SSKA - «Krilya Sovetov» o‘yinining ikkinchi bo‘limida maydonga tushib, barchaning e’tiboriga tushgan hamyurtimiz Abbos Fayzullayev rus tilida ravon so‘zlashi bilan ham maqtov oldi jurnalistlardan.
SSKA o‘yinini butunlay o‘zgartirib yuborgan va uchrashuvning eng yaxshi futbolchisi sifatida e’tirof etilgan legionerimiz flesh-intervyuda baralla ta’kidlandi: «Bu hali hammasi emas!»
- Abbos, durang bilan sizni tabriklasak bo‘ladimi yoki...?
- Yo‘q. Chunki SSKA hamisha g‘alabani ko‘zlaydi, bu o‘yinda ham 3 ochko olishni rejalashtirgan edik. Yaxshi o‘ynadik, 2ta gol qo‘yib yuborganimizga qaramay, burilish yasadik va durang qayd etdik. Muhimi, oxirigacha kurashdik. Nasib etsa, keyingi bahsda g‘alaba qozonamiz.
- Maydonga tushganingizdan keyin SSKAning o‘yini butunlay o‘zgardi. Yaqinda terma jamoangizda gol urdingiz va bu o‘yinga o‘zgacha kirishdingiz. Tasavvur shundayki, Rossiya chempionatiga to‘liq moslashib ulgurdingiz...
- Ko‘nikish jarayoni davom etyapti, jamoadagi barcha yigitlar va murabbiylar yordam berishyapti. Bu gal ko‘proq o‘yin vaqti berilganidan xursandman. Keyingi bahsda yanada faolroq to‘p surishga harakat qilaman.
- Maydonda kim bilan yaxshiroq tushunib harakatlanyapsiz?
- Hozircha kimnidir alohida ajratib ko‘rsatolmayman. Axir hali ko‘p o‘ynamadim. Mashg‘ulotlarda esa hamma bilan muloqot qilish, til topishishga urinyapman.
- Jarima zarbasi oldidan oldingizga Igor Akinfeev yugurib keldi. U nima dedi?
- Kuch bilan tepishimni tayinladi. Yana raqib darvozaboni zarba yo‘nalishini ko‘rib turishini cheklash kerakligini.
- «Jonli devor» xalaqit berdi, lekin hammasi to‘g‘ri bajarilgandi...
- Ha, shunday. Qaysi chiziqda to‘p surishimning farqi yo‘q, eng asosiysi maydonga tushishim. O‘yinimdan qoniqdimmi? Ha, ammo yanada yaxshiroq o‘ynay olishimni bilaman. G‘alaba golini urganimda, yanada yaxshi bo‘lardi. Endi keyingi o‘yinlarda shunga harakat qilaman.
- Rossiya chempionatida yaxshi o‘ynagan o‘zbekistonlik futbolchilar yetarli. Kimlarni bilasiz?
- Deylik, Odil Ahmedov yorqin iz qoldirgan.
- Mirjalol Qosimov...
- Ha, albatta. U «Alaniya»da yetakchilar qatorida bo‘lgan, jarima zarbalaridan ko‘p gol urgan. Yana Eldor Shomurodovni ham aytishim kerak.
- Bu maksimal o‘yiningizmi?
- Yo‘q, bu hammasi emas.
E’tirof
— Hisob adolatli. Tarkib teng bo‘lgan payt SSKA 20-25 daqiqa davomida hech narsa qilolmadi. Abbos Fayzullayev maydonga tushib, o‘yinga kuchli ta’sir o‘tkazdi. U barchamizni o‘ziga muxlis qilib qo‘ydi. SSKA muxlislari ushbu transfer to‘g‘ri bo‘lganini tan olishi kerak endi. Andrey Tixonov.
— O‘yinda «Krilya Sovetov»ga nima bo‘lganini tushuntirib berish qiyin. Hammasiga SSKAda zaxiradan tushgan futbolchilar o‘yinni o‘zgartirib yuborishgani sababdir. Bular - Abbos Fayzullayev va Fyodor Chalov. Umuman, SSKA darajasi yuqoriroq ekan. Andrey Arshavin.
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
