Taekvondo WT bo‘yicha O‘zbekiston terma jamoasi mas’uliyatli davr - Parij-2024 Olimpiadasi siklining kvalifikasion bosqichini katta muvaffaqiyat bilan tugatmoqda. Jamoa oldiga qo‘yilgan birinchi vazifa maksimal darajada bajarildi. Hamyurtlarimiz 100 foizlik natija ko‘rsatib, Fransiya poytaxti mezbonlik qiladigan Olimpiadaga 4 ta lisenziyani qo‘lga kiritishdi.
Avvalgi Olimpiada sikllarida ko‘pi bilan 1 nafar taekvondochimiz reyting orqali 4 yillikning eng nufuzli musobaqasiga yo‘l olgan bo‘lsa, bu gal ilk bor 2 nafar hamyurtimiz kuchli beshlikdan joy olishga muvaffaq bo‘ldi. Shuningdek, yana bir nechta sportchilarimiz litsenzion hududga juda yaqin kelishdi. Olimpiada reytingining yakuni natijalar avvalgidan ancha o‘sganini ko‘rsatmoqda. Shuningdek, ketma-ket ikki jahon chempionati 4 ta medal bilan yakunlangani ham Parij-2024 siklida O‘zbekiston terma jamoasi nafaqat Osiyo, balki dunyo taekvondosida kuchlilar qatorida e’tirof etilishini ifodalaydi.
Ulug‘bek Rashitov (-68 kg) va Svetlana Osipova (+67 kg) 2023 yil yakunida e’lon qilingan reytingga ko‘ra, Olimpiya o‘yinlari ishtirokchisiga aylanishdi. Shu bois O‘zbekiston terma jamoasi Xitoyda o‘tayotgan qit’aviy litsenzion turnirga 1+1 shaklida, ya’ni 1 nafardan erkak va ayol sportchilarni ro‘yxatdan o‘tkazishi mumkin edi. Tanlab olingan sportchilar Jasur Jaysunov (-80 kg) va Ozoda Sobirjonova (-67 kg) bildirilgan ishonchni oqlashdi. Bugun ular berilgan imkoniyatdan unumli foydalanib, jamoamiz yo‘llanmalari sonini 4 taga yetkazishdi.
Tokio-2020 yozgi Olimpiya o‘yinlarida ham taekvondochilarimiz to‘liq tarkibda ishtirok etishgan edi. Ushbu natija bu gal ham takrorlanib, O‘zbekiston taekvondo bahslarida Fransiyaga to‘liq tarkib bilan yo‘l oladigan kam sonli delegasiyalardan biriga aylandi. Darvoqe, taekvondochilarimiz Parij-2024 Olimpiadasi dasturiga ko‘rgazmali yo‘nalish sifatida kiritilgan aralash jamoaviy bahslarda ham qatnashadigan dunyodagi 4 jamoadan biri hisoblanadi.
Demak, Parij-2024 XXXIII yozgi Olimpiya o‘yinlarida yurtimiz sharafini himoya qiladigan taekvondochilarimiz ro‘yxati quyidagicha:
-68 kg: Ulug‘bek Rashitov
-80 kg: Jasur Jaysunov
-67 kg: Ozoda Sobirjonova
+67 kg: Svetlana Osipova
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
