Tojikistonda yozgi o‘quv-mashg‘ulot yig‘inini olib borayotgan “Andijon” jamoasi safiga jarohatdan qaytgan futbolchilar haqida ham ma’lumot berilgandi.
Jumladan, serbiyalik tajribali himoyachi Vladimir Bubanya jarohati bois birinchi davrani to‘liq o‘tkaza olgani yo‘q. Lekin endilikda u yana tarkibga qaytdi va ikkinchi davraga tayyorgarlikni boshladi.
Quyida serbiyalik legioner bilan suhbatni o‘qishingiz mumkin.
- Jarohat sababli birinchi davrani to‘liq o‘tkaza olmadingiz. Ammo ko‘rib turibmizki, siz yana jamoangizga qaytdingiz va ikkinchi davraga tayyorgarlikni davom ettiryapsiz. Barchasi ortda qoldimi? O‘zingizni qanday his qilyapsiz?
- Ha, men OKMK jamoasi bilan bo‘lib o‘tgan o‘yinda jarohat olgandim. Natijada birinchi davraning bir qator turlarida o‘ynay olmadim. Xudoga shukrki, hozir jarohatimdan qutulib, yana mashg‘ulotlarni boshladim. Davolanishni o‘tkazdim, endi jamoam bilan birgaman.
- Jarohatdan forig‘ bo‘lib, yana avvalgi sport formaga qaytish oson bo‘lmasa kerak-a?
- Qiyin bo‘lishini bilaman. Lekin harakat qilyapman. Hozirgi kunda o‘z ustimda ishlab, faqat shug‘ullanishim kerakligini tushunib turibman.
- “Andijon”ning birinchi davrani 6-o‘rinda tugatishini kutganmidingiz? Umuman olganda, buni qanday baholagan bo‘lardingiz?
- Shunday o‘yinlar bo‘lganki, biz omadsiz ravishda mag‘lubiyatga uchraganmiz. Ha, men bilaman, bizga og‘ir bo‘lganligini. Shuni aytmoqchimanki, men qo‘limdan kelganicha jamoam uchun harakat qilganman va bundan keyin ham bor kuchim bilan o‘ynashga tayyorman.
- Siz uchun chempionatimizdagi eng xavfli hujumchi kim?
- Xebay bilan Cheran. Ular buni o‘z gollari bilan ko‘rsatishmoqda.
- Umuman aytganda, jamoadoshingiz Rubin Xebay haqida so‘ramoqchiman. To‘purar hujumchi sizni yana nimasi bilan hayron qoldiryapti?
- Birinchi navbatda Rubinni ajoyib insonligini va shu bilan birga zo‘r futbolchi sifatida aytib o‘tishim mumkin. U O‘zbekiston chempionatidagi debyut mavsumini juda yaxshi boshlay olganidan xursandman.
- Ayting-chi, “Andijon” tarkibidagi eng quvnoq va jiddiy futbolchi kim?
- Xushchaqchaq futbolchi balki men bo‘lishim mumkin, jiddiysi esa Shahboz Erkinov.
- “Andijon”ning birinchi davradagi ishtirokidan so‘ng endi ikkinchi davrada ham potensialini yuqori baholayaptilar...
- Biz o‘z o‘yinimizni yanada kuchaytirishga harakat qilamiz.
- Chempionatni Qarshida “Nasaf” ustidan g‘alaba bilan boshlagandinglar. Endi 28 iyul kuni yana ushbu jamoa bilan o‘ynaysizlar. Jamoa o‘sha yoqimli g‘alabani takrorlashga qodirmi?
- Ha, biz birinchi uchrashuvda safarda “Nasaf”ni yutib kelganmiz. Xudo xohlasa, yana shunday natijani takrorlashga harakat qilamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
