Abbosbek Fayzullayevning SSKAdagi o‘yini pasayishini Football24.ru sayti muxbiri tahlil qildi.
SSKA 2025 yilni juda yaxshi boshladi. Jamoa bahorda yangi qahramonlarga ega bo‘ldi va "eski" yetakchilar orqa fonga so‘ndi. Ilgari asosiy tarkibning ajralmas qismi bo‘lgan Abbosbek Fayzullayev oxirgi ikki RPL o‘yinida atigi 42 daqiqa maydonda bo‘ldi. Sankt-Peterburgdagi o‘yinda 67-daqiqada almashtirildi.
Marko Nikolichga endilikda o‘zbek yarim himoyachisi kerak emasmi?
Yangi rol – o‘yin amaliyoti kam
SSKA bosh murabbiyi, va’da qilganidek, taktik sxemani o‘zgartirdi. Endi unda aniq qanot hujumchilari yo‘q. Fayzullayev aynan qanotdagi o‘yini bilan mashhur bo‘lgan edi. O‘zbekiston terma jamoasida ham chap yoki o‘ng qanotda harakat qilgan. Abbosbek markaz tomon intilib harakat qilishni yaxshi ko‘radi.
Endi esa u odatiy o‘yin uslubidan voz kechishiga to‘g‘ri kelmoqda. Nikolich uni "sakkizinchi raqam" pozisiyasida ko‘rmoqda. Bu zonaning zichligi qanotdagidan yuqori. Ko‘proq fikrlash va ijodkorlik talab etiladi.
SSKAga kelgunga qadar Fayzullayev bir necha marta "sakkizinchi raqam"da o‘ynagan, ammo o‘zini yo‘qotgan. Murabbiylar uni yo qaytadan qanotga, yoki "o‘ninchi raqam" pozisiyasiga qaytargan.
Qishki yig‘inlarda Abbosbek bu yangi rolda o‘zini noqulay his qilayotganini tan olgan edi. U bel jarohati sabab birinchi yig‘inning katta qismini o‘tkazib yubordi va adaptasiya uchun kamroq vaqtga ega bo‘ldi.
Hammasi juda yomonmi?
Qishki o‘rtoqlik uchrashuvlarida Fayzullayev o‘zini yaxshi ko‘rsata olmadi. Ko‘plab imkoniyatlarni yo‘qqa chiqardi. Himoyada yaxshi o‘ynay olmadi. Yangi sxemada u nafaqat hujumda, balki o‘z yarim maydonida ham faol bo‘lishi kerak.
Faqat "Fakel"ga qarshi o‘yin yaxshi o‘tdi. U golli hujumni boshladi va aniq pas bilan raqib himoyasini kesib o‘tdi. Biroq ikkinchi bo‘limda yaqin masofadan darvozaga aniq zarba bera olmadi.
Shu bilan birga, u Sankt-Peterburgda asosiy tarkibda maydonga tushdi. Bu o‘yinni yomon deb bo‘lmaydi, ammo faoliyatiga yaxshi o‘yin sifatida ham yozib bo‘lmaydi. "Zenit"ning birinchi hujumida markazda yo‘qolib qoldi va Mostovoyni erkin hududga chiqib borishiga imkon berdi. Akinfeevning mo‘’jizaviy seyvi SSKAni goldan qutqardi.
Hujumda Mantuan bilan duelni mutlaqo yutqazdi. Braziliyalik futbolchi uni to‘xtatib, to‘psiz qoldirdi. Fayzullayev 10ta kurashdan faqat bittasini yutdi. Faqat bir marta noaniq zarba berdi, jamoadoshlariga yordam bermadi. Maydonning raqibga yaqin qismiga faqat uchta pas yo‘lladi, ulardan birortasi zarbaga olib kelmadi. 12 marta to‘pni yo‘qotdi. 67-daqiqada Nikolich uni almashtirdi.
"Ximki"ga qarshi bahsda 29 daqiqa o‘ynadi. O‘yinga yaxshi qo‘shildi. Qisqa masofada sherigi bilan pas almashib, golli hujumni boshladi. Bosh bilan gol urishi mumkin edi, ammo Kellvenning uzatmasini Saul darvoza ustunidan yuqoriga yo‘lladi. Bu o‘yinda "Zenit"ga qarshi o‘yinga qaraganda yaxshiroq ko‘rindi. Biroq biz tanish bo‘lgan Fayzullayev emas. Faqat bir marta dribling qo‘lladi. Qayerda u odatiy jasurligi?
"Akron"ga qarshi Samaradagi o‘yinda esa 77-daqiqada maydonga tushdi. Ushbu qisqa vaqt ichida faqat bitta noaniq zarba bilan e’tibor qozondi. Lekin kurashda yaxshilangani ko‘rindi. To‘rtta dueldan uchtasini yutdi. To‘rt marta to‘pni jamoasiga qaytardi. Biroq hujumda qiyinchiliklar davom etdi. Raqib darvozasi yaqiniga faqat uchta pas berdi, ulardan birortasi zarbaga olib kelmadi.
Fayzullayev jamoaga farq yarata olmay qoldi. Yangi sxemada u yetakchilikni yo‘qotdi. Hozir jamoada boshqa o‘yinchilar asosiy rolni bajarmoqda.
Katta raqobat
Qishdan keyin jamoada raqobat kuchaydi, ayniqsa markaziy zonada. "Sakkizinchi raqam" uchun uch nafar nomzod bor: Kislyak, Bistrovich va Fayzullayev. Abbosbek uchun ular bilan raqobat qilish qiyin, chunki Matvey va Kristian asosan yarim himoya markazida o‘ynashga moslashgan. Faqat Zdelarning jamoani tark etishi Abbosbek uchun biroz imkoniyat yaratdi.
Bistrovich kurashda Fayzullayevdan ustun. Oxirgi ikki o‘yinda xorvat yettita dueldan faqat ikkitasini yutqazdi. Himoyada Fayzullayevdan ancha yaxshiroq. Hujumda ham faolroq: raqib darvozasi atrofiga to‘rtta ko‘proq pas beradi.
Kislyak "Akron"ga qarshi o‘yinda "oltinchi raqam"da harakat qildi, ammo Vilyagra kelishi bilan "sakkizinchi raqam"da o‘ynashi mumkin.
Qanday yakun bo‘ladi?
Qishda Abbosbek yana bir bor Yevropada o‘ynashni orzu qilishini aytgan edi. "Manchester Siti"ga o‘tgan Husanovni misol keltirdi. Zaxirada qolish u uchun qabul qilib bo‘lmaydigan holat. Har bir imkoniyatdan foydalanishga harakat qiladi.
Fayzullayev SSKA uchun universal o‘yinchi bo‘lib qolmoqda. Moskvaga 500 000 yevroga kelgan futbolchining narxi hozirda 8 milliongacha oshdi. Biroq bir necha o‘yin zaxirada qolishi Nikolichga nisbatan jiddiy savollarni keltirib chiqarishi mumkin. SSKA uchun yulduzni zaxiraga qo‘yish manfaatli emas. Demak, yozda transfer sodir bo‘ladimi?
Sho‘rtan
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
