Farg‘ona shahrida davom etayotgan “Kelajagimiz umidlari” festivali yosh futbolchilarga bir olam quvonch bag‘shida etmoqda. Olimpiya zahiralari kollejida bo‘lib o‘tayotgan turnirning xar kuni qiziqarli bahslarga boy o‘tyapti. Yosh sportchilarning ota-onalari ham mazkur festivalga befarq bo‘lmagan holda uchrashuvlarni kuzatib, o‘z farzandlarini olqishlar bilan qo‘llab-quvvatlab borishyapti. Albatta mana shunday jarayonlar futbolni ommalashishida muhim ahamiyat kabs etadi. Festivalni kuzatar ekansiz, o‘yinlar chog‘ida “Neftchi” jamoasining yaqin o‘tmishdagi taniqli futbolchilarini ham uchratishingiz mumkin. Tajribali hujumchi Anvar Berdiyev o‘z farzandining o‘yinlarini muxlislar orasida tomosha qilgan bo‘lsa, Aziz Alijonov hamda Iqbol Akramov singari sobiq yarim himoyachilar murabbiy sifatida o‘z jamoalariga boshchilik qilishdi. Fursatdan foydalangan holda, “Neftchi” sobiq futbolchisi Iqbol Akramov bilan suhbatlashdik.
– O‘FF bolalar futboli rivoji uchun katta ishlarga qo‘l o‘rmoqda, – deb fikr bildirdi Akramov.
– Bu albatta tahsinga sazovordir. Bolajonlar uchun juda katta bayram bo‘lmoqda. Mana shunday festivallar uchun O‘FF rahbari Umid Ahmadjonovga rahmat deymiz. Yosh futbolchilarga festival tashkilotchlari tomonidan sovg‘alar hamda faxriy yorliqlar taqdim etildi. Bu esa bolalarni shod etmay qo‘ymaydi. Ularni futbolga bo‘lgan e’tiborini yanada oshiradi. Yaxshi futbolchi bo‘lib yetishib chiqsa, davlat yetarli darajada taqdirlashi haqida oz bo‘lsada tushuncha paydo bo‘ladi. Nasib qilsa, ular orasida yangi Server Jeparovlar, Odil Ahmedov singari o‘yinchilar yetishib chiqadi.
Shuningdek, festival haqida murabbiy Aziz Alijonovdan ham fikrlarini so‘radik.
– Festival bolajonlarga bir olam quvonch taqdim etdi. Ularning xursandchiligini qarang! Bola ko‘zida bunday festivallar katta turnirlardek ko‘rinadi. Tashkilotchilarga rahmat – dedi Alijonov
– Katta o‘yinlarda javlon urib to‘p surgansiz. Biroq bugunga kelib mana shunday jachchi futbolchilar bilan ishlash jarayoni qanday kechmoqda ? Qiyinchiliklar yo‘qmi ?
– 7 yoshli futbolchiga taktika qo‘llasangiz, baribir xech narsani tushunmaydi. To‘pni tashlab bersangiz hammasi birdaniga ketidan yuguradi. Yosh bolalarga qattiq gapirib bo‘lmaydi. Bir marta sal ovozingizni ko‘tarsangiz bas, ertasi kuni uni boshqa ko‘rmaysiz! (kuladi) Shu sabab mashg‘ulotlarda o‘zim ham yosh bolaga aylanib, ular bilan ishlayman. Xarakterlariga moslashishga urinaman. Biroz ulg‘aysa, pozisiya nima, o‘yin paytida qanday harakatlanish lozim, barchasini sekin-asta tushuntiramiz. Vaqti kelsa, murabbiylikni unutib ularga ham ota ham ona, yaqin do‘st bo‘laman. Bolalar murabbiyi shunday bo‘lishi lozim. Biz endi futbolni boshlagan kezlarimiz millionlar o‘yini uchun bunday sharoitlar bo‘lmagan. Hozir esa vaziyat tamoman o‘zgargan. Hukumatimiz futbolni rivojlanishi uchun hamma ishni amalga oshirmoqda. Yaqinda Farg‘onaga O‘FF rahbari Umid Ahmadjonov ham tashrif buyurib viloyat futboliga yuqori baho berdilar. Bu albatta kishini xursand qiladi, – deydi Aziz Alijonov
“Neftchi” matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
