Bugun Qarshi shahri qit’amizning klublari o‘rtasidagi eng nufuzli musobaqa -Osiyo chempionlar ligasining yana bir uchrashuviga mezbonlik qiladi. Muhtasham “Markaziy” stadionida, mamlakatimiz futbol ishqibozlarining sevimli jamoasiga aylanib borayotgan “Nasaf” jamoamiz, Qatarning “Al Sadd” jamoasini qabul qiladi.
OCHL-2018. “S” guruhi, 3-tur
“Nasaf” (O‘zbekiston) – “Al Sadd” (Qatar)
05.03.2018. “Markaziy” stadion. 18:30da
Bosh hakam: Iida Jumpei (YAponiya)
Qanot hakamlari: Ochi Shinji (YAponiya), Karakami Satoshi (YAponiya)
To‘rtinchi hakam: Alibek Sapayev (Turkmaniston)
Nazoratchi: Husayn Milajerdi Askari (Eron)
Komissar: Lee Sang Von (Janubiy Koreya)
Bugun yigitlarimiz nafaqat klubimiz sharafini, balki Sohibqiron Amir Temurdek bobomiz tug‘ilib, voyaga yetgan yurt sha’nini himoya qilishadi. Millionlab yurtimiz futbol ishqibozlari “Nasaf”dan g‘alaba kutmoqda. Ular bugun futbolchilarimiz bilan stadionda, teleekran qarshisida yelkama yelka turishadi. Ishqibozlik qilishadi. Dalda bo‘lishadi.
Futbolchilarimiz esa, bugun bor kuchlari va mahoratlarini ishga solishadi, futbol ishqibozlariga quvonch hadiya etishadi.
Bugun ana shunday kayfiyat va niyatlar bilan Qarshida tong otdi.
“Nasaf” bugun Osiyo chempionlar ligasidagi 21-uchrashuvida maydonga tushadi. Bu safar raqib ancha jiddiy. “Al Sadd”ni guruhimizda hali hech bir jamoa to‘xtata olgani yo‘q. Jamoamiz bugun bunday sharafga erishishini juda hohlaymiz va ishonamiz.
Bugun ming-minglab futbol ishqibozlari “Markaziy” stadionimizga tashrif buyurishadi. Aslida vohamiz futbol ishqibozlari mamlakatimizdagi eng baxtli futbol ishqibozlaridan sanalishadi. Negaki, ularga milliy chempionatimiz uchrashuvlari bilan birga, OCHL o‘yinlarini ham tomosha qilish nasib etmoqda. Bunday uchrashuvni stadionda turib tomosha qilishga nima yetsin. Nafaqat qiziqarli futbolga guvoh bo‘lish, balki stadiondagi muhitda ishtirok etib, hayot tashvishlaridan biroz bo‘lsada forig‘ bo‘lib hordiq chiqarish qanday yaxshi.
Shunday ekan, aziz futbol ishqibozlari bunday imkoniyatni qo‘ldan chiqarmang!
“Markaziy”ga marhamat qiling!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
