«Inter»ni hozirdan navbatdagi skudetto bilan tabriklash mumkin.
Simone Inzagi jamoasi «A» seriyada chindan ham, yaqqol ajralib turibdi vajohati bilan. Italiyada chempion deyarli aniq ekan, unda «A» seriya o‘yinlarini kuzatishda davom etishdan nima ma’no bor? Yo‘q, bunday o‘ylash noo‘rin. Zero, chempionatda hali o‘z yechimini kutayotgan qiziqarli masalalar yetarli. Xullas, finish marrasigacha «A» seriyadan ko‘z uzmaslikni taqozo etadigan sabablar ko‘p.
Eng muhimi, chempionat kashfiyoti - «Bolonya»ning yakunda qaysi yevrokubokka yo‘l olishi masalasi, albatta. Tyago Motta tuzgan quvnoq jamoa gohida aqlni shoshirib qo‘ymoqda qoyilmaqom o‘yini bilan. Bir qarashda, kamtarin klub o‘z konsepsiyasi bilan ko‘p jihatdan «Milan»ga o‘xshamoqda. Ehtimol, shuning uchun ham Motta aynan Stefano Pioli o‘rnini egallashga nomzod sifatida ko‘rsatilmoqda ko‘pincha. To‘g‘ri, buning imkoni yo‘qligi ayon. Nima bo‘lishidan qat’iy nazar, «A» seriya finishiga bog‘liq asosiy savol mohiyati o‘zgarmaydi: «Bolonya» yakunda qaysi turnir yo‘llanmasini qo‘lga kiritadi? Qolaversa, Mottaning qayerga yo‘l olishi ham barchani qiziqtirishi tayin. Italiyalik/braziliyalik yosh mutaxassisning qaysidir yirik klub boshqaruvida ko‘rsak, ajabmas. Balki u ham xuddi Xavi Alonso kabi yana bir mavsum o‘z klubida qolishni afzal ko‘rar... «Yuventus» varianti? Ha, «keksa sinyora» haqiqatan ham, yaxshi murabbiyga muhtoj.
Qolaversa, «Milan» masalasi ham qiziq. Ayniqsa, Rafael Leauniki. Binobarin, portugaliyalik yigit so‘nggi vaqtlar eng yuqori darajada o‘yin ko‘rsatmoqda. Natijada ekspertlar Leauni Jud Bellingem, Vinisius Junior, Erling Xoland va boshqa elit futbolchilar guruhida tilga ola boshlashdi qaytadan. Umuman, Rafael ko‘p narsaga qodir va ko‘pchilik buni biladi. Deylik, «Real»da Vinisius rolini bemalol tortib ketarmidi? Oddiy aytganda, agar Rafa o‘z darajasiga munosib sheriklar davrasi va top-murabbiy qo‘l ostiga tushsa, yanada jiddiylashadi. Tan olish kerak, Leauda ko‘pchilik yoqtirmaydigan jihatlar ham yo‘q emas. Ayrimlar uni «Milan»da fundamental eng yaxshi futbolchi sifatida ham ko‘rmaydilar. Lekin u hozirgi jamoada eng yuqori nuqtaga chiqishi qiyin. Ikkinchi tomondan, «Milan» Rafaelni 120 million yevrodan kamiga sotmasa kerak. Qanchalik og‘ir va qayg‘uli qismat... Yana «Fiorentina» va «Atalanta» «A» seriyada qanday yakun topishini ko‘rish ham qiziq. Hammasi shumi? Yo‘q, amaldagi chempion «Napoli» qoldi-ku. Xo‘sh, «adzurra» qanchalik sho‘ng‘iydi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
