Navbatdagi qahramonimiz o‘z vaqtida «Atletiko» bilan oltin dublga erishgan, «Alaves» safida UYEFA Kubogining finalida maydonga tushgan,...
…«Albasete» inqilobida ishtirok etgan, hozirda esa «Jirona»ning hayratomuz faoliyatini zavq bilan kuzatayotgan mutaxassis haqida.
Jirona yaqinidagi Salt shaharchasida ulg‘aygan Delfi Jeli ikki haftada bir marta otasi bilan «Barsa»ning uy uchrashuvlariga borar, jamoa yarim himoyachisi Bernd Shuster o‘yinlarini yoqtirib qolgandi. Maradonaning yaqin do‘sti bo‘lgan Shuster Diyego «Napoli»ga ketganidan keyin o‘z faoliyatidagi eng yorqin mavsumni o‘tkazgan va 19ta gol urgandi. «Barsa» esa 11 yillik tanaffusdan so‘ng chempionlikka erishgandi.
80-yillar oxirida Delfi Shusterga qiziqmay qo‘ydi. Birinchidan, Bernd «Barsa» rahbariyati bilan kelisha olmay qoldi va «Real»ga o‘tib ketdi. Aslida, u «Yuve»ga o‘tmoqchi edi, lekin Turinda nemis maktabi yo‘qligi bois, uch nafar farzandlari o‘qishdan chetda qolishlarini istamadi. Ikkinchidan, Jeli ancha ulg‘ayib, taniqli futbolchi bo‘lib ulgurgandi.
13 yoshidan beri «Jirona»da to‘p surgan Delfi 1988|89 yillar mavsumida 28ta gol urib, «Barsa» o‘rinbosarlari safiga o‘tdi. Yoxan Kroyff esa tez orada asosiy tarkib yig‘inlariga jalb etdi. Jeli o‘rtoqlik uchrashuvlarida jamoa to‘purariga aylandi.
To‘g‘ri, bu natijasi asosiy tarkibda Chiki Begiristayn yoki Xulio Salinas o‘rnini egallash uchun kamlik qildi va Delfi 1989|90 yillar mavsumini Gvardiolaning ikkinchi jamoasida davom ettirdi. Nihoyat, 1990 yil yanvarida uni «Ovyedo»ga qarshi bahsda maydonga tushirdi. Biroq Jeli 3ta qulay imkoniyatdan foydalana olmay, 71-daqiqada zaxiraga olindi. 0:0 hisobida yakunlangan ana shu o‘yin asosiy jamoada yagona bo‘lib qoldi. Klub Xristo Stoichkovni xarid qilgach, u Benito Floroning «Albasete»siga o‘tib ketdi.
«Albesete»ning Jelidan avvalgi holati: Primerada umuman o‘ynamagan, lekin Segundadagi yorqin o‘yinlari uchun murabbiyni «Real»ga taklif etishgandi
Floroni ispaniyalik Arrigo Sakki deyishardi. U salomatligi tufayli futbolchilikni barvaqt yakunlagan, lekin «Albasete»da murabbiylik maqomidagi yorqin o‘yinlari bilan grandlar e’tiborini tortgandi. 1990|91 yillar mavsumida u «Madrid»dan chorlov oldi. Keyin 2 yil ichida «Albesete»ni 3-ligadan elitaga olib chiqdi. Yarim asrlik tarixida ilk bor La Ligaga chiqqan jamoa 1992 yil fevralida yetakchi beshlikka ko‘tarildi, uning futbolchisi Delfi Jeli esa «qizil Furiya» safidan joy oldi. Shundan keyin Benito Floro Ispaniyaning eng malakali murabbiyi maqomida «Real»ga yo‘l oldi. Florodan keyin «Albesete» «Atletiko»dan yengilib (1:4), UYEFA Kubogi turniri yo‘llanmasidan chetda qolgan bo‘lsada, muxlislar uni ispan futbolidagi inqilobi uchun sevib qolishgandi. Lekin uning «Reali» 2-divizion vakili «Lerida»ga imkoniyatni boy bergach, 1994 yil bahorida uni Visente Del Boskega almashtirishdi.
Jeli «Albasete»da: ruhshunosni afsungar derdi, 4-o‘ringa ko‘tarildi, «Real»ga o‘tishiga sal qolgandi
1991 yil noyabrida Delfi birinchi marta «Barsa»ga qarshi o‘ynadi. O‘sha o‘yin 1:1 hisobidagi jangovar durang bilan nihoyasiga yetgan, sharhlovchi Rikardo Gutyerres Jeliga yuksak baho bergandi: «Qanotdan uyushtirgan reydlari bilan u raqib himoyasini konserva qutisidek majaqlab tashladi». O‘yindan keyin Kroyff uni terma jamoa murabbiyi Visente Miyeraga tavsiya etgandi: «Delfidan ajoyib qanot himoyachisi chiqadi. Chunki u avval hujum chizig‘ida to‘p surgan».
