Pol Pogbaning asl niyati nima?
Yakunlangan mavsum ishlari aslo yurishmagan fransiyalik yarim himoyachi qo‘qqisdan Yevropa tashqarisidagi klubga muhabbat izhor qildi. Vaqtida uning libosida afsonaviy futbolchilar to‘p surishgan. Biroq Polning qachondir o‘sha jamoada o‘ynashi ehtimoli juda past.
Takror aytish kerak, Pol Pogba o‘tgan mavsumni o‘z hisobiga yozib qo‘yolmaydi aslo. Binobarin, erkin agent maqomini olgan fransiyalik futbolchi katta umidlar bilan «Yuventus»ga qaytdi, ammo mavsumoldi mashg‘ulotlari jarayonidayoq jiddiy jarohatga yo‘liqdi. Boz ustiga, noto‘g‘ri davolanish usuli tanlangani oqibatida tiklanish vaqti ham cho‘zilib ketdi. Oqibatda fransiyalik futbolchi 2023 yildagina maydonga qaytdi, shunda ham eski muammolar bot-bot oldida ko‘ndalang bo‘ldi. Raqamlarda aytsak, Pogba butun mavsum davomida bor-yo‘g‘i 200 daqiqa o‘ynadi, xolos. Bu bir jarohatdan keyin darhol boshqasi bo‘y ko‘rsatgani oqibatidir. Qisqasi, dongdor yarim himoyachi vaqtni asosan davolanish va tiklanishga sarfladi. Endi esa sport formasiga qaytish yo‘lida faol shug‘ullanmoqda.
Aksariyat futbolchilar yozgi ta’tilga chiqishgani ma’lum, Pol Pogba esa individual dastur asosida kuchaytirilgan mashg‘ulotlarda ter to‘kmoqda. Diqqatga sazovor tomoni, u barchasini «Flamengo» (Braziliya) futbolkasida bajarmoqda. Aniqrog‘i, klub afsonasi Ziko dastxati tushirilgan libosda. «Flamengo» mohiyatan va tarixan nafaqat Braziliya, balki butun Janubiy Amerika futbolidagi eng yirik klublardan biri hisoblanadi. Biroq fransiyalik futbolchining unga nisbatan muhabbati... To‘g‘ri, Pol Pogba Braziliya futbolini yoqtirishini hech qachon yashirgan emas. Deylik, Ronaldo, Ronaldinyo, Robinyo va Roberto Karlos o‘yinlariga mahliyo bo‘lganini ko‘p bora tilga olgan. Fransiyalik futbolchi shuningdek, Pele, Garrincha va Zikoni ham maqtagan vaqtida. Ammo hozir «Flamengo»ga muhabbat izhor etishdan maqsadi nima? Harqalay, Pol Braziliya klubidan taklif kutmayotgandir... Chunki u yevrofutbol markazida qolmoqchi. Pogbaning Arab klublari tomonidan ilgari surilayotgan mo‘may takliflarga qiyo boqmayotgani shundan dalolat, albatta.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
