O‘zbekiston terma jamoasi «CAFA Nations Cup-2025» musobaqasi finalida Eronni mag‘lub etdi va musobaqa g‘olibiga aylandi.
O‘yin boshlanishi bilanoq Eron maydonda bir kishi kam bo‘lib qoldi. 5-daqiqada Eron futbolchisi Ariya Yusufiy qo‘pollik qilib, Abbosbek Fayzullayevga butsa tishlari bilan orqa tomondan tepdi va maydondan chetlatildi.
Birinchi bo‘limda ustunlik O‘zbekiston tomonida bo‘ldi, ammo vakillarimizga aniq zarba yetishmadi. Ikkinchi bo‘limda ham Eron himoyani kuchaytirib, bizga xavfli vaziyat yaratish uchun imkoniyat bermadi. Boz ustiga, hakam darvozamiz tomon penalti belgilagandi, ammo vaziyatni qayta tomosha qilgach, penalti bekor qilindi.
Qo‘shimcha bo‘limlar esa dramatik tus oldi. 105+2-da Oston O‘runov raqib jarima maydoniga yorib kirib, penalti ishladi — himoyachi uni chalib yiqidi. Eldor Shomurodov zarba uchun nuqtaga yaqinlashdi, ammo u to‘pni yuqoriga tepib yubordi.
Biroq, O‘zbekiston baribir g‘alabani ilib ketdi. 120-daqiqada Hamrayeliv o‘ng qanotdan yetkazib bergan to‘pni Hojiakbar Alijonov bosh bilan Eron darvozasiga joylab qo‘ydi va o‘yin qahramonga aylandi — 1:0!
Shu tariqa, O‘zbekiston milliy termasi tarixda ilk bor «CAFA Nations Cup» sovrinini yutib, mintaqaning mutlaq chempioniga aylandi!
CAFA Nations Cup-2025. Final.
O‘zbekiston - Eron - 1:0. Asosiy vaqt — 0:0. Qo‘shimcha bo‘limlar — 1:0.
Gol: Hojiakbar Alijonov (120)
Noaniq penalti: Eldor Shomurodov (105+4, yuqoriga ketdi)
Chetlatish: Ariya Yusufiy (5)
Ogohlantirishlar: Abbos Fayzullayev (72), Hojiakbar Alijonov (88), Alibek Davronov (112) — Ramin Rezayeyan (20)
O‘zbekiston: 1. Utkir Yusupov (35. Vladimir Nazarov, 54), 3. Hojiakbar Alijonov, 23. Husniddin Aliqulov, 5. Muhammadqodir Hamraliyev, 7. Otabek Shukurov (6. Akmal Mozgovoy, 80), 9. Odiljon Hamrobekov (8. Jamshid Iskanderov, 80), 19. Aziz Turg‘unboyev (21. Igor Sergeev, 46), 22. Abbosbek Fayzullayev, 27. Dilshod Komilov (30. Alibek Davronov, 102), 14. Eldor Shomurodov, 31. Ruslanbek Jiyanov (11. Oston O‘runov, 46)
Eron: 1. Payam Niyozmand, 5. Ali Nematiy (28. Abulfazl Jalolӣ, 106), 13. Hussayn Kanoniy, 18. Arya Yusufiy, 20. Oriy Og‘asiy, 10. Amirhussayn Hussaynzoda (23. Ramin Rezayeyan, 16), 14. Saman Quddus (7. Alireza Jahonbaxsh, 66), 21. Umid Nurafkan, 26. Muhammad Qurboniy (15. Ro‘zbex Cheshmiy, 46), 27. Muhammad Mohibiӣ, 24. Shahriyor Mog‘anlu (9. Mehdӣ Taremӣ, 31)
Bosh hakam: Nurzatbek Abduqodirov (Qirg‘iziston)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
