"Lokomotiv" jamoasining yoshlar tarkibiga hozirgi paytda taniqli mutaxassis Vazgen Manasyan ustozlik qilmoqda. Ushbu murabbiy o‘rinbosarlarimizni qabul qilib olgach, asosiy jamoaga yoshlar tarkibidan bir qator futbolchilar jalb etila boshlandi.
Xo‘sh, "Lokomotiv" keyingi yillarda asosiy tarkibga o‘z tarbiyalanuvchilarini yetkazib berish siyosatini davom ettiradimi? Bu borada qanday ishlar amalga oshirilmoqda? Shu va shu kabi savollarga Vazgen Ignatovich javob berdi:
- Ayni paytda milliy terma jamoa o‘yinlari sabab chempionatimizda tanaffus yuzaga kelgan. Yigitlar taxminan ikki hafta mobaynida rasmiy o‘yinda maydonga tushishmaydi. Tanaffusdan keyingi ilk o‘yinimiz esa "Sho‘rtan" jamoasi o‘rinbosarlariga qarshi o‘tadi. Hozirda ushbu uchrashuvga tayyorgarlik olib boryapmiz. Bunda o‘rtoqlik o‘yinlari o‘tkazishga ham urg‘u beryapmiz.
Ta’kidlash kerakki, yoshlar tarkibimiz hozirda musobaqa jadvalining 9-pog‘onasinigina egallab turibdi. Buni maqtanadigan natija, deya olmayman. Lekin bir jihatga alohida e’tibor berish lozim, deb hisoblayman. "Lokomotiv" asosan yosh futbolchilarni tarbiyalashga asosiy urg‘uni bermoqda. Yoshlar Ligasi o‘yinlarida biz asosan 1998-1999 yillarda tug‘ilgan futbolchilarni maydonga tushriyapmiz. Ular sekin-asta tajriba to‘plab, katta maydonda o‘zlarini qanday tutish, qay tariqa harakatlanish borasida zarur ko‘nikmalarni xosil qilishmoqda.
Ikki yil avval yoshlar tarkibimiz ancha kuchsiz edi. O‘tgan yili biroz o‘yinimizni shakllantirishga muvaffaq bo‘ldik. Mana endilikda jamoamiz vaqt o‘tgani sayin yaxshiroq o‘yin namoyish eta boshlayapti.
Biz uchun eng asosiy vazifa - bosh jamoaga futbolchilar yetishtirib berishdan iborat sanaladi. Hech bo‘lmaganda bir mavsumda bir nafar bo‘lsa ham yosh o‘yinchini asosiy tarkibga o‘tkaza olsak - bu biz uchun juda yaxshi natijadir. Misol uchun, bu yil yoshlar tarkibimizdan Azizbek Amonov asosiy jamoaga jalb etila boshlandi. U Oliy Ligada bir nechta o‘yinda ishtirok etdi va ikki bor gol kiritishga ham muvaffaq bo‘ldi.
Hozirda tarkibimizda bir qator iste’dodli yigitlar bor. "Lokomotiv" so‘nggi paytlarda o‘z tarbiyalanuvchilarini asosiy jamoaga jalb etish borasida ish olib bormoqda. Klub shunday siyosat olib borishga urinyapti. Nasib etsa, keyingi yillarda ham sekin-asta yosh futbolchilarimizni asosiy jamoaga yetkazib berishga harakat qilamiz, - deydi tajribali mutaxassis.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
