Bugungi kunda Yaponiya chempionatida to‘p surayotgan Fozil Musayev «Jubilo Ivata» safida yangi mavsumga tayyorgarlik ko‘rdi.
«Nasaf»ningsobiqyarimhimoyachisio‘tganmavsum J-ligadao‘zidaniliqtaassurotqoldirdi. Fozil tayanch yarim himoyasida Yaponiya chempionatidagi benazir futbolchilardan biriga aylandi.
Buni «kunchiqaryurt» matbuotihamalohidae’tirofetdi. Musayev «Jubilo Ivata» bilan 2 yillik shartnoma imzolagandi. Hozir kelishuvning yana bir yili bor va bizdagi ma’lumotlarga ko‘ra, klub rahbariyati legionerimizga kelishuvni uzaytirish bo‘yicha taklif bilan chiqqan.
Chunki «Jubilo Ivata» oldiga joriy mavsumda yuqori vazifalar qo‘yilyapti. Biz Fozil Musayev bilan bog‘lanib, undan shu va boshqa mavzular yuzasidan intervyu oldik.
- Fozil, Yaponiya chempionatiga tayyorgarlik qanday davom etyapti? O‘zgarishlar kuzatilmadimi?
- Tayyorgarlik 14 yanvardan boshlangandi. O‘quv-mashg‘ulot yig‘ini Yaponiyaning Kagoshima shahrida 18 kun mobaynida o‘tkazildi. Qisqa muddatli tanaffusdan so‘ng, 14 fevral kuni yana Kagoshimaga qaytib keldik va ayni payt mashg‘ulotlarning yakuniy bosqichidamiz.
Chempionatdagi ilk o‘yinimiz 25 fevralda (suhbat 22 fevralkuniuyushtirilgan, - muallif) «Kavasaki Frontale» klubiga qarshi bo‘lib o‘tadi. Hozircha J-ligada hech qanday yangilik yo‘q. Balki yozda o‘zgarish kuzatilsa kerak.
Boisi, Rossiya mezbonligidagi JCH-2018 bor va shu sababli ham musobaqaning 1-davrasi odatdagisidan ertaroq yakunlanar ekan. Mundial ishtirokchisi bo‘lgan Yaponiya termasining jahon chempionatiga munosib tarzda tayyorgarlik ko‘rishi uchun shunday yo‘l tutiladi.
- Klub rahbariyati, murabbiylar shtabi va jamoa tarkibida o‘zgarishlar ro‘y bermadimi?
- Hozircha yo‘q. Hamma o‘z o‘rnida ishlayapti. Tarkibda ikkita aytishga arzigulik o‘zgarish kuzatildi. Safimizga braziliyalik ikki futbolchi kelib qo‘shildi.
- «Jubilo Ivata» rahbariyati yangi mavsum oldidan jamoa bilan uchrashib, yangi maqsad va vazifalarni e’lon qildimi?
- Kuchli beshlikka kirishga harakat qilamiz. Bu minimum vazifa. Har qanday holatda ham kamida OCHL yo‘llanmasi uchun kurash olib boramiz. O‘tgan yili biroz omad yetishmagandi.
Ayniqsa, chempionatning so‘nggi o‘yinlarida muhim ochkolarni boy bergandik.
- Yaponiya klublaridagi futbolchilarning qanday shug‘ullanishi ko‘pchilikni qiziqtiradi. Bizning jamoalar o‘tkazadigan mashg‘ulot bilan ularniki keskin farq qiladimi?
- Albatta, farqi bor. Bu holat yaqqol ko‘zga tashlanadi.
- Ko‘proq nimaga e’tibor qaratiladi?
- Jismoniy tayyorgarlik bilan bir qatorda taktika va kombinasion to‘p uzatishlarga ahamiyat beriladi. Klublarda mahalliy murabbiylardan tashqari xorijlik mutaxassislar ham ko‘pchilikni tashkil etadi.
Tabiiyki, mash-g‘ulotlarda ularning «imzosi» ko‘zga tashlanib turadi.
- Yaponiya chempionatida to‘p surgan birinchi va hozircha yagona o‘zbek futbolchisi bo‘lib turibsiz. Bu sizga qo‘shimcha mas’uliyat yuklaydimi? Mahalliy jurnalistlar ham sizdan shu haqda so‘rashsa kerak?
