Maurisio Pochettino kelganiga bir necha oy bo‘lganiga qaramay, "Chelsi"da katta o‘zgarish kuzatilmayapti. Yangi mavsumda London klubi faqat ikkita o‘yinda g‘alabaga erishdi. Ulardan biri "Luton Taun"ga qarshi (3-0) bo‘lsa, ikkinchisi liga kubogidagi "Uimbldon" bilan o‘yindagi kambekli g‘alabadir. Qolgan to‘rtta bahs esa ikkita durang va shuncha mag‘lubiyat bilan yakun topgan. Ha, bunda jamoaning omadsizligi ham rol o‘ynadi. Xususan, Pochettino ishongan Nkunku va Broyalar jarohatda edi. Nikolas Jeksonga esa APLda daraja yetishmayapti. Xullas, sabablar bisyor. Biz esa quyida, Pochettino jamoani yaxshilashi uchun nimalar qilishi kerakligi haqida fikr yuritamiz.
Ikkita hujumchi bilan o‘ynash
Bunday variantni "Chelsi"ning jarohatdagi futbolchilar maydonga qaytganida yanada osonroq amalga oshirsa bo‘ladi. Shunga qaramay, hozir ham bu imkonsiz ish emas. Agarda hozirga qadar Nikolas Jeksonga old chiziqda yordamchi yoki sherik bo‘lganida, u shuncha imkoniyatlarni ko‘kka sovurmagan bo‘lardi, balki. Jeksonning ortida Sterling yoki Nkunku kabi futbolchilar o‘ninchi raqam sifatida uni oldinga boshlashi ham, ko‘p narsani o‘zgartirgan bo‘lardi . Pochettino ayni damda "Manchester Siti" qo‘llayotgan uslubga o‘tsa bo‘ladi: Gvardiola 4-4-2 orqali Xoland va Alvaresni oldinda o‘ynatib, Xolandga yordamchi va ayni paytda, unga kattaroq hududlar ochib beruvchi sherik hosil qila oldi. "Chelsi" misolida esa Alvares vazifasini Sterling bajarib bera oladi.
Qanotlar orqali o‘ynash
Bu mavsumning ko‘p o‘yinlarida Poch 3-4-2-1 taktik sxemasidan foydalandi. Bunda qanotdagi ishlar asosan himoyachilar bo‘lgan Malo Gyusto va Ben Chilvellar tomonidan amalga oshirildi. Ikkita hujumkor yarim himoyachilar – Gallaxer va Sterling esa maydon markazida, orqaroqda harakat qildi. Shunga ko‘ra, "Chelsi" o‘z hujumidagi qanot o‘yinchilar yetishmasligidan ham aziyat chekkan bo‘lishi mumkin. Bunday taktika hujumkor qanot himoyachilari bo‘yniga ko‘p narsalarni yuklaydi. Shu sababli 4-3-3 sxemasi Pochettinoga yordam bera oladi. Bu orqali Mudrik va Maduekelar hujumdagi sifatni oshirib berishga hissa qo‘shishadi. Sterling ham har ikki qanotda o‘ynashga qodir. Qolaversa, yangi xarid bo‘lgan Koul Palmerni sinab ko‘rish vaqti kelgan. Ana shunda Chilvell, Gyusto yoki Jeymslar qanotlarda yanada samaraliroq ishlarni qilishlari mumkin bo‘ladi. "Chelsi" bu mavsumda oltita turda beshta gol urdi. Vaholanki, ular yaratgan vaziyatlar soni xG da kamida 10 ta golga tortardi. Demak, nimalarnidir o‘zgartirish lozim.
4-2-3-1 taktik sxemasiga qaytish
Pochettino ko‘pchilik tomonidan o‘z prinsiplariga qarshi holda, taktik sxemani o‘zgartirgani uchun tanqidlarga duchor bo‘ldi. Argentinalik mutaxassis odatda 4-2-3-1dan foydalanardi. Ammo u "Chelsi"da asosan 3-4-2-1 ni qo‘llay boshladi. Bu esa natijalarni yomonlashtirdi xolos. Balki, himoya va yarim himoyaning muvozanatini tiklagan holda, yana eski tizimga qaytish vaqti kelgandir? Fernandesni tayanchga chuqurroq joylashtirib, Palmer kabi futbolchilarni hujumga yordam berishini ta’minlash, Jeksonga ko‘proq imkoniyatlar taqdim etadi. Undan tashqari vingerlar ham gollar urishda muhim ahamiyatga ega bo‘ladi.
ISMATOV J.
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
