Boks bo‘yicha ekspert Bahodir Jalolovning imkoniyatlarini yuqori baholab, uning Olimpiadada ehtimoliy raqibi Kunkabayevga hech qanday imkoniyat qoldirmasligini aytdi.
Amerikalik jurnalist Jek Makkaferri “Vesti.kz” muxbiri bilan suhbatda o‘zbekistonlik bokschi Bahodir Jalolovning Parij—2024 Olimpiadasidagi imkoniyatlari haqida gapirdi.
Mutaxassis suhbatda qozog‘istonlik Qamshibek Qo‘nqabayev bilan bo‘ladigan ehtimoliy jang haqida o‘z taxminini aytdi.
Har ikki bokschi Parijda bo‘lib o‘tadigan Olimpiada o‘yinlariga lisenziya qo‘lga kiritgan.
Ekspertning fikricha, o‘zbekistonlik sportchi havaskor boksda eng xavfli hisoblanadi.
"Menimcha, Bahodir Jalolov boshqa saviyada. Uning professional ringda va havaskorlar musobaqalaridagi faoliyati fenomenal deyish mumkin. Jalolov — kuchli va katta bokschi. O‘z taktikasida u o‘zining kuchli tomonlarini muvaffaqiyatli ko‘rsata oladi. Albatta, Olimpiadada u g‘oliblik uchun asosiy nomzod bo‘ladi. Balki musobaqada yangi boks yulduzini ko‘rarmiz, ammo hozircha o‘zbek bokschisi havaskor boksdagi eng xavfli sportchi hisoblanadi".
Bundan tashqari, Makkaferri qozoq-o‘zbek boks maktabi vakillari to‘qnashuvida Bahodir Jalolovning imkoniyatlarini yuqori baholadi.
"Qo‘nqabayevning bir nechta janglarini ko‘rdim. Unga musobaqada qiyin bo‘ladi. Uning tana tuzilishi farqli. Ularning jangida favorit — so‘zsiz, Bahodir Jalolov", — dedi Makkaferri.
Ma’lumot uchun, ikki bokschi ham parallel ravishda professional faoliyatini davom ettirmoqda. Jalolov sog‘lig‘i bilan bog‘liq muammolar tufayli 14 aprel kuni Toshkentdagi Humo Arena’da IBA Chempionlar boks oqshomi doirasida xorvatiyalik Agron Smakichich (20-2, 18 KO) bilan jang o‘tkaza olmagan.
Qo‘nqabayev 2022 yilning mart oyida o‘zbekistonlik Farrux Jo‘rayevni muddatidan oldin mag‘lub etganidan beri professional boksda jang qilmadi. Prinsipial raqiblar so‘nggi bor 2023 yilgi Osiyo chempionatida to‘qnash kelgan, unda o‘zbekistonlik bokschi hakamlar qaroriga ko‘ra g‘alaba qozongan edi.
Bir necha kun avval o‘zbek boks afsonasi Ruslan Chagayev Bahodir Jalolovning Olimpiadadagi imkoniyati haqida gapirib, o‘z hamyurtini medallarga asosiy da’vogar ekanini ta’kidlagan edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
