"Yuventus" yana katta muammoga duch keldi. Ulardan 10 ochko olib tashlandi. Bu esa jamoaning jadvaldagi o‘rniga ta’sir qildi. 2023 yilning yanvarida “Yuventus” yangi muammolar girdobiga tushib va jiddiy jazo oldi. To‘g‘ri, 2006 yildagidek og‘ir emas. O‘shanda Turin klubi A Seriyadan chetlatilgan edi. 2023 yilda 15 ochko olib tashlangan. Shu sababdan “Yuventus” birdaniga turnir jadvalida bir nechta pog‘onani boy berdi. Massimiliano Allegri shogirdlari uchinchi o‘rindan o‘ninchi o‘ringa tushib ketdi. Chempionlar ligasini unutish mumkindek tuyuldi.
Klub nima qilgan? U lisenziyalash va moliyaviy feyr-pley qoidalarini buzganlikda ayblangan. Klub o‘yinchilarning transfer narxini oshirib ko‘rsatgan, xodimlarning daromadlari haqidagi ma’lumotlarni kam baholagan va futbolchilar daromadlarining haqiqiy hajmini yashirgan. Pandemiya paytida "Yuventus" yashirincha 17 futbolchiga 60 million yevro atrofida maosh to‘lagan. Klub boshliqlari o‘yinchilarning maoshlarini qisman qisqartirishganini, biroq qonunni chetlab o‘tib, ularga pul o‘tkazganini ochiq aytishgan.
“Yuventus”ning sobiq rahbariyati 2022 yil oxirida iste’foga chiqqan edi. Lekin, albatta, bu menejerlarni jazodan qutqarmadi. Ularga quyidagicha jazo belgilangan:
Fabio Paratichi ("Yuventus"ning sobiq sport direktori) - 2,5 yilga;
Andrea Anelli (sobiq prezident) - ikki yilga;
Maurisio Arrivabene (sobiq bosh direktor) ikki yil;
Federiko Cherubini (sobiq sport direktori) - bir yilu to‘rt oyga;
Pavel Nedved (sobiq vise-prezident) - sakkiz oyga futboldan chetlashtirilgan.
Aprel oyida “Yuventus” muxlislari xushxabar oldi – 15 ochko jamoaga qaytarildi. O‘shanda Turin klubi Chempionlar Ligasi zonasidan 9 ochko ortda qolgan holda to‘qqizinchi o‘rinda edi. Va ochkolarni qaytargandan so‘ng, u yana kuchli uchlikka chiqdi. Biroq, xursand bo‘lishga hali erta edi. Italiya federal apellyasiya sudi qayta tergov o‘tkazib, yakuniy hukm chiqarishi kerak edi. Ammo taqiqlangan menejerlarning shikoyati rad etildi.
21 may kuni Corrieredello Sport nashri "Yuventus"dan yana ochkolar olib qo‘yilishi haqida xabar berdi. Bunday qaror 22-sanaga belgilangan sud majlisida qabul qilinishi kerak edi. Prokuratura klubga 9 balldan 12 ballgacha jazo berishni talab qilmoqchi edi. Endi natija ma’lum: “Yuve” 10 ochko yo‘qotdi va Italiya chempionatida yettinchi o‘ringa tushib ketdi.
Shu bilan birga, sud jarayoni yakunlanmaydi va kamida avgustgacha davom etadi. Yangi hukm chiqarilgunga qadar “Yuve” ikkinchi o‘rinda edi, endi esa yana kuchli to‘rtlikni tark etishmoqda. Qo‘shimcha muammo shundaki, hukmga yana bir bor e’tiroz bildirishning ma’nosi yo‘q: FIGC federal apellyasiya sudi ushbu vaziyat bo‘yicha uchinchi marta qaror chiqarmoqda.
Avvalroq Italiya iqtisodiyot va moliya vaziri Jankarlo Giorgetti qiziq izoh bergan edi. Uning fikricha, “Yuventus”dan ochko olish emas, balki klubni stadiondan mahrum qilish kerak.
“Sof iqtisodiy nuqtai nazardan, “Yuventus” yolg‘on hisobot bergan bo‘lsa, nega men ulardan ochko olib qo‘yishim kerak? — deb so‘radi vazir. - Agar soliq yoki polisiya kabi mulohaza yuritganimda, ularning stadionini musodara qilgan bo‘lardim, chunki ular o‘z stadionini qurgan yagona jamoa. Men ularga iqtisodiy zarar yetkazardim. Sport adolatining butun tizimini biroz qayta ko‘rib chiqish kerak, aks holda bu tartibsizlikka aylanadi”, dedi vazir.
Aytgancha, “Yuventus” bosh murabbiyi Massimiliano Allegri sanksiyalarga qaramay, hozircha jamoani tark etish niyatida emas. Bu haqda u qayta jazolanishidan bir kun oldin ma’lum qildi. “Men allaqachon klub xo‘jayinlari bilan gaplashib, o‘z fikrlarim bilan o‘rtoqlashdim. Mening ikki yillik shartnomam bor va tanlovimga kelsak, 100 foiz qolish tarafdoriman. Lekin bu qaror men uchun emas. Direktorlar kengashi o‘z bahosini beradi, biz har doimgidek ishlashda davom etishimiz kerak”.
“Yuventus” Yevropa ligasidan chiqib ketgach jamoada motivasiya ham yo‘qolgani sezilyapti. Ular navbatdagi o‘yinda mehmonda yirik mag‘lubiyatga uchradi. Jamoada qiyin kunlar davom etadi…
Shanghai Shenhua
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
