlar ligasida “Barselona”ni boshqarar ekan, ushbu turnirning ayrim qoidalarini buzgan. Xususan, u halol o‘yin reklamasi doirasida o‘tkazilgan raqiblar bilan birgalikda kechki ovqatga kelmadi. Bu arzimas narsadek tuyulsa-da, klub imidjida o‘z aksini topdi.
Darvoqe, iste’foga chiqarilishidan biroz avval Valdes “Barselona” va “Zenit” o‘rtasidagi o‘rtoqlik uchrashuvida murabbiy uchun noodatiy ish qildi: u raqib darvozaboniga yaxshi o‘yin uchun minnatdorchilik bildirdi.
Valdes 2020 yilning may oyida Ispaniya chempionatining to‘rtinchi divizionida o‘ynaydigan “Xorta” taklif olgach, murabbiylar o‘rindig‘iga qaytdi. Bu uning murabbiy sifatidagi so‘nggi klubi edi. Viktor "Xorta”da ham ko‘p ushlanib qolmadi. 2021 yilning yanvarida jamoadan ketdi. Rasmiy versiyaga ko‘ra, u o‘shanda "Barselona" prezidentligi uchun saylov kampaniyasida ishtirok etgan Joan Laportaning loyihasiga e’tibor qaratmoqchi bo‘lgan.
Kuni kecha Relevo veb-saytida Viktorning murabbiylik faoliyatining ajoyib tafsilotlari aks etgan material chop etildi. Uning sobiq futbolchilari yordamida jurnalistlar Valdes murabbiyning psixologik portretini chizishgan. Ma’lum bo‘lishicha, u "Barselona"ga Ispaniya va Yevropada juda ko‘p sovrinlarni yutishiga yordam bergan tiki-takani yomon ko‘rardi.
Valdes “Xorta”da murabbiylar shtabi vakillari va boshqa xodimlar bilan ziddiyatga bordi. Misol uchun, Viktor fizioterapevt unga qarshi fitna uyushtirayotganiga ishondi. U o‘yinchilarni ham, xodimlarni ham so‘kdi.
Boshqa tomondan, “Xorta”da nafaqat bosh murabbiy, balki sport direktori vazifasini ham bajarib, Valdes saxovatli ishlarni amalga oshirdi. U o‘z mablag‘larini klubga kiritdi, ba’zi futbolchilarning maoshini oshirdi. Darvozabonlarga yangi qo‘lqoplar olib berdi. “Barsa” yoshlar jamoasida ham Viktor xayrli ishlar qildi: maoshini murabbiylar shtabi a’zolari o‘rtasida taqsimlab berdi, futbolchilarga quvvatni oshiruvchi ichimliklar xarid qildi, futbolchilarga yangi butsa sovg‘a qildi. Va bir marta u jarohatlanganlarga ixtisoslashtirilgan klinikada davolanishni taklif qildi va buning uchun o‘zi pul to‘ladi.
Uning sobiq o‘yinchilari Valdesni "g‘alati", "g‘ayrioddiy", "noyob" so‘zlari bilan tavsiflaydi. Viktor ba’zan mashg‘ulotlarda qizishib ketar, ba’zida esa yordamchisi bilan skameykada uzoq o‘tirardi yoki umuman ko‘rinmasdi.
So‘nggi paytlarda Valdes boshchiligida o‘ynagan "Xorta" futbolchilari u bilan bog‘lanishga harakat qilgan. Ularning aytishicha, Valdes o‘zga sayyoralik. “Xorta”dan keyin Viktor ikki yarim yildan beri murabbiylar o‘rindig‘iga qaytmadi. Futbol bilan faqat esa DAZN kanalida sharhlovchi sifatida bog‘lanib qolgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
