O‘zbekiston Futbol Federasiyasi majlislari zalida bugun, 30 oktyabr kuni O‘FF Prezidenti Umid Ahmadjonov ishtirokida navbatdan tashqari yig‘ilish bo‘lib o‘tdi. Unda O‘FF Ijroiya Qo‘mitasining yangi a’zosi tasdiqlandi.
O‘zbekiston Futbol Federasiyasining Ustavi 33-moddasi 7-bandiga asosan Ijroiya Qo‘mitasining vakant bo‘lib qolayotgan o‘rnini to‘ldirish uchun UzReport axborot agentligining Bosh direktori Jo‘rayev Ravshanxon Ergashovichning nomzodi qo‘mita a’zolari tomonidan ma’qullandi.
Jo‘rayev Ravshanxon Ergashovich O‘FF Ijroiya Qo‘mitasining yangi a’zosi sifatida navbatdagi Konferensiyada keyingi muddat uchun saylovga qo‘yiladi.
“Bildirilgan ishonch uchun minnatdorman. Umid qilamanki, bo‘lajak ishlarimiz mamlakatimizda futbol rivoji uchun hissa qo‘shadi”, – dedi Ravshanxon Jo‘rayev.
“Ravshanxon Jo‘rayevni O‘FF Ijroqo‘mi a’zosi etib tasdiqlangani bilan tabriklayman”, – dedi O‘FF Prezidenti Umid Ahmadjonov. “UzReport axborot agentligi O‘FF Marketing boshqarmasi va O‘zPFL bilan hamkorlikda katta loyihalarni amalga oshirishiga umid qilaman”.
Ravshanxon Jo‘rayev 1971 yil 23 fevral kuni tavallud topgan. Ma’lumoti oliy. 1994 yili Toshkent davlat universitetini tamomlagan. Faoliyati davomida bir qator tashkilotlarda rahbarlik lavozimlarida ishlab kelgan. 2010 yildan buyon UzReport axborot agentligi Bosh direktori lavozimida faoliyat yuritmoqda.
UzReport axborot agentligi 1999 yilda tashkil topgan. 2014 yili agentlik qoshida UzReport TV, 2017 yili esa Futbol TV telekanallari tashkil qilindi. Futbol bo‘yicha Anlgiya va Ispaniya chempionatlari, shuningdek, Yevropa Chempionlar Ligasi va Yevropa Ligasi o‘yinlari translyasiyasi huquqini xarid qilgan telekanal mazkur uchrashuvlarni jonli ravishda muxlislar e’tiboriga havola etmoqda.
Ma’lumot uchun, O‘FF Ijroiya Qo‘mitasi tarkibi 11 kishidan iborat. Quyida Ijroqo‘mning to‘liq tarkibi bilan tanishish mumkin.
O‘FF Ijroiya Qo‘mitasi tarkibi
1. Umid Ahmadjonov – O‘FF Prezidenti
2. Shoakrom Isroilov – O‘FF Birinchi vise-prezidenti
3. Achilbay Ramatov – O‘FF vise-prezidenti
4. Po‘lat Bobojonov – O‘FF vise prezidenti
5. Rustam Qurbonov – O‘zbekiston jismoniy tarbiya va sport davlat qo‘mitasi raisi
6. Bobur Shodiyev – “Paxtakor” FK prezidenti
7. Murod Aliyev – “Bunyodkor” FK Bosh direktori
8. Mansur Rajabov – “Lokomotiv” FK prezidenti
9. Komil Yarashev – O‘zbekiston Davlat jismoniy tarbiya instituti rektori
10. Narimon Jalolov – O‘zbekiston futbol faxriylari kengashi raisi
11. Ravshanxon Jo‘rayev – UzReportaxborot agentligi Bosh direktori
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
