"Barselona" hammaga ma’lum va mashhur klublardan biri sanaladi. Jamoa boy tarixga ega. Shunga yarasha ularda katta tajriba mavjud. "Barselona" qaysi futbolchidan qachon qutilishni yaxshi biladi. Biroq, ayrim paytlarda rahbariyat bu borada xato qarorlar ham qilib turgan. Quyida "Barselona"ning katta afsuslari haqida so‘z boradi.
Luis Suares
Ketish: 2020 yil
Sotilgan: "Atletiko"
Ronald Kumanning "Barselona"dagi faoliyati boshidan oxirigacha o‘ta muvaffqiyatsiz kechgan. U jamoa natijalaridan tashqari, transferlar borasida ham omadsiz harakat qildi. Kumanning Luis Suaresni sotish qarori eng katta xatolardan biri edi. Urugvaylik hujumchi ketganiga qadar klub afsonasiga aylanib bo‘lgandi. Lionel Messi Suaresning ketishida rahbariyatni aybi bor ekanini ta’kidlab, Kumanni tanqid qilgandi. 30 yoshidan keyin ham Luis Suares ajoyib sport formasida edi. U "Atletiko"ni mamlakat chempioniga aylantiradi.
Lyuka Din
Ketishi: 2018 yil
Sotilgan: "Everton"
Suares bilan Dinni solishtirib bo‘lmaydi, albatta. Ular klub tarixidagi o‘rni borasida katta farqqa ega. "Everton"ga ketgach, Din APLda eng yaxshi qanot himoyachilaridan biriga aylanadi. Kataloniyaliklar esa Dindan keyin Jordi Albaga o‘rinbosar topishga juda qiynaldi. Junior Firpo va Mark Kukurelya variantlari hech qachon ish bermagan.
Aleksis Sanches
Ketishi: 2014 yil
Sotilgan: "Arsenal"
Agarda "Barselona" Luis Suaresni olib kelish uchun Aleksis Sanchesni sotgan bo‘lsa, bu yaxshi. Ammo har ikkisini bir jamoada o‘ynatish ham mumkin ediku, to‘g‘rimi? Agar shunday bo‘lganida edi, tarix yanada yaxshiroq tomonga o‘zgargan bo‘lardi, balki. Sanches "Arsenal"da yuqori darajaga chiqdi. U London klubini to‘purar bo‘lib tark etadi.
Tiago Alkantara
Ketishi: 2013 yil
Sotilgan: "Bavariya"
Alkantara "Barselona" tomonidan yaratilgan eng yaxshi "mahsulot"lardan biri edi. Yarim himoyachi 2013 yilda "Bavariya" safiga yo‘l oladi. Bunga asosiy sabab esa Tiagoning "Barsa"da yetarlicha vaqtga ega bo‘la olmayotgani edi. Shu sabab Gvardiola uni o‘z jamoasiga chaqiradi. "Barselona" esa o‘z tarbiyalanuvchisini bu tarzda qo‘yib yuborganidan afsuslanadi.
Yaya Ture
Ketishi: 2010
Sotilgan: "Manchester Siti"
Yaya Turening jamoadan ketishi "Barselona" uchun eng to‘g‘ri qaror sifatida qaralgandi. Ammo yakunda bunday bo‘lib chiqmadi. Ture Angliyada dunyoning eng yaxshi yarim himoyachilaridan biriga aylandi. Yaxshiyamki, "Barselona" rahbariyati bu qilmishi uchun nafratga uchramadi.
Xuan Roman Rikelme
Ketishi: 2003
Sotilgan: "Vilyarreal"
Rikelme o‘z davrining eng iste’dodli futbolchisi edi. Afsuski, u bir mavsumdan keyin "Vilyarreal"ga ketishga majbur qilingan. Bunga o‘sha paytdagi Lui van Galning g‘alati taktikasi va qarashlari sabab bo‘lgan deyishadi. Rikelme ketgach, klub Ronaldinyoni sotib oladi va jamoa uning atrofida qurila boshlaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
