O‘zining ajoyib tezligi va driblingi bilan muxlislar qalbidan joy olgan Quvondiq Ro‘ziyev yana Qo‘qonga qaytdi.
Biz Quvondiq Ro‘ziyevni suhbatga tortdik.
-Quvondiq jamoamizga xush kelibsiz. Sizni yana Qo‘qonda ko‘rib turganimizdan xursandmiz.
-Avvalambor barcha Qo‘qonlik muxlislarga alangali salom. Oradan bir yarim yil o‘tib yana Qo‘qonga qaytganimdan xursandman. “Qo‘qon-1912”ga qaytishni xammadan ko‘p o‘zim istadim. Bosh murabbiy meni jamoaga taklif qilgach , boshqa takliflar haqida o‘ylab ham o‘tirmadim. Chunki meni futbolchi sifatida tanitgan jamoa bu “Qo‘qon-1912” bo‘ladi. Bu jamoa uchun jonimni berib o‘ynashga tayyorman.
- Oradan o‘tgan bir yarim yil hayotingizda qanday o‘zgarishlar ro‘y berdi ?
-O‘tgan bir yarim yilda qanchalik qiynalganimni faqat o‘zim bilaman. Futbolsiz yashash juda qiyin bo‘ldi. Ertaga o‘ynamasligingni bilib turib mashg‘ulotlarda ishtirok etishdan qiyin narsa yo‘q ekan.Bir yarim yil Qo‘qondagi o‘yinlarim xotirasi bilan yashadim. Tushkunlikka tushgan vaqtlarim bo‘ldi. Yaxshiyam oila a’zolarim bor, ular menga katta ruhiy dalda bo‘lishdi. O‘zbekiston chempioni va kubogi sohibi bo‘lgan bo‘lsamda, bir yarim yil umrimni behuda yo‘qotdim. Endi bunday xatoni takrorlamaslikka harakat qilaman. O‘zimga qolsa faoliyatimni so‘nggigacha Qo‘qonda o‘ynagan bo‘lardim, lekin ixtiyor menda emas edi. Yana eski darajamga chiqish, muxlislarning yoqimli futbolchisi bo‘lish uchun jonimni berishga tayyorman.
- Jamoada siz o‘ynaydigan chiziqdagi raqobat yetarli. Nima deb o‘ylaysiz asosiy tarkibdan joy egallay olasizmi ?
- Raqobatni borligi yaxshi. Chunki raqobat bor joyda o‘sish bo‘ladi. Albatta asosiy tarkibdan xech kimga joy kafolatlanmagan. Men asosiy tarkibdan joy olish uchun tinimsiz menat qilishga, shu orqali murabbiy va muxlislar ishonchini oqlashga harakat qilaman.
-“Qo‘qon-1912” jamoasi 2-davrada ham yetakchilar qatorida bo‘ladimi, sizni fikringiz qanday ?
-Jamoa 1-davrada juda yaxshi natijalarni ko‘rsatdi. Endi ikkinchi davrada bundan ham yaxshi o‘yin ko‘rsatib, jadvaldagi mavqeimizni saqlab qolishimiz talab etiladi. Mana jamoaga mendan tashqari Doniyor Hasanov ham qo‘shildi. Hasanov 1-davrada “Obod” jamoasining yuragi bo‘ldi desam adashmagan bo‘laman. Endi barchamiz birgalikda “Qo‘qon-1912” jamoasini sovrindorlar qatoridan o‘rin olishi uchun bor kuch g‘ayratimizni ishga solamiz.
-Qo‘qonlik muxlislarga tilaklaringiz.
-Barchalariga sog‘lik-salomatlik, oilalariga xotirjamlik tilayman. Men ularni sog‘inganman. Yana stadionimizni to‘ldirib jamoamizni qo‘llab turishlarini istayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
