Diqqatni tortadigan ajoyib fakt: jahon chempionati-2018 yarim finalidan o‘rin olgan birinchi to‘qnashuv, ya’ni Fransiya - Belgiya o‘yini qaydnomasiga qarasak, ikki jamoa tarkibidagi jami 46 nafar futbolchidan deyarli yarmi, aniqrog‘i, 22 nafari qaysidir jihat bilan Afrikaga bog‘liq ekan.
Qoyilmisiz. Bular - Kilian Mbappe, N`Gole Kante, Pol Pogba, Blez Matyuidi, Stiven N`Zonzi, Presnel Kimpembe, Samuel Yumtiti, Usmon Dembele, Korenten Tolisso, Stiv Mandanda, Odil Remi, Nabil Faqir, Jibril Sidibe, Benjamin Mendi (Fransiya) va Romelu Lukaku, Vensan Kompani, Nosir Shodli, Muso Dembele, Maruan Fellayni, Mishi Batshuayi, Yuri Tilemans, Dedrik Boyata (Belgiya).
Xullas, birinchi yarim finalga «Afrika derbisi» sifatini qo‘llash ham mumkin edi bemalol...
Seshanba oqshomi bo‘lib o‘tgan o‘yinda shu 22 nafar futbolchidan ayrimlari bosh rolda namoyon bo‘lishdi. Xususan, final chiptasi taqdiriga oydinlik kiritgan yagona gol «fransuz» Samuel Yumtiti hisobiga yozildi.
Umuman, asli afrikalik yigitlar butun turnir davomida har ikki jamoa muvaffaqiyatida katta o‘rin tutishdi. Ular yetarlicha gol urishdi, shuningdek, assistentlik vazifasini ham yaxshi bajarishdi.
Demakki, Fransiya va Belgiyada bu futbolchilarni chinakamiga ardoqlashlari kerak. Albatta, har ikki mamlakatda Romelu Lukaku va Kilian Mbappe tomonidan urilgan gollarni xuddi Kevin de Bryuyne va Antuan Grizmanniki kabi shodmon nishonlashganiga shubha yo‘q.
Zero, Fransiya va Belgiyada odamlarni tanasi rangiga qarab, ajratish eski zamonlardan qolib ketdi. Har holda, irqchilikka qarshi kurash natija bera boshlaganiga ancha bo‘ldi.
Qarang, shu ro‘yxatga tushgan 9 nafar futbolchi Kongo termasi sharafini himoya qilishi mumkin edi. Ya’ni Fransiya va belgiyaliklar safida bu yurtga aloqasi bor shuncha o‘yinchi bor (4 nafari - «fransuz» va 5 nafari - belgiyalik).
Shuningdek, 3 nafardan futbolchi Senegal va Marokashga daxldor bo‘lsa, Kamerun hamda Mali 2 nafardan vakilga ega. Yana 3 nafar futbolchi shajara bo‘yicha Gvineya, Togo va Jazoirga borib taqaladi.
Qolaversa, 22talik bu ro‘yxatni Belgiya termasi yarim himoyachisi Aksel Vitsel hisobiga uzaytirish ham mumkin. To‘g‘ri, uning otasi Karib orollari tarkibiga kiruvchi Martinikadan, lekin katta Vitsel ajdodlari u yerga aynan Afrikadan borishgan.
Ushbu faktlarga e’tibor qaratgan jurnalist Kolin Millar hazil ohangida hattoki, sof oq tanli Kevin de Bryuyneni ham afrikalikka chiqarib qo‘ydi. Gap shundaki...
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