Kroyffning tavsiyasini inobatga olgan Miyera 1992 yil feralida Valensiyadagi MDH terma jamoasiga qarshi bahsda maydonga tushirdi. 2 oydan keyin futbolchi «Deportivo»ga qarshi maydonga tushib, 3:0 hisobidagi g‘alabaga ulush qo‘shdi - uning samarali uzatmasini boliviyalik Marko Echeverri golga aylantirdi, «Albasete» 4-o‘ringa ko‘tarildi. Lekin so‘nggi turlardagi omadsizlik tufayli, mavsumni 7-o‘rinda yakunladi. Hatto taniqli ruhshunos ham jamoa ruhiyatini tiklay olmadi. Vaholanki, 1991 yil kuzida jamoa 15ta o‘yinni mag‘lubiyatsiz o‘tkazgandi.
Keyinchalik Benito Jelini «Real»ga olib ketmoqchi bo‘ldi. Biroq futbolchining «Barsa»ga tegishli ekanligi bunga imkon bermadi. 1993 yil yanvarida Delfi Ispaniya terma jamoasida so‘nggi, 4-uchrashuvini o‘tkazdi, 1994 yil mayida Kroyff jamoasi oxirgi chempionligini nishonladi, «Albasete» esa 13-o‘rindan joy oldi. «Barsa» rahbariyati uni «Atletiko»ga tavsiya etdi. Nihoyat, avgustda Delfi «matraschilar» safiga o‘tdi.
«Atletiko» Jeli bilan hamkorlikda: 2 yilda La Ligadagi 14-o‘rindan YECHL finaligacha
Agar Raul «Real»dagi debyut golini boshqa jamoa darvozasiga urganida, masxarabozlikni to‘liq ijro etmagan bo‘lardi - 1994 yil noyabrida u «Atletiko» yanchib tashladi. Ya’ni, Michelga penalti ishladi, Samoranoni assist bilan ta’minladi va Laudrupning uzatmasini golga aylantirdi.
Jeli Raulga qanotda duch kelgan va vinger sifatida o‘tkazib yuborilgan gollarda aybdor emasdi. To‘g‘ri, derbidagi mag‘lubiyat «Atletiko»ni 19-o‘ringa tushirib yubordi. Bungacha Xil 7 yilda 18ta murabbiyni almashtirgan bo‘lsada, jamoa 2ta Kubokni qo‘lga kiritgan va 1994 yilgacha yetakchi to‘rtlikda yurgandi.
1995 yil fevralida kelgan Alfio Basile «matraschilar»ni Segundaga tushib ketishdan saqlab qoldi. Lekin Xil bilan kelisha olmay, tez orada jamoani tark etdi. Uning o‘rnini «Real»dan iste’foga chiqarilgan va «Ovyedo» bilan 2 marta sobiq jamoasini jazolagan serbiyalik Radomir Antich egalladi.
«Menga «Valensiya»dan o‘ta manfaatli taklif tushgandi. Biroq men dunyodagi eng murakkab klub - «Atletiko»ni tanladim. Men shunchaki, har qanday jamoa bilan muvaffaqiyatga erisha olishimni isbotlashni istayman. Dastlabki yig‘inda turli jamoalardan kelgan 33 nafar futbolchini ko‘rdim. Ularning ko‘pchiligidan voz kechishga to‘g‘ri keldi. Ular o‘rnini arzon va tekinga keladigan o‘yinchilar bilan to‘ldiramiz. Men «Ovyedo»dan Prosinechki va Yokanovichni taklif etdim. Biroq ular «Atletiko»ga o‘tishni istamadilar - Prosinechki «Barselona»ga, Yokanovich «Tenerife»ga ketdi», - degandi Antich. Keyinroq murabbiy 80-yillarda «Partizan»da hamkorlik qilgan «Panionios» pleymeykeri Milinko Pantichni eslab qoldi va Madridga chorladi.
«Gresiyadagi sermahsul (17+20) mavsumdan keyin Fransiya va Belgiya klublaridan takliflar bo‘lgandi. Ayni o‘sha pallada Antich mendan o‘yinlarim yozuvi tushirilgan kassetani so‘radi. Avvaliga, o‘yinlarimni hech kim tasvirga tushirmaganini aytdim, keyin TVdagi tanishimdan yordam so‘radim. U 4 yillik o‘yinlarim lavhalarini tayyorlab berdi. Kassetani olgan Antich 2 kundan keyin qo‘ng‘iroq qildi: «Madridga yetib kel».
«Panionios» prezidenti Pantichni ko‘z yoshlari bilan kuzatgan bo‘lsa, «Atletiko» prezidenti 29 yoshli no‘noq o‘yinchi uchun 550 ming dollar so‘ragan Antichni kalaka qilgandi: «Sen ham boshqa murabbiylar kabi jamoaga yaqin do‘stlaringni chaqiryapsan». Murabbiy o‘sha onda javob qaytardi: «U uchun pul sarflashni istamayotgan bo‘lsangiz, o‘sha pulni o‘zim to‘layman».
Davomi bor…
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
