Biroz oldin Moskvada RFI konferensiyasi bo‘lib o‘tdi, undagi asosiy narsalarga to‘xtalamiz.
U yerga FIFA vakillari ham kelishgandi. Moskvada RFIning yillik konferensiyasi bo‘lib o‘tdi. Unda nafaqat Rossiya futboli vakillari, balki xorijlik rasmiylar ham ishtirok etishdi.
FIFA ham, UEFA ham o‘z odamlarini Moskvaga jo‘natgan. Ular avval ham shunday uchrashuvlarda qatnashgan, ammo bu safargi bayonotlar kutilmaganda ijobiy bo‘lib chiqdi. Birinchi bo‘lib FIFAning Yevropa milliy assosiasiyalari departamenti rahbari Xaydi Bexa so‘zga chiqdi:
"FIFA prezidenti Infantinoning samimiy salomlarini yetkazishga ijozat bering. 2022 yil juda og‘ir yil bo‘ldi, umid qilamizki, barcha vaziyat tez orada hal bo‘ladi, muammoga yechim topiladi, mehnatingiz uchun rahmat". Shundan so‘ng UEFAning milliy assosiasiyalar bo‘yicha maslahatchisi Yozef Klemen so‘zga chiqdi:
"Sizga Cheferindan samimiy salomlarimni yetkazaman. Hozir oldimizda juda jiddiy muammo turibdi, ammo UEFA futbol g‘alaba qozonishiga ishonadi. Ishonamizki, tez orada nafaqat rasmiy tadbirlar, balki futbol maydonida ham yana uchrashamiz. O‘ylaymizki, tez orada Rossiya terma jamoalari va klublari o‘yinlardan so‘ng do‘st bo‘lib, xalqaro maydonda yana o‘ynashlari mumkin. UEFA hech qachon RFI bilan hamkorlikni to‘xtatmagan. Futbol barchaga ko‘prik bo‘lib xizmat qilishi kerak. RFI prezidenti Aleksandr Dyukov ham Rossiya jamoalarining xalqaro maydonga qaytishi haqida gapirdi:
"Cheklov qo‘yilgan davrda biz uchun terma jamoalar institutini saqlab qolish muhim edi. Hamma yoshdagi terma jamoalar uchun biz yig‘inlar va o‘rtoqlik o‘yinlari o‘tkazdik. RFI uchun asosiy vazifalardan biri terma jamoalarni xalqaro darajaga qaytarish bo‘lib qolmoqda". Jahon va Yevropa futbolining ko‘plab rasmiylari bilan yaxshi munosabatda bo‘lgan, JCH-2018 tashkiliy qo‘mitasi rahbari Aleksey Sorokin FIFA va UEFA vakillarining so‘zlarini shunday baholadi:
"UEFA va FIFAning muzokara jarayoni davom etayotgani haqidagi gaplarini ijobiy baholash mumkin. Ular hech kimni aldamaydilar. Haqiqatan ham qaytish haqida munozaralar va muhokamalar davom etmoqda. Natijalar yanada dinamik bo‘lishini istaymiz. Ehtiyotkorlik g‘alaba qozonadi va Rossiya futboli qayta tiklanadi, deb umid qilishda davom etamiz. Bu biz xohlaganimizdan sekinroq ketmoqda. Jarayon haqida hech narsa bilmayman.
Aleksandr Dyukov tomonidan RFIning 2022 yildagi faoliyati to‘g‘risidagi hisobot taqdimoti bo‘lib o‘tdi. Ma’ruza kun tartibidagi barcha masalalar qatori bir ovozdan ma’qullandi. Qizig‘i shundaki, birdaniga bir nechta futbol klublarining tashkilotlari o‘z faoliyatini to‘xtatgani uchun RFI tarkibidan chiqarib yuborildi. Ular orasida "Anji" va "Tom" bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