- Albatta, busiz bo‘lmaydi. Zimmamdagi mas’uliyat juda yuqori. Shunga yarasha mashg‘ulotlarda ishlayapman.
- Yapon tili borasida qiyinchilik yo‘qmi? Har holda, o‘ziga xos iyeroglif yozuvlar...
- Hali to‘liq o‘zlashtirib olganim yo‘q. Lekin shu kunlarda to‘laqonli tarzda o‘rganishni boshlamoqchiman. Bilmadim, bu menda qanchalik o‘xshaydi, lekin urinib ko‘raman.
- Muloqot jarayonida qiyinchilikka duch kelmayapsizmi? Qaysi tilda gaplashyapsiz?
- Hammasi joyida. Murabbiy va futbolchilar bilan ingliz tilida suhbatlashamiz.
- Aslida transferingiz qay tariqa amalga oshgandi?
- Buning tarixi uzun. Shunchaki, qisqacha to‘xtalaman. O‘z vaqtida «Bun-yodkor»da o‘ynab ketgan yaponiyalik futbolchi Minori Satoning agentlari hamda San’at Sharipov birgalikda bu transferning amalga oshishini ta’minlashgan.
Albatta, Yaponiya klubi ham birdaniga kelishuvga rozi bo‘lmagan. «Nasaf» tarkibidagi o‘yinlarimni obdon ko‘rib, tahlil qilgandan keyin o‘zaro bitim tuzganmiz.
- Bir yil davomida Yaponiya chempionatida o‘ynadingiz. Umumiy taassurot va xulosalaringiz qanday bo‘ldi?
- Taassurotlar juda yaxshi. Bu yerda futbolga bo‘lgan e’tibor, munosabat umuman boshqacha. Ochig‘i, havas ko‘zi bilan qarayman. Sharoitlar ham ko‘ngildagidek. Yaponiya J-ligasi Osiyodagi eng kuchli chempionatlardan biri.
- Matbuotning e’tibori-chi? O‘yinlarga jurnalistlar ko‘p keladimi?
- Uchrashuvlarni qo‘ya turing, hatto har kungi mashg‘ulotlarimizga ham kamida 4-5 nafar OAV xodimlari tashrif buyurishadi. Intervyu oladigan televideniye vakillari ham bisyor.
- «Jubilo Ivata» bosh murabbiyi Xiroshi Nanami o‘z vaqtida terma jamoa tarkibida yorqin o‘yin namoyish etgan. Xo‘sh, murabbiylikda ham o‘zini ko‘rsata olyaptimi? Unga qanday ta’rif berasiz? Qattiqqo‘lmi?
- Ha, juda ajoyib murabbiy. Mash-g‘ulotni o‘zgacha tarzda o‘tkazadi. Insoniy jihatlari esa alohida mavzu. Lekin zarur paytda qattiqqo‘l ham bo‘ladi. Kezi kelganda, hazil-muto-yibani joyiga qo‘yadi.
- Jamoadoshlaringiz orasidan ko‘proq kim bilan hamsuhbat bo‘lasiz?
- Barcha futbolchilar bilan yaxshi munosabatdaman. Alohida bir futbolchini ajratib ko‘rsata olmayman. Jamoamiz juda ahil.
- Sharoitlar qoniqtiryaptimi?
- Ha, uy, mashina berilgan. Nafaqat men, balki barcha futbolchilar uchun juda qulay sharoitlar yaratilgan. Bizdan faqat mazmunli o‘yin namoyish etish talab etiladi, xolos.
- Yaponiya taomlari achchiqroq, deyishadi. Shu to‘g‘rimi? Umuman, ushbu masalada qiynalmayapsizmi? Klubda sizga alohida ovqat tayyorlanadimi?
- Menimcha, achchiq emas. Yaponiyada taom masalasida qiynalmaysiz. Menga hammasi yoqadi. Klubda men uchun alohida taom tayyorlanmaydi. Lekin dunyoda o‘zimizning palovga yetadigani yo‘q.
- Yaponiyaga «zilzilalar yurti», deb ham ta’rif berishadi. Haqiqatan ham yer silkinishlari tez-tez kuzatiladimi?
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
