Italiya «A» seriyasi 9-turidan o‘rin olgan «Torino» - «Inter» o‘yini boshlanishidan oldin o‘ta ta’sirli voqelik kuzatildi.
Mehmon jamoa futbolkasida maydonga tushgan yosh yigitcha mutlaqo kutilmagan harakati bilan e’tiborni o‘z tomoniga qaratdi. «Odam o‘zini aldashga qodir emas» tushunchasiga isbot voqea...
Zamonaviy futbolda ibratli an’analar yetarli. Jumladan, har bir o‘yin boshlanishidan avval ikki jamoa futbolchilari yosh o‘g‘il-qizlarni qo‘llaridan tutgan holda maydonga tushishadi. Odatda bu rolga mezbon jamoa tarbiyalanuvchilari yoki mahalliy bolalar jalb qilinadilar. Bolalarni tanlash usullari ham ko‘p. Qaysidir klub 22 nafar omadli bolakayni alohida tanlov vositasida saralab olsa, boshqasi oddiy yo‘ldan borib, o‘z akademiyasida tahsil olayotganlarga professional futbolchilarga hamroh bo‘lish imkoniyatini taqdim etadi. Ba’zida esa klublar Mehribonlik uylaridan ko‘ngli yarim bolalarni taklif etadi. Oxirgi vaqtlarda esa jismoniy imkoniyati cheklangan bolalarni chaqirish ham odatga aylanmoqda.
«Torino» va «Inter» o‘rtasidagi o‘yin oldidan esa tashkilotchilar oddiy usulni ma’qul ko‘rib, klub tarbiyalanuvchilariga imkon berishdi. Faqat shunisi borki, ayrim bolalardan raqib jamoa libosini kiyish va «neradzurralar» bilan maydonga tushish talab etildi. Albatta, Lautaro Martines yoki Hoqon Chalxanoglu kabi yulduzlar oldida turish aksariyat bolalar uchun faxr, shuningdek, bir umr esda qoladigan voqea. Lekin hamma uchun shunday emas ekan...
Ta’sirli voqelikka kelsak, «Inter» yarim himoyachisi Raul Bellanova qo‘lini tutgan holda maydonga tushgan va uning yonida turgan bolakay to‘satdan kameralarga qarata «neradzurralar» futbolkasini ko‘tarib, uning ostida «Torino» formasi borligini ko‘rsatdi. U shuningdek, jonajon jamoasi ramzini o‘pish asnosida aslida qaysi tomondan ekanligini bildirib qo‘ydi. Ha, yosh yigitcha bu harakati bilan ommaga qanday forma kiyish muhim emasligi, inson o‘z qalbiga buyruq berolmasligini namoyish etdi chiroyli tarzda. O‘yinga to‘xtalsak, «Torino» o‘z maydonida 0:3 hisobida yengildi, ammo bolakay bu kunni uzoq vaqt eslab qoladi. Axir u qalbi «Torino»ga tegishliligini baralla ko‘rsata oldi.
Dinamo
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
