Ayrim terma jamoalar o‘z yulduzlariga shu qadar ishonib qolishganki, o‘yinlarini to‘liq o‘sha futbolchi atrofida qurishga intilishadi. Bugun ana shunday futbolchilar to‘g‘risida so‘z boradi.
Zlatan Ibrahimovich
Bir necha yillar davomida Shvesiya terma jamoasining super yulduzi sifatida to‘p surgan futbolchi aytarli hech qanday yutuqqa erisha olmagani bilan muxlislar yodida qolgan bo‘lsa, ajab emas. Zlatan Shvesiya terma jamoasining o‘ynovchi murabbiyidek o‘zini erkin tutar, futbolchilar hujumda deyarli faqat Zlatangga o‘ynar edi. Afsuski, bunday o‘yin uslubi shvedlarga aytarli foyda keltirmadi. «Evro 2016»dagi omadsiz ishtirokidan so‘ng Ibrahimovich termadan ketgach, ko‘plab mutaxassislar terma jamoaning o‘yini kuchsizlashib qolishini taxmin qilgan edi. Buni qarangki, Shvesiya termasi jamoaviy o‘yin evaziga saralashda Gollandiya va Italiyadek grandlarni ortda qoldirgan bo‘lsa, JCHda chorak finalgacha yetib borib ko‘pchilikni hayratda qoldirdi. Ibraning ketgani, balki, jamoaga yordam bergandir?!
Robert Levandovskiy
Polsha terma jamoasi sardori, «Bavariya» klubi yetakchi sanaladigan Robert bir nechta katta turnirlarda ishtirok etgan bo‘lsada, o‘zini ko‘rsatishning uddasidan chiqa olmadi. Ayniqsa, so‘nggi JCHda Polsha terma jamoasi to‘liq Levandovskiyga o‘ynadi. Oqibatda, Polsha guruhda Senegal va Kolumbiyaga mag‘lubiyatga uchrab, guruhda qolib ketdi. Hozirda, Polsha futboli o‘zining avvalgi darajasiga chiqish uchun, ehtimol, Levandovskiydan voz kechishi kerakdir, yana kim biladi deysiz?
Neymar
2014-yilda bo‘lib o‘tgan mundial oldidan Braziliyaning imkoniyatlari anchagina yuqori baholangan edi. Yodingizda bo‘lsa, yulduzli Braziliya Neymar atrofida qurilgan, uning mahorati evazigagina yarim finalga qadar yetib kelgan «pentakampionlar» Neymarsiz Germaniyaga qarshi nima qilishni bilmay qolishgan, oqibatda millat futboli tarixidagi eng alamli mag‘lubiyatni qabul qilib olishga majbur bo‘lishgan edi. Oradan 4 yil o‘tib Rossiya yashil maydonlarida kechgan JCHda ham huddi shunday hol takrorlangan, biroq bu safar Neymar va Koutinoga suyangan Braziliyani uyushqoq va jamoaviy futbol evaziga «Belgiya» mag‘lubiyatga uchratgan edi. Balki, Braziliya futbolining kuchsizlashib qolganiga sababi ham aynan shundadir?!
Leo Messi
Mana bir necha yildan beri Argentina terma jamoasi tarkibida Messidek super yulduz bo‘lsada, aytarli hech qanday yutuqqa erisha olmayapti. Buni siri nimada? Ketma-ket boy berilgan finallardan so‘ng oxirgi JCHda zo‘rg‘a guruhdan chiqqan Argentina nom jihatidan o‘zidan biroz ortdagi Fransiyaga o‘yinni boy berib qo‘ydi. Fransiya o‘sha musobaqada yulduzlarga emas, jamoaviy o‘yinga suyangan xolda harakat qildi va oxirida maqsadiga erishdi. Argentina esa, Messiga ishonib yana bir katta turnirni boy berdi. Vaholanki, Argentinada istalgan pozisiya uchun iqtidorli va nomdor futbolchilar keragidan ortiq topilsada, so‘nggi 10 yil davomida terma jamoa to‘liq Messining atrofida qurildi va shakllantirildi.
2014-yildagi mundialda bir qarashda hammasi ish bergandek ko‘rinishi mumkin, aslida, o‘sha turnirda Di Maria termaning yelkasida ko‘tarib yurgan bo‘lsada nomdor vatandoshining soyasida qolib ketgan edi. So‘nggi mundialda fransuzlar Messini Kante yordamida berkitib tashlashdi va Argentinani burchakka siqib qo‘yishning uddasidan chiqdi. Oqibatda, Argentina yana bir bor katta turnidan sovrinsiz uyga qaytishga majbur bo‘ldi. To‘g‘ri, Messining iqtidoriga gap-so‘z bo‘lishi mumkin emas, biroq yaxshilab o‘ylashning vaqti kelmadimikan?!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
