Mirjalol Qosimov murabbiy rolida OCHLda 50-o‘yinini qarshi oldi, biroq yubiley unga tatimadi.
Gap OKMKning Olmaliqda Iroqning «Al-Quva Al-Javiya» klubiga 1:2 hisobida yutqazganida ham emas. Shunchaki, uning shogirdlari o‘yinni o‘ta sust boshlashdi, aksariyat holatlarda tushunarsiz harakatlanishdi. Uchrashuvdan so‘ng Mirjalol Qo‘shoqovichning o‘zi ham hech narsaga tushunmagani, faoliyatida ilk marta shunday ishtiyoqsiz futbolga ro‘baro‘ kelganini ta’kidladi. Lekin quyidagi statistika OKMK mag‘lubiyati emas, balki O‘zbekiston klublarini OCHLda maydonga boshlab tushgan murabbiylar haqida (manba - cham-pionat.asia). Zero, murabbiylar ko‘rsatkichi bo‘yicha aynan Mirjalol Qosimov oldinda.
Mana, OCHL-2023/2024da guruh bosqichining dastlabki 2ta turi ortda qoldi. Hozirda Osiyo klublari bosh turnirida mamlakatimiz jamoalari bosh murabbiyi rolida eng ko‘p o‘yin o‘tkazgan mutaxassis - bu Mirjalol Qosimov. OKMK - «Al-Quva Al-Javiya» qarama-qarshiligi vaqtida «Bunyodkor»ni ham qit’aning eng nufuzli musobaqasida maydonga boshlab tushgan Qosimov uchun yubiley - 50-o‘yin bo‘ldi. Futbolimiz afsonasi shuncha o‘yinda 20ta g‘alabani ta’minlagan va uning jamoalari 65ta gol urgan. «Nasaf» shu kunga qadar OCHLda jami 38ta o‘yin o‘tkazgan bo‘lsa, ularning barchasi Ro‘ziqul Berdiyevga tegishli. O‘yinlar soni bo‘yicha reytingning keyingi o‘rnida marhum Viktor Jalilov bor - 26ta. Ma’lumot uchun, taniqli mutaxassis OCHLda «Paxtakor» va «Mash’al»ni bosh murabbiy sifatida maydonga boshlab tushgan.
4-5-o‘rinlar «Lokomotiv»ning sobiq ustozi Andrey Miklyayev va «Neftchi» afsonasi Yuriy Sarkisyanga tegishli - 22tadan o‘yin. «Bunyodkor»da 3 mavsum ishlagan Sergey Lushan bu orada «qaldirg‘ochlar» bilan OCHLning 21ta o‘yinini ko‘rgan. «Navbahor» bilan OCHLdagi dastlabki g‘alabasini tantana qilgan Samvel Babayan jami o‘yinlar soni bo‘yicha «Lokomotiv»ning sobiq ustozi Vadim Abramovdan o‘zib ketdi yaqinda. Endi Samvel Vyacheslavovichda 9ta o‘yin bor, Vadim Karlenovich esa «temiryo‘lchilar»ga 8ta bahsda boshchilik qilgan. Maksim Shaskixning OCHLdagi debyuti esa o‘ta omadsiz chiqdi - «Paxtakor» boshqaruvidagi dastlabki 2ta o‘yinda 2ta mag‘lubiyat (gollar nisbati - 0:5).
O‘zbekiston klublarini OCHLda boshqargan xorijlik murabbiylar orasida esa gruziyalik Shota Arveladze peshqadam - 15ta o‘yin. Katta ehtimolki, bu yil Ro‘ziqul Berdiyev turnirdagi 40-o‘yinini nishonlaydi, Samvel Babayan esa keyingi turda 10ta o‘yin marrasiga yetadi.
O‘zbekiston klublarini OCHLda boshQargan murabbiylarning umumiy statistikasi
Murabbiylar O‘ G‘ D M T-N O
1. Mirjalol Qosimov 50 20 15 15 65-62 75
2. Ro‘ziqul Berdiyev 38 13 9 16 41-49 48
3. Viktor Jalilov 26 15 4 7 42-34 49
4. Andrey Miklyayev 22 6 9 7 28-26 27
Yuriy Sarkisyan 22 8 1 13 26-38 25
6. Sergey Lushan 21 3 5 13 16-31 14
7. Ravshan Haydarov 17 6 4 7 24-26 22
8. Shota Arveladze 15 8 3 4 20-15 27
9. Tachmurad Agamurodov 14 6 3 5 17-12 21
10. Samvel Babayan 9 3 4 2 11-9 13
Luiz Felipe Skolari 9 4 1 4 14-15 13
12. Vadim Abramov 8 2 1 5 14-15 7
13. Amet Memet 7 3 2 2 6-9 11
Andrey Fyodorov 7 2 1 4 10-12 7
15. Valeriy Nepomnyashiy 6 3 1 2 11-7 10
No‘’mon Hasanov 6 3 1 2 10-9 10
Miodrag Radulovich 6 3 0 3 8-10 9
Piter Xyuistra 6 1 4 1 6-8 7
Murod Ismoilov 6 2 1 3 6-9 7
Deyan Jurjevich 6 2 1 3 6-10 7
Slavche Voyneski 6 2 0 4 10-15 6
22. Aleksandr Volkov 5 2 0 3 5-8 6
23. Ziko 2 1 0 1 1-3 3
Hakim Fuzaylov 2 0 0 2 3-6 0
Maksim Shaskix 2 0 0 2 0-5 0
Sergey KNYAZEV, maxsus muxbir
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
