Superliganing 5-turi doirasidagi bahsda AGMK Olmaliqda “Surxon”ni qabul qiladi.
Ushbu jamoalarning o‘zaro o‘yin tarixi qisqa va bu o‘tgan mavsumdan boshlandi. Hozirga qadar AGMK termizliklar bilan ikki marotaba to‘qnash kelgan. O‘tgan mavsum Olmaliqda kechgan o‘yinda Dilshod Jo‘rayev va San’at Shixovning gollari AGMKga g‘alaba keltirgan bo‘lsa, Termizda Abror Ismoilovning goli “Surxon”ni g‘olib qilgandi.
Jamoalarning joriy mavsumdagi holatiga nazar tashlasak, Mirjalol Qosimov boshchiligidagi AGMK jadvalda 2 g‘alaba, 2 durang va 8 ochko to‘plagan holda 4-o‘rinda bormoqda.
Bahrom Haydarov boshchiligidagi “Surxon” 4 ochko bilan 10-o‘rinni egallab turibdi.
Termizliklar mavsumni mag‘lubiyat bilan boshlashdi. O‘z uyida “Bunyodkor”ga (1:3) imkoniyat boy berilgach, kelasi o‘yinda Navoiyda “Qizilqum” (2:1) mag‘lub etildi. So‘ngra Termizda “Nasaf”ga (1:2) qarshi bahsda ikkinchi mag‘lubiyat qabul qilindi. O‘tgan turda esa Termizda “Mash’al” (2:2) jangovor durang qayd etildi.
Ko‘rinib turibdiki, garchi jamoa 4 o‘yinda atigi 4 ochko jamg‘argan bo‘lsada, har uchrashuvda raqib darvozasiga yo‘l topishni uddasidan chiqmoqda. Shuningdek, o‘z darvozasidan ham muntazam ravishda to‘p qo‘yib yuborilmoqda. “Surxon” ishtirokidagi bahsda eng kamida 3tadan, o‘rtacha esa 4tadan gol kiritilmoqda.
Jamoaning gollariga Kasyan (2), Husniddin G‘ofurov, Sherzod Karimov, Sardor Sulaymonov va Aziz Ibragimov mualliflik qilishgan. Qayd etish kerakki, bizga qarshi o‘yinni mehmonlarning yetakchi futbolchisi Shavkat Salomov diskvalifikasiyasi tufayli o‘tkazib yuboradi.
AGMK mavsumni ketma-ket ikki durang bilan boshladi va qatorasiga 2 uchrashuvdan buyon g‘alabali seriyani davom ettirmoqda. Dastlab uyda "Metallurg" (1:1) bilan durang qayd etildi, keyinchalik Jizzaxda "So‘g‘diyona"ga (1:1) qarshi bahsda yana g‘olib aniqlanmadi. Olmaliqda o‘tgan "Bunyodkor" (2:0) bilan bo‘lgan to‘anqshuvda jamoamiz ishonchli g‘alabani tantana qildi. So‘ngra Navoiyda "Qizilqum" (1:0) ustidan g‘alaba qozonildi.
AGMK chempionatda eng kam gol (-2) o‘tkazib yuborgan hamda “Nasaf” bilan birgalikda mag‘lubiyatga uchramagan jamoa sifatida qolmoqda.
AGMKning kiritgan gollariga Mate Vatsadze, Igor Zonich, Murodjon Toshmatov, Hojimat Erkinov va Elguja Grigalashvili mualliflik qilishgan.
AGMK O‘zbekiston milliy chempionatida o‘tkazgan 343 o‘yindan 121tasi g‘alaba qozongan, 150 mag‘lubiyat va 72 bellashuvda durang qayd etilgan. To‘plar nisbati: 470-503.
Superliga, 5-tur.
20 iyun, shanba.
AGMK — “Surxon” (20:00)
Hakamlar: Rustam Lutfullin, Abduhamidullo Rasulov, Olim Abduvosilov, Abdurashid Xudoyberganov
Nazoratchi: Konstantin Smirnov
Komissar: Erkin Baxtiyorov
Translyasiya: "Dunyo bo‘ylab" kanali (jonli)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
