Yevromavsumning asosiy kashfiyoti - «Jirona». Kataloniyaning kamtarin klubi La Liga-2023|2024ni shunday yorqin boshladiki, ko‘pchilik bunga haligacha ishonolmayapti.
Asosiy faktga qarang: Michel boshqaruvidagi jamoa avgust - noyabr oralig‘ida Jud Bellingem bilan yanada qo‘rqinchli raqib timsoliga kirgan «Real» bilan tenma-teng yurdi. Dastlabki 15ta tur yakuni bo‘yicha aytsak, «Jirona» faqat gollar nisbati bo‘yicha «Madrid»dan biroz ortda qoldi. Ko‘pchilik mensimagan jamoa shuning barobarida 15ta o‘yinda La Liganing eng sermahsul ishtirokchisi bo‘ldi - 34ta gol. Albatta, jironaliklarga nisbatan qulay taqvim ham qo‘l kelgandir, ehtimol. Ammo bu klub tarkibida o‘zgacha ishtiyoq bilan to‘p surayotgan futbolchilar xizmatiga soya solmaydi aslo. Quyida sports.ru sayti ma’lumotlari asosida «Jirona»ni olg‘a boshlayotgan markaziy yarim himoyachi Aleysh Garsiyaga e’tibor qaratamiz. Hisobga olish kerak, ushbu material 10 dekabr kuni bo‘lib o‘tgan «Kataloniya derbisi» («Barselona» - «Jirona»)dan oldin yozilgan.
«Vilyarreal» tizimi futbolchisi. Aleysh Garsiya garchi «sariq suvosti kemasi» tizimida shug‘ullangan bo‘lsada, asosiy jamoa tarkibida atigi 1 marta maydonga tushgan. Binobarin, u erta kunda qudratli «Manchester Siti» e’tiborini qozonadi va 2015 yili «shaharliklar» safiga qo‘shiladi. Biroq Aleyshning Angliya safari uzoqqa cho‘zilmaydi. «Manchester Siti» rahbariyati atigi 4ta o‘yinda maydonga tushgan iqtidorli futbolchini ijara kelishuvi asosida «Jirona»ga yuboradi. O‘z o‘rnida aytish kerak, har ikki klub City Football Group konserni tarkibida faoliyat yuritmoqda. Aleyshga qaytsak, u keyinchalik «Dinamo» (Buxarest) va «Eybar» jamoalarida ham o‘ynab ko‘radi. 2021 yilning iyul oyida esa erkin agent sifatida «Jirona»ga qaytadi. Kataloniyaliklar aynan o‘sha mavsum yakunida Segundadan elitaga ko‘tariladilar.
Transferlar bahosi 10 million yevro. Futbolchi joriy mavsum La Liganing dastlabki 15ta turida bexato maydonga tushdi. Shundan 7ta o‘yinni yarim himoyachilar uchligida o‘tkazib, himoyaga bog‘langan futbolchi rolini bajardi. Oxirgi uchrashuvlarda esa Anxel Errera bilan tandem tashkil etmoqda. Aleyshning himoyaviy harakatlardagi ko‘rsatkichiga alohida to‘xtalish kerak. Binobarin, u to‘pni ilib olib borasida 81 foizlik natija bilan o‘z pozisiyadoshlari orasida peshqadamlik qilmoqda. E’tiborli jihati, Aleyshda hujum harakatlari ko‘rsatkichi ham juda yaxshi. U bu borada uzatmalar soni va sifati borasida maqtanishga haqli. To‘g‘ri, hujumda aldab o‘tish foizi biroz past. Lekin har bir o‘yinda 81 foiz aniq uzatma - bu La Ligadagi eng yaxshi ko‘rsatkich. Eng yaqin ta’qibchilar - Toni Kroos va Orelyen Tchuameni 79 foiz aniq uzatmaga egalar. Lekin «Real» vakillarida uzatmalarning umumiy soni kam.
Diagonal o‘tkazma. Har bir o‘yinda o‘rtacha hisobda 66,9ta qisqa uzatma. Aleysh bu borada Ispaniya chempionatining eng ilg‘or 5 nafar ishtirokchisidan biridir. Qisqa uzatmalarning aniqligi 94,4 foiz. «Jirona» yetakchisi bu masalada top-3da. Xullas, statistik ko‘rsatkichlar bo‘yicha aytsak, Aleysh Garsiya shubhasiz, La Liga yulduzlari qatorida. Lekin navbatdagi har bir uchrashuv nafaqat liga kashfiyoti, balki butun «Jirona» uchun haqiqiy sinov sanaladi. Demak, kuzatishda davom etamiz.
A.AHMEDOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
