Xabaringiz bor, Toshkentda Jugend Fussball Leistungszentrum in Tashkent futbol maktabi ish boshlagan. Shu yilning may oyida Germaniyadagi hamkor - Jugend Fussball Leistungszentrum in Schlotheim murabbiylari va futbolchilari Toshkentga safar qildi va mahalliy sharoit bilan tanishib, yig‘in o‘tkazdi. Shahrimiz chiroyi, qulay ob-havo va ayniqsa sport bilan shug‘ullanish uchun sharoitlar mehmonlarda katta taassurot uyg‘otdi.
E’tiborli tomoni, germaniyalik hamkorlarning Toshkentga safari nemis matbuoti tomonidan ham yoritildi. Xususan "Thüringer Allgemeine" gazetasida safar taassurotlari haqida maqola chop etildi. Yosh futbolchilar Toshkentda o‘tkazilgan tadbirlardan xursand bo‘lishdi va shahrimizning diqqatga sazovor joylariga borishdi.
O‘zbekistonda o‘tkazilgan 7 kun davomida 4 ta o‘rtoqlik o‘yini tashkil etildi. Nemis murabbiylari tomonidan ushbu o‘yinlar davomida o‘zbekistonlik yoshlar orasida iqtidorlar ko‘pligi e’tirof etildi. Safar so‘ngida tajriba almashish va do‘stona aloqalarni yana-da yaxshilash uchun bunday yig‘inlarni har yili o‘tkazishga kelishib olindi. Unga ko‘ra nemis hamkorlar Toshkentda yig‘in o‘tkazgani singari, bizning murabbiy va futbolchilar ham Germaniyaga safar qiladi.
Ushbu kelishuvning eng diqqatga sazovor tomoni murabbiylar saviyasi va futbolchilar malakasini oshirish alohida band sifatida kiritilgan. Joriy yilning oktyabr oyida nemis murabbiylari Toshkentga tashrif buyuradi va ikki hafta davomida Jugend Fussball Leistungszentrum in Tashkent uchun mashg‘ulotlar o‘tkazadi. Dekabr oyida ikki nafar murabbiyimiz Germaniyaga safar qilishi rejalashtirilgan.
Eslatib o‘tamiz, Jugend Fussball Leistungszentrum in Tashkent maktabiga qabul davom etmoqda. Futbol maktabiga 5 yoshdan 10 yoshgacha bo‘lgan bolalar qabul qilinadi. Shuningdek qizlar uchun ham alohida guruhlar tashqil etiladi. Mashg‘ulotlar 1 oktyabrdan boshlanadi va tarbiyalanuvchilar futbol sir-asrorlari bilan birga ingliz va nemis tillarini o‘rganib boradi. Shuningdek suvda suzish mashqlari ham o‘tkaziladi. Maktabdan berilgan dars esa metodistlar nazorati ostida tayyorlanadi.
Telefonlar: +99890 9999890, +998 95 1959890
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
