Rossiyaning «Sovetskiy sport» nashri ham milliy jamoamiz sardori Odil Ahmedovning «Shanxay SIPG»ga o‘tishiga befarq qaramadi va bu haqda alohida tahliliy maqola tayyorladi. Gazeta ijodkorlari xususan, «Krasnodar» hamyurtimizni osongina qo‘yib yuborganini ta’kidlash barobarida vaqtida uni qo‘lga kiritish uchun juda ko‘p ter to‘kkanini eslatishdi. Keling, yaxshisi, xorijlik hamkasblarimizning mazkur masala yuzasidan qanday fikr bildirishgani bilan batafsilroq tanishib chiqaylik.
- O‘zbekiston termasi sardori Odil Ahmedov «Krasnodar»ni tark etib, Andre Villash-Boash boshqaruvidagi «Shanxay SIPG» klubi safiga qo‘shildi. Xabarlarga ko‘ra, transfer summasi 8 million yevroni tashkil qilgan, Xalk va Oskar endilikda Ahmedov bilan bitta jamoada to‘p surishadi. Aytish joiz, Odilni Chin yurtida iliq kutib olishdi. «Shanxay SIPG» o‘tgan yili Xitoy chempionatida 3-o‘rinni egallagandi. Braziliyalik Xalk 8ta o‘yinda qatnashib, raqiblar darvozasini 5 bora ishg‘ol qilishdan tashqari, samarali uzatmalari bilan ham alohida ajralib turdi. Villash-Boashning aytishicha, ushbu klub yangi mavsumda sayyoramizning eng tez rivojlanayotgan ligasida chempionlik uchun kurashar ekan. Ha, Xitoy chempionatiga katta mablag‘ kiritilmoqda va klublar har qaysi futbolchiga kerakli summani to‘lashga tayyorlar. Karlos Tevesni Yevropada hisobdan chiqarib yuborishdimi? Hechqisi yo‘q, u endi jahonning eng badavlat o‘yinchisiga aylandi. Esikiel Lavessi «PSJ» zaxira o‘rindig‘iga mustahkam joylashib olganmidi? Mayli, u hozir Xitoyda har mavsum chamasi 22 million yevro miqdorida maosh olyapti. Bunday misollar bisyor.
Xullas, Chin yurti futbolchi sotish uchun qulay maskanga aylandi. Oskar, Xalk, Teves, Lavessi, Ahmedov... To‘g‘ri, Odil ko‘pchilikdan farq qiladi. U - xitoylik «o‘yinchoqlar»dan farqli o‘laroq, ancha mehnatkash. Deylik, Sergey Galiskiy o‘zbekistonlik futbolchini aynan shu sifatlari uchun qadrlardi, uni «Anji»dan sotib olish yo‘lida naq 2 yil urindi. Agar Maxachqal’a superklubidagi loyiha barbod bo‘lmaganida, niyatiga yetolmasmidi?!
Krasnodarga ko‘chib o‘tgach, Odilning o‘zi tan oldi: shaxsan Galiskiy uni «buqalar» safida ko‘rishni xohlagani tufayli u SSKAga rad javobini bergan. «Krasnodar» prezidentining yoqimtoy o‘yinchilari yo‘q yoki u buni sir tutadi. Ammo shunday futbolchi bor edi - Odil Ahmedov. U Galiskiy ko‘z o‘ngida «Anji»da o‘sishga erishdi, yulduzlar jamoasida yo‘qolib qolmadi. Ahmedov qaysidir ma’noda Sergey Nikolayevichga o‘xshaydi: «buqalar» xo‘jayini singari hammasiga o‘z mehnati bilan erishdi, har qanday qiyinchiliklarni sabot bilan yengdi. Xo‘sh, shunday ekan, Galiskiy nima sababdan sevimli futbolchisini qo‘yib yubordi? Barcha yulduzlarni to‘playotgan Xitoy futbolining Odilga qiziqishi omili nima? Hoynahoy, Ahmedovni mahalliy skautlar yaxshi tanishadi, zero, O‘zbekiston milliy termasi Osiyoning yetakchi jamoalaridan hisoblanadi. Odilning Xitoy muhitiga ko‘nikishda qiynalmasligi tayin. Klub esa Mahachqal’adagi yulduzlar safida yetakchilardan biriga aylangan futbolchi hisobiga kuchayishga erishadi.
«Krasnodar»chi?
Davomi: www.interfutbol.uz'da.
Qizilqum
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
