APLdagi mavsumni ham rasman yakunlab oldik. Kecha bir vaqtning o‘zida boshlangan o‘yinlar yakuniga yetib, kim APLda qolishi, kim YEKLda harakat qilishi-yu, kim uchinchi o‘ringa ega bo‘lishi aniq bo‘ldi. Angliya elitasining jadvali aniq. Ammo mavsumning ikkinchi yarmida qanday natijalar qayd etildi? Yangi yilda "Manchester Siti" yetakchi, "MYU" esa ikkinchi eng yaxshi natijaga ega bo‘lgan jamoaga aylandi. Aytish mumkinki, "qizil iblislar" Erik ten Xag davrida to‘g‘ri yo‘lga qaytdi. Buni YECHL yo‘llanmasi, liga kubogidagi zafar, qolaversa, Angliya kubogi finali isbot etadi.
Ten Xag jamoasi mavsumning ikkinchi yarmida ikkinchi o‘rindagi "Arsenal"dan ko‘proq ochko to‘pladi. So‘nggi 19 o‘yinda "MYU" "Manchester Siti"dan 6 ochko kam oldi. Bu shuni anglatadiki, yaxshiroq tarkib bilan mankunianliklar chempionlik uchun kurasha oladi.
"Aston Villa" ham ikkinchi qismda yuqori formada harakat qildi. Bu jamoa Unai Emeri qo‘l-ostida o‘sdi deyish mumkin. Buni "Tottenxem" quvib o‘tilgani va YEKL yo‘llanmasi qo‘lga kiritilgani ko‘rsatib turibdi. Emeri keyingi mavsum davomida bu jamoani yanada kuchaytirsa, ajab emas. Birmingemliklar faqat "Liverpul" va "Brayton"ga yeta olmadi xolos.
Shuningdek, mavsum kashfiyotlari bo‘lgan "Brayton" va "Brentford"ni ham alohida ta’kidlash kerak. Bu ikki jamoa mos ravishda 6 va 9 o‘rinlarni band etdi.
Jadvalning eng pastiga qaraydigan bo‘lsak, Chempionshipga yo‘l olgan trio – "Lester", "Lids" va "Sautgempton"ni ko‘rishimiz mumkin. "Chelsi" esa so‘nggi 19 o‘yinda faqat mana shu uchta jamoadan ko‘proq ochko jamg‘ardi. "Aristokratlar" so‘nggi 30 yildagi eng yomon mavsumini o‘tkazishga majbur bo‘ldi. Garchand klub yanvarda 291 million funtni transferlar uchun sarflagan bo‘lsada, bu ishlar teskari effekt berdi. Xususan, klub mavsumning birinchi yarmida 26 ochko yig‘gan edi. Bu ko‘rsatkich ikkinchi qismda 18 ga tushib qoldi.
Quyida APLning so‘nggi 19 ta o‘yinida jamoalar qayd etgan natijalar taqdim etiladi. Qavs ichida klubning birinchi 19 ta o‘yinda ikkinchisiga qaraganda qancha ko‘p yoki kam ochko yig‘gani ham keltirilgan.
1. "Manchester Siti" – 44 ochko (-1)
2. "MYU" – 38 ochko (+1)
3. "Arsenal" – 37 ochko (-10)
4. "Aston Villa" – 36 ochko (+11)
5. "Liverpul" – 35 ochko (+3)
6. "Nyukasl" – 33 ochko (-5)
7. "Brentford" – 30 ochko (+1)
8. "Brayton" – 29 ochko (+4)
9. "Tottenxem" – 27 ochko (-6)
10. "Vulverxempton" – 27 ochko (+13)
11. "Vest Xem" – 25 ochko (+10)
12. "Bornmut" – 23 ochko (+7)
13. "Kristal Pelas" – 22 ochko (-1)
14. "Fulxem" – 21 ochko (-10)
15. "Nottingem" – 21 ochko (+4)
16. "Everton" – 21 ochko (+6)
17. "Chelsi" – 18 ochko (-8)
18. "Lester" – 17 ochko (0)
19. "Sautgempton" – 13 ochko (+1)
20. "Lids" – 10 ochko (-11)
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
