"Liverpul" yoz davomida yarim himoya chizig‘ini yangilash bilan band bo‘ldi. Kimlar sotib olinganini bilasiz va bu qiziq emas. Sizning e’tiboringni boshqa, kimlar sotib olinishi kerak edi degan savolga qaratmoqchimiz. Yurgen Klopp ko‘zlagan nishonlarning beshtasini quyida bilib olasiz. Shuningdek, ular qayerda va qanday natijaga erishayotganini ham.
Moyses Kaysedo
"Chelsi" va "Liverpul" o‘rtasida avgust oyi boshlarida yuz bergan katta poygani eslasangiz kerak. O‘sha poyga aynan Kaysedo sababli yuz bergan. Aynan shu poyga futbolchining narxi keskin ko‘tarilib ketishiga ham sababchi bo‘lgan. Ekvador terma jamoasi a’zosi 115 million funt evaziga "Chesli" futbolchisiga aylandi. Bu Angliyadagi rekord transfer sanaladi. Kaysedo o‘zining debyut bahsida "Vest Xem"ga penalti ishlab bergandi. Hozir u Pochettino jamoasida asosiy tarkibdan joy olgan.
Romeo Laviya
Laviya ham yoz davomida "Liverpul" radarida bo‘ladi. Ammo uning xaridini ham "Chelsi" tortib oldi. Negaki, belgiyalikka London klubi yaxshiroq taklif bildiradi. Avvaliga "Liverpul" Laviya borasida 60 million funtlik kelishuvga erishgandi. Ammo Todd Boeli bu narxga ancha qo‘shgani sababli Laviyaning manzili o‘zgardi. Afsuski, hozir 19 yoshli yarim himoyachi to‘pig‘idan olgan jarohati sababli sentyabr oyidan beri maydonga tusha olmayapti.
Kefren Tyuram
"Liverpul" Tyuramga jiddiy qiziqishda edi. Ammo "Nissa" va Mersisayd klubi o‘rtasidagi muzokaralar omadli yakunlanmaydi. Bunga sabab tomonlarning narx borasidagi turli fikrlaridir. Tyuramning o‘zi "Nissa"da qolgani haqida shunday deydi: "Mavsumni yaxshi boshladim deb o‘ylayman. Jamoa bilan kamchiliklar ustida ishlayapmiz. Transferlar oynasida nima sodir bo‘lganiga qaramay, men shu yerdaman. Shu jamoaga yordam berishni istayman. Katta klublar menga qiziqayotgani quvonarli, albatta. Bu mening to‘g‘ri yo‘lda ekanimdan dalolat".
Federiko Kyeza
So‘nggi Yevropa chempionatida ajoyib harakatlari bilan muxlislar e’tiboriga tushgan futbolchi, oxirgi paytlarda unchalik ham ko‘rinmay qoldi. Shu sababli "Yuventus" uni yoz davomida sotishga harakat qildi. Kyeza bu mavsumda 4 ta gol urishga erishdi. 26 yoshli futbolchiga "Nyukasl" va "Arsenal" qiziqish bildirgani aytilmoqda. Agarda uni "Liverpul" olmoqchi bo‘lsa, Klopp tezroq harakat qilishi kerak.
Sheyk Dukure
Dukure o‘tgan mavsumni "Kristal Pelas"da zo‘r o‘tkazdi. Shu sabab yozda "Liverpul" uni xarid qilmoqchi bo‘ldi. London klubi yarim himoyachini jamoada olib qolish imkonini topdi deyish mumkin. 23 yoshli Mali terma jamoasi a’zosi bu mavsum barcha ko‘rsatkichlarda yetakchilik qilmoqda. Qishda Dukure uchun yana kurash boshlanishi aniq.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
