Superliga 19-turidan o‘rin olgan “Navbahor” – “Metallurg” (1:1) jamoalari o‘rtasidagi uchrashuvdan keyin o‘tkazilgan matbuot anjumanining birinchi qismida “Metallurg” bosh murabbiyi Andrey Shipilov ishtirok etib, jurnalistlarning savollariga javob berdi. Quyida uning fikrlarini e’tiboringizga havola etamiz.
- Menimcha, bugungi uchrashuvda har ikki jamoa a’zolari ham o‘z imkoniyatlari darajasida o‘yin namoyish eta olishmadi. Albatta, bu mening shaxsiy fikrim.
Uchrashuvning qiyin kechganligiga o‘zinglar guvoh bo‘ldinglar. O‘yin davomida futbolchilar ko‘plab xatolarga yo‘l qo‘yishdi, to‘pni o‘z jamoadoshlariga aniq yetkazib bera olishmadi, bir so‘z bilan aytganda, “braklar” ko‘p bo‘ldi. Balki buning o‘ziga yarasha sabablari bordir.
O‘z jamoamiz borasida shuni ta’kidlamoqchimanki, o‘yin juda qiyin kechdi. Nafaqat, “Navbahor”ga qarshi kechgan bahs,balki barcha uchrashuvlar og‘ir o‘tmoqda. Nimayam derdim, 9 kun ichida 3 ta o‘yin o‘tkazamiz. Keyingi uchrashuv o‘z maydonimizda bo‘lib o‘tadi. Joriy mavsum yakunlanishiga 7 ta tur qoldi. Qaysi jamoa qolgan uchrashuvlarni muvaffaqiyatli tarzda o‘tkazsa, omad kulib boqsa, mavsum yakunida turnir jadvalining yuqori qismidan o‘rin olishi mumkin.
“Navbahor” o‘z oldiga yuksak maqsadlarni qo‘yadigan klub.
Jamoamiz ham joriy mavsumda dastlabki beshtalikdan o‘rin olishga harakat qiladi.
Bugungi uchrashuv hisobi haqqoniy bo‘ldi, deb hisoblayman.
Namanganga “Metallurg” ustozi sifatida uchinchi marta tashrif buyuryapman va doimo menga shogirdlaringiz nega maydonga yotvolib, vaqtni cho‘zishga harakat qilishadi, deb savol berishadi.
Statistikaga nazar tashlasangiz, Namanganda bo‘lib o‘tgan oldingi 2 ta o‘yinda 0:0 hisobi qayd etilgan hamda bugungi o‘yin 1:1 hisobida yakunlandi.
Men hech qachon yigitlarga bunday ko‘rsatma bermayman. O‘zim ham bir paytlari futbol o‘ynaganman hamda futbolchilik davrimda ham ataylab vaqtni cho‘zishga harakat qilmaganman. Bu menga yarashmaydi va mening tabiatim buni ko‘tarmaydi. “Metallurg”ning xohlagan futbolchisidan so‘rang, men umuman vaqtni cho‘zish borasida ko‘rsatma bermayman va bermaganman ham.
Faqat buning o‘ziga yarasha ob’ektiv hamda sub’ektiv sabablari bor. Futbolchilar ayni paytda o‘yinga to‘liq tayyor emaslar.
“Navbahor” ham Namangandagi ajoyib maydonda 22 daqiqa mobaynida juda yaxshi o‘yin namoyish etdi. Ammo undan keyin shunday ruhda davom eta olmadi. Demak, mezbonlarda ham bu borada qandaydir kamchiliklar bor, to‘g‘rimi?
Takrorlayman, men hech qachon shogirdlarimga vaqtni ataylab cho‘zish borasida ko‘rsatma bermayman.
Superligamizda yuzaga kelgan tanaffus ham futbolchilarga salbiy ta’sir ko‘rsatgan bo‘lishi ehtimoldan xoli emas.
“Metallurg” milliy chempionatimiz doirasida Namanganda o‘tkazilgan 24 ta o‘yindan bor-yo‘g‘i bittasida g‘alaba qozongan ekan, demak, bu “Navbahor”ning kuchliligidan dalolat. Jamoa O‘zbekiston chempioni bo‘lgan, Osiyo Chempionlar Ligasida ishtirok etgan. “Navbahor”da bir paytlari yulduz futbolchilar o‘ynashgan.
Bugungi o‘yinda “Navbahor”dan Ivan Solovyov, jamoamizdan esa Kamoliddin Tojiyev yaxshi o‘yin namoyish etishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
