"Andijon" jamoasi Superliganing 12-turida "Qo‘qon-1912"ga qarshi maydonga tushdi va so‘nggi daqiqalarda gol o‘tkazib, mag‘lubiyatga uchradi. O‘yindan keyin "burgutlar" bosh murabbiyi Viktor Kumikov saytimiz uchun maxsus intervyu berdi.
– Dastlab, bugungi o‘yin haqidagi fikrlaringizni bildirib o‘tsangiz
– Avvallo chiroyli o‘yin namoyish etgani uchun yigitlarimga rahmat aytmoqchiman. Afsuski, omad biz tomonda bo‘lmadi. G‘alaba qozonish uchun gol urish kerak, lekin biz buni uddasidan chiqa olmadik.
– Uchrashuv yakuniga yaqin "Andijon" darvozasi tomon belgilangan penalti haqida nima deya olasiz?
– Penalti aniq yo‘q edi. Videoda buni ko‘rishingiz mumkin. Hakam penaltinini o‘ylab topdi. Hech qanday qoida buzarsiz to‘pga kurash bo‘lgandi, biroq hakam pul ishlashga harakat qilgandir..., chunki durang hakamning xatosi bo‘lardi.
– Jamoaning hujumda ishlari yurishmayapti. Nega haligacha kuchliroq forvard xarid qilinmadi?
– Pul yo‘q! O‘tgan yilgi qarzlar kimnidir xarid qilishga imkon bermaydi.
– Jamoaga yana qaytarilgan Shaxboz Jumaboyev haqida qanday fikrdasiz? U jamoaning hujumdagi ishlarini o‘zgartira oladimi?
– U hujumchilarda bor barcha xususiyatlarga ega, ammo Jumaboyev anchadan buyon o‘ynamadi va bunday vaziyatda mahorat yo‘qoladi.
– "Andijon" bu mavsum haligacha g‘alaba qozona olmadi. Bu sizni xavotirga solmayaptimi?
– Albatta, xavotirga solyapti. Ammo hammasi ham murabbiy yoki futbolchilarga bog‘liq emas. Ko‘p narsa gapirishni biladigan, ammo bajarmaydigan klub rahbariyatga ham bog‘liq.
– Legioner mahalliy futbolchidan bir bosh ustun bo‘lishi kerak, biroq "Andijon" jamoasidagi legionerlar ajralib turmayapti. Ularga javobini berish vaqti kelmadimi?
– Gapingiz to‘g‘ri, biroq bularning birortasini jamoaga men olib kelmaganman. Bularning barchasi menga "meros" sifatida o‘tdi. Men esa bor mahsulotdan taom tayyorlashim kerak.
– Keyingi o‘yin "Paxtakor" bilan. Shota jamoasining bugungi yirik g‘alabasi sizni tashvishga solmayaptimi?
– Yo‘q bundan tashvishda emasman. Rahbariyatning jamoaga bo‘lgan munosabati meni ko‘proq o‘ylantirmoqda. Ular ma’suliyatsiz. Bunday anarxiyaga birinchi marta duch keldim, hatto 90 yillar futboli bilan taqqoslaganda ham.
– Tushunishim bo‘yicha, jamoadagi holat, va rahbariyatning qarorlari sizga manzur kelmayapti. Unda iste’foga chiqing?!
– O‘ylaymanki, yaqinda shunday qilaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
