18 aprel kuni O‘zbekiston kubogining 1/32 final bosqichiga qur’a tashlash marosimi bo‘lib o‘tadi.
“Sport” telekanali bilan kelishuvga ko‘ra, mazkur qur’a jarayoni soat 16:00da boshlanadigan “Gol” ko‘rsatuvi davomida amalga oshadi.
2019 yilgi mavsumda O‘zPFL Superliga uchun 14, A Pro-ligasi uchun 8 hamda V Pro-ligasi uchun jami 16 ta klubni ro‘yxatdan o‘tkazdi. O‘zbekiston kubogida mazkur jamoalardan faqatgina “Bunyodkor-2” hamda “Andijon-2” jamoalari ishtirok etmaydi. Ular farm-klub maqomida bo‘lgani sababli, faqatgina V Pro-liga uchrashuvlaridagina qatnasha oladi.
1/32 final uchrashuvlari taqvimda 30 aprel hamda 1 may kunlari o‘tkazilishi avvaldan belgilab qo‘yilgan. Unga qadar esa 19 aprel kuni O‘zbekiston kubogi uchun saralash uchrashuvlari bo‘lib o‘tadi. Sharqiy mintaqadan saralashda “Chig‘atoy” hamda “Yashnobod” klublari o‘zaro o‘yin bilan ishtirok etadi. G‘arbiy mintaqada esa Navoiy hamda Buxoroning “Ittifoq” jamoalari o‘zaro kuch sinashadi. Mazkur uchrashuvlar g‘olibi 1/32 finalda to‘p surish huquqini qo‘lga kiritadi.
Ular safiga keyingi bosqichda V Pro-liganing “Yangiyer”, “G‘ijduvon”, “Lokomotiv-BFK”, “Rubin”, “Zarangari”, “Orol”, “Turon”, “Rash-Milk”, “Zomin”, “Zirabuloq” klublari qo‘shiladi. Jami 12 ta klub olti juftlikka ajratiladi. Bosqich g‘oliblari 1/16 final chiptasini qo‘lga kiritadi.
1/16 finaldan boshlab musobaqaga Superliganing 10 hamda A Pro-liganing 8 jamoasi qo‘shiladi. 1/8 finaldan boshlab esa “Lokomotiv”, “Paxtakor”, “Navbahor” va AGMK jamoalari turnirdagi ishtirokini boshlaydi.
2019 yildan boshlab mazkur turnirda har bir bosqich faqatgina 1 ta uchrashuvdan iborat bo‘ladi. G‘olib asosiy va qo‘shimcha daqiqalarda aniqlanmasa, penaltilar seriyasi yordamga keladi. Qur’a marosimlari Sport-TV orqali jonli namoyish etib boriladi. Qur’ada barcha jamoalar bitta savatga solinadi. Birinchi chiqqan jamoa mezbon, ikkinchisi uning mehmoni bo‘ladi.
Faqatgina bir jihatga e’tibor qilish kerak. Stadionlar bo‘yicha talabga ko‘ra, agar mezbon jamoaning stadioni O‘zbekiston kubogi uchrashuvlari talabida bo‘lmasa, mazkur jamoa qur’adan keyingi uch kun ichida yoki talab darajasidagi maydon topishi yo bo‘lmasa mehmon jamoa maydonida to‘p surishi kerak bo‘ladi. V Pro-ligasining maydoni talab darajasida bo‘lgan klublari uyiga Superliganing eng yaxshi jamoalari ham tashrif buyurishi mumkin.
Жалолиддин Қобилжонов
Яҳёхўжа Улуғхўжаев
Ҳасанали ота
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Холис таҳлилчи блоги
Сафарали Сиддиқов
FCB.UZ — бу «Барселона»
Шуҳрат Шокиржонов
Шерзод Ражабов
Қаҳрамон Асланов
