Osiyo o‘yinlari chorak final O‘zbekiston va Janubiy Koreya uchrashuvi bo‘lib o‘tdi. Mazkur bahchs vakillarimizning mag‘lubiyati bilan yakun topdi.
Uchrashuvning ilk daqiqalaridan jamoalar hujumkor o‘yin ko‘rsatishdi. O‘yinning 5-daqiqasiga kelib Janubiy Koreyaliklar hisobda oldinga chiqib olishdi. Goldan so‘ng Ravshan Xaydarov shogirdlari hujumkorlikni oshirishdi natijada 17-daqiqada Doston Xamdamovning pasini Masharipov golga aylantirdi. Biroq uchrashuvning 35-daqiqasida yana o‘sha Xvang gol urib koreyaliklarni oldinga olib chiqdi. Shu tariqa jamoalar tanaffusga yo‘l olishdi.
Ikkinchi bo‘limni terma jamoamiz ancha faol boshladi. O‘yinning 53-daqiqasida Ikrom Aliboyev darvozabonning oyoqlari orasidan to‘pni darvozaga yo‘llab qo‘ydi. Oradan 3 daqiqa o‘tib Aliboyev o‘zining uchrashuvdagi ikkinchi golini kiritdi.
Uchrashuvning 75-daqiqasida yana o‘sha 16-raqamdagi Xvang hisobni tengalashtirdi. O‘yinning asosiy vaqti shu tariqa yakunlandi. Jamoalar qo‘shimcha bo‘limlarga yo‘l oldi.
Qo‘shimcha bo‘limlarning ilk 15-daqiqaligida hisob o‘zgarmadi. Terma jamoamiz a’zosi Ikrom Aliboye ikkinchi sariq kartochkani olib maydonni tark etdi.
Ikkinchi bo‘limning so‘ngi daqiqalarida hakam terma jamoamiz darvozasi tomon penalti belgiladi. Bu vaziyatda himoyachimiz to‘pni qo‘li bilan o‘ynadi deb topildi. Koreyalik futbolchi penaltini aniq amalga oshirib uchrashuvga nuqta qo‘ydi. Shunday qilib, O‘zbekiston OTJ o‘z yurishini chorak finalda yakunladi.
Futbol. 1/4 final
Osiyo o‘yinlari, 1/4 final
O‘zbekiston OTJ - Janubiy Koreya OTJ 3:4
Gollar: J.Masharipov (17), I.Aliboyev (53, 56) - Xvang (5, 35, 75), Xvang Xi Chan (118)
Hakamlar: Al Xoish Muhammad Xolid (Saudiya Arabistoni), Ali Ubaydi Haydar Abdulhasan (Iroq), Al Hikmani Rashad Rashid Said (Ummon), Shaban Ali (Kuvayt).
O‘zbekiston: 1. Botirali Ergashev, 2. Rustamjon Ashurmatov, 4. Akramjon Komilov, 5.Abbos Otaxonov, 6. Jaloliddin Masharipov (Andrey Sidorov, 120), 7. Odiljon Xamrobekov, 9. Zabixillo O‘rinboyev (16.Doniyor Narzullayev, 113), 10. Javohir Siddiqov (18.Xurshid G‘iyosov, 85), 14. Ikromjon Aliboyev, 17.Dostonbek Hamdamov (11.Bobir Abdixoliqov, 68), 20. Dostonbek Tursunov.
Janubiy Koreya: 1.Song Bum Kun, 2.Xvang Xyun Su, 3.Kim Min Jae, 4.Kim Jin YA, 6.Kim Mun Xvan, 7.Son Xon Min, 10.Xvang In Bom, 11.Na Sang Xo (9.Xvang Xi Chan, 46), 14.Jang Yun Xo (8.Li Jin Xu, 22), 15.Li Song Mu (17.Li Song Vu, 61), 16.Xvang Ui Jo.
Ogohlantirishlar: Dostonbek Hamdamov 42, Rustam Ashurmatov 65, Ikrom Aliboyev 84, Kim Min Jae 105, Xvang Xi Chan 118.
Chetlatish: Ikrom Aliboyev 100.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
