Har bir futbolchida eng yorqin vaqt (praym) bo‘lishi tabiiy. Agar Lionel Messi va Krishtianu Ronalduning eng yaxshi mavsumini o‘zaro solishtirsak, argentinalik ustun. Umuman, 21-asrda futbolchilar tomonidan qayd etilgan eng samarador 10ta praym (mavsum ma’nosida)ni olsak, 6tasi Leoga, 3tasi Krishga tegishli. Shuning barobarida Ronalduning eng yaxshi mavsumi Messining 3-mahsuldor praymi bilan teng.
***
YOZGI SOF XARAJAT SALMOG‘I
«Arsenal» oxirgi yozgi transferlar bozorida sof xarajat miqdori bo‘yicha «Liverpul»dan ham o‘zib ketdi - 283 million yevro. Sof xarajat - bu futbolchilar xaridiga yo‘naltirilgan mablag‘ va sotuv orqali topilgan pul o‘rtasidagi farq. E’tiborli fakt: kamtarin «Sanderlend» sof xarajat borasida 6-o‘rinni band etdi, Turkiyaning «Galatasaroy» klubi esa 8-qatorda qayd etildi.
***
«OT» BO‘YICHA KLUBLAR POYGASI
«Oltin to‘p» bu safar Usmon Dembelega nasib etganidan so‘ng klublar o‘rtasidagi reytingda kichik o‘zgarish bo‘ldi. Ya’ni «PSJ» kamida 2 nafar futbolchisi «OT»ga ega chiqqan 9ta klub qatoriga qo‘shildi. Transfermarkt portali ma’lumotlariga qarasak, klublar o‘rtasidagi «Oltin to‘p» poygasida «Barselona» oldinda. So‘rov tarixida jamoaning 7 nafar futbolchisi 13 marta laureat bo‘lgan. «Real» esa 10ta «OT» bilan 2-o‘rinda.
***
BUTUN BOSHLI LIGALAR HAM ORQADA...
Eh, «Liverpul»... Arne Slot jamoasi yozgi transferlar vaqti yangi futbolchilar xaridiga naq 484 million yevro ajratdi, ammo... Qarang, «qizillar» rahbariyati xarajat bobida serhimmat shayxlarga to‘la butun boshli Saudiya Arabistoni ligasini ham ortda qoldirdi. Ishonish qiyin, albatta. APL klublari xo‘jayinlari esa yozda arablarga nisbatan 7-8 karra himmatliroq bo‘lib chiqishdi. Qoyil.
***
«CHELSI» VA BOULINING QOYIL TOMONI
Todd Bouli boshqaruvidagi «Chelsi» yozda futbolchilar sotuvidan eng ko‘p pul ishladi - 342 million yevro. Bu masalada «Bornmut» va «Bayer»ning ishlari ham chakki emas. «Liverpul»da kirim yaxshi, shuning barobarida chiqim juda katta, juda...
***
TARIXDA MUTLAQ REKORD!
«Liverpul» yozda futbol tarixida bitta transferlar bozorida deyarli yarim milliard yevro sarflagan birinchi klub bo‘ldi - mutlaq rekord. «Qizillar» bu borada 2023 yilgi «Chelsi» va «Al-Hilol»ni ortda qoldirishdi. O‘shanda London jamoasi yangi futbolchilar xaridi uchun 464 million yevro ajratgan bo‘lsa, Saudiya grandi 353 «limon»ga teng chiqim bilan «portlash» effektini yuzaga keltirgandi.
***
YANA MESSI - RONALDU
Lionel Messi joriy mavsum professional futbol tarixida 875ta gol marrasini eng tez zabt etgan to‘purarga aylandi. Argentinalik yulduz bu marraga 38 yoshida erishdi va azaliy raqobatchisi Krishtianu Ronaldu rekordini yangiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
