Xabaringiz bor, o‘tgan hafta eng sevimli turnirlardan biri – Yevropa chempionlar ligasi navbatdagi mavsumining finalchilari aniqlashdi.
Unga ko‘ra ketma-ket uchinchi marta finalga yo‘l olgan Madridning «Real» klubi bu safar «Liverpul»ni imtihondan o‘tkazadigan bo‘ldi.
Bugun e’tiboringizga yarim finalda qayd etilgan e’tiborga moliy ko‘rsartgichlarni keltirib o‘tmoqchimiz. Diqqat qiling bunaqasi YECHLda oldin bo‘lmagan...
— «Roma» va «Liverpul» qarama-qarshiligida samaradorlik bo‘yicha CHL tarixidagi yarim finallar rekordi qayd etildi - 2ta o‘yinda 13ta gol. Eslatma, 24 aprel kuni Liverpulda kechgan birinchi bahsda mezbonlar 5:2 hisobida ustun kelishgandi.
— «Liverpul» CHLning bitta mavsumida ko‘p gol urish bobida ajoyib ko‘rsatkichga erishdi - 14ta o‘yinda 46ta. Umuman, bu natija nafaqat CHL, balki barcha yevrokubok turnirlari uchun mutlaq rekorddir. Bunga qadar samaradorlik bo‘yicha eng yuqori ko‘rsatkich «Barselona»ga tegishli edi - kataloniyaliklar CHL-1999|2000 doirasidagi 16ta o‘yinda 45ta gol urishgandi.
— «Liverpul» hujumchisi Sadio Mane joriy turnirdagi gollari sonini 9taga yetkazdi. Uning hujumdagi sheriklari - Roberto Firmino va Muhammad Saloh hisobida 10tadan gol bor. Xullas, «Liverpul»ning hujumkor triosi sermahsullik bobida CHLning yangi rekordchisiga aylandi - jami 29ta gol.
28ta golga teng avvalgi rekord «Real»dagi uchlik (Krishtianu Ronaldu, Karim Benzema va Garet Beyl) tomonidan mavsum-2013|2014da qayd etilgandi.
— «Roma» joriy mavsum «Liverpul»ni mag‘lubiyatga uchratgan birinchi jamoa bo‘ldi. Yurgen Klopp drujinasi Rimdagi o‘yinga qadar turnir doirasida 13 marta maydonga tushib, 9ta g‘alaba va 4ta durang qayd qilgandi.
— «Real» ketma-ket 3 marta turnir finaliga chiqqan uchinchi jamoa bo‘ldi. Madridliklardan oldin «Milan» (1993-1995 yillar) va «Yuventus» (1996-1998 yillar) klublari shunday natijaga erishgandi. Qolaversa, «Real» oxirgi 5ta mavsumning 4tasida hal qiluvchi bahsga yo‘l olgani bilan maqtanishi mumkin.
Chempionlar kubogi davrida «Ayaks» (1969-1971, 1972-1973 yillar) ham xuddi shunday natijaga erishgandi. Umuman, «Qirollik klubi» Kiyevda turnirning yangi tarixi (1992 yildan buyon)da 7-marta final ishtirokchisiga aylanadi. «Milan» va «Yuventus» klublari esa hal qiluvchi bahsda 6 martadan o‘ynagan.
— «Bavariya» shu bilan CHL «pley-off» bosqichlarida qatorasiga 5-marta ispan jamoalariga yo‘l bo‘shatdi. Myunxen klubi 2014 yili ham yarim finalda aynan «Real»ga bas kelolmagandi, keyin tegishlicha «Barselona» va «Atletiko» oldida ojiz qoldi.
— «Real» yetakchisi Krishtianu Ronaldu faoliyati davomida 6-marta finalga yo‘l oldi. 33 yoshli portugaliyalik yulduz bunga qadar madridliklar safida 3 marta final yuzini ko‘rgandi. Qolgan 2ta finalda esa «MYU» sharafini himoya qilgan.
Qisqasi, Ronaldu turnirning yangi tarixida finalga ko‘p chiqish bo‘yicha «Milan»ning sobiq sardori qayd etgan rekordni takrorladi. CHK|CHLni umumlashtirgan holda aytsak, portugaliyalik futbolchi bu borada faqat 3 kishi (Maldini va Xento - 8tadan final, di Stefano - 7ta final)dan ortda qolmoqda.
— «Real» darvozaboni Keylor Navas «Bavariya»ga qarshi javob bahsida 8 marta «seyv» ko‘rsatdi. Bu «Qirollik klubi» uchun oxirgi 10 yillikda CHL o‘yinlarida kuzatilgan eng yuqori ko‘rsatkichdir. Ya’ni shuncha vaqt davomida «Real»ning biror kiperi 1ta uchrashuvda Kosta-Rika termasi vakilichalik ko‘p «seyv» amalga oshirmagandi.
— «Real» bosh murabbiyi sifatidagi ishini 2016 yilning 4 yanvarida boshlagan Zayniddin Zidan turnirning ortda qolgan 9ta «pley-off» to‘qnashuvidan birortasini boy bermadi. Umuman, 45 yoshli fransiyalik mutaxassis «Real»ni CHK|CHL finaliga 3 marta yetaklagan birinchi murabbiydir.
— «Real» futbolchilari birinchi gol urilgan vaziyatda to‘pni bir-birlariga naq 28 marta uzatishdi. Xullas, Karim Benzema 28-«pas»dan keyin raqib darvozasini nishonga oldi. Bu joriy mavsum 1ta gol yo‘lidagi «pas»lar soni bo‘yicha ikkinchi yaxshi natijadir. «Barselona» va «Olimpiakos» o‘rtasidagi o‘yinda Lyuka Din 29-uzatmadan ke-yin gol urgandi.
— «Real» Karim Benzemaning 2ta aniq zarbasi evaziga yevrokuboklarda o‘z maydonidagi golli seriyasini 42ta o‘yinga yetkazdi. Bu 1961-1984 yillar oralig‘ida «Tottenxem» tomonidan qayd etilgan rekordning takrorlanishidir. Qizig‘i, «shporlar» seriyasi 1985 yili martda aynan «Real»ga qarshi kechgan uchrashuvda uzilgandi - 0:1.
— «Real» to‘purari Krishtianu Ronaldu CHLda 152-marta maydonga tushib, turnir gvardiyachilari ro‘yxatida «Barselona faxri Xavi (151ta)-dan o‘zib ketdi va maydon o‘yinchilari orasida 1-o‘ringa ko‘tarildi.
Gvardiyachilarning umumiy ro‘yxatida «Real»ning sobiq darvozaboni Iker Kasilyas peshqadamlik qilmoqda. Ayni payt «Portu» sharafini himoya qilayotgan kiper hisobida 167ta o‘yin bor.
ENG SERMAHSUL YARIM FINAL
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
