90minutuz podkastida mehmon bo‘lgan O‘zbekiston milliy jamoasi va «Paxtakor» klubi vingeri Hojimat Erkinov o‘zining faoliyat yo‘liga to‘xtalib, ba’zi qiziqarli holatlarni tilga oldi. Deylik, aytishicha, vaqtida undan futbolchi chiqmasligini ro‘y-rost aytgan ekanlar bo‘yi pastligi tufayli.
***
Podkast mualliflari bo‘yga qarab xulosa chiqarish oqibatida ko‘plab yaxshi futbolchilar kelajagiga bolta urilayotganini ta’kidlab, Hojimat Erkinovdan bu boradagi fikrlarini so‘rashdi: «Ha, bo‘y masalasida menga nisbatan ham past baho berish, noto‘g‘ri fikrlar yangragan. «Paxtakor» o‘rinbosarlari safida o‘ynaganimda, Shota Arveladzega assistentlik qilgan o‘zimizning murabbiy yoshlar ligasi o‘yinlarini kuzatish asnosida o‘zini ko‘rsatgan futbolchilarni asosiy jamoaga tavsiya etardi. Men esa o‘sha vaqt hech qachon nazarga tushmaganman. Faqat Qo‘qon va Olmaliqda o‘ynaganimdan keyingina «Paxtakor» asosiy tarkibiga kirganman. Ungacha boshlang‘ich tarkibga biror marta jalb etilmaganman. «Bundan futbolchi chiqmaydi, bo‘yi past», - deyishgan hatto. Ayrim murabbiylarda shunday yondashuv bor. Buni o‘sha vaqt bilganman. Lekin bo‘y masalasida futbolchining pozisiyasini ham hisobga olish kerak. Deylik, darvozabon, markaziy himoyachi yoki tayanch yarim himoyachisi bo‘lsa, bo‘y muhim o‘rin tutishi mumkin».
Hojimat Erkinov podkast mualliflari bilan suhbatda Mirjalol Qosimov boshqaruvidagi OKMKda o‘ynagan davrini ham esladi. «Mirjalol aka - juda qattiqqo‘l murabbiy. Jamoadagi birinchi o‘yinim Jizzaxda «So‘g‘diyona»ga qarshi kechgan va 1ta assist muallifiga aylanganman. Shundan so‘ng menga muntazam o‘yin amaliyoti bera boshlashdi. Keyingi bahsda «Bunyodkor» darvozasiga gol urgandim. Mirjalol akadan minnnatdorman. Meni ko‘p marta qo‘llab-quvvatlab, o‘yin amaliyoti bergandi. Aynan OKMKda muxlislarga tanilganman - bu faoliyatimdagi burilish davri. Qisqasi, Mirjalol Qosimov qo‘l ostida futbolchi sifatida o‘sishga erishganman. O‘sha payt Olmaliqda ko‘plab tajribali futbolchilar yig‘ilishgandi, ular bilan ishlash orqali kattalar darajasiga moslashganman», - dedi Erkinov.
90minutuz podkasti mualliflari 24 yoshli futbolchiga AQSH, Kanada va Meksikada bo‘lib o‘tadigan JCH-2026 guruh bosqichida milliy jamoamiz qaysi termalar bilan bir guruhdan joy olishini xohlashi haqida ham savol berishdi. E’tiborlisi, Hojimat bunga javoban jahonning eng kuchli jamoalarini tilga oldi: «O‘zim istagan jamoalarni aytaveraymi? Faqat eng kuchli termalarga qarshi o‘ynashimizni xohlayman - Braziliya, Ispaniya, Portugaliya... Lekin mayli, eng kuchsizlari tushaversin. Zero, turnirda uzoqroqqa borishimiz kerak. Shunda o‘z-o‘zidan kuchliroq jamoalar bilan o‘ynash ham nasib etadi...».
90minutuz podkastida mehmon bo‘lgan «Bunyodkor»ning tajribali hujumchisi Temurxo‘ja Abduxoliqov esa o‘zbek futbolida qaysi goleadorlardan o‘rnak olgani haqida gapirib berdi: «Gol uradigan barcha hujumchilarni yoqtirardim. Masalan, bosh bilan yaxshi o‘ynaydigan Zafar Xolmurodov, nostandart qarorlar qabul qiladigan Aleksandr Geynrix, chaqqon Anvar Berdiyev. Ayniqsa, Xolmurodovning bosh bilan o‘ynash mahoratiga havas qilganman. Masalan, Geynrix bunday o‘ynolmasdi. U dribling bilan o‘ynashga moyil edi. Anvar Berdiyev esa zo‘r zarbalari bilan ajralib turardi. Yana Zayniddin Tojiyevni aytishim kerak, baquvvat hujumchi, himoyachilarni bemalol aldab o‘tardi. Farhod Tojiyev ham ko‘p gol urardi, Ilhom Mo‘minjonov esa «Quruvchi»da avjiga chiqqandi».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
