O‘zbekiston superligasi 21-tur doirasida bo‘lib o‘tgan "Qo‘qon-1912" – AGMK uchrashuvidan keyingi matbuot anjumanining birinchi qismida AGMK bosh murabbiyi Mirjalol Qosimov ishtirok etdi.
"Albatta bugungi o‘yinni shiddatli va keskin kurshalar ostida o‘tishini kutgandik. Haqiqatdan ham bu narsa o‘z tasdig‘ini topdi. Ayni damda jamoamiz ham Qo‘qonliklar ham medallar uchun kurash olib borishmoqda. Avvalambor futbol bu – jangovor o‘yin. Suhrob Berdiyevga sog‘liq tilaymiz. Bu futbol to‘qnashuvlarga boy o‘yin. Norbekovning ham boshi yorildi. Albatta atayin qilingan yo‘q. O‘z-o‘zidan ko‘rinib turdiki har bir jamoa oldiga qo‘ygan maqsadi uchun astoydil harakat qildi. Bunaqa o‘yinlarda vaziyatlar unchalik ko‘p bo‘lmaydi. Murod Xolmuhammedovning zarbasi gol bo‘ldi va “Qo‘qon-1912”ga g‘alaba keltirdi. Aslida bugungi uchrashuv durang mos edi. Futbol shunisi bilan qiziq. Bugungi g‘alaba bilan Qo‘qonliklarni tabriklayman. Chempionatimiz ham yakuniga yetib bormoqda va shiddatli o‘yinlar ko‘p bo‘lmoqda. Albatta egallab turgan joyimizni saqlab qolish uchun ishlaymiz. Jarohat olgan o‘yinchilarga sog‘liq tilab qolamiz.
Oston O‘runov, Eldor Shomurodovlarga o‘xshagan futbolchilar ko‘p bo‘lishini tilayman. Boshqa davlat boshqa mentalitetda o‘ynab ketish oson emas. Yevropada o‘ynaydigan futbolchilarimiz ko‘p bo‘lishi o‘zbek futbolining rivojiga katta hissa qo‘shadi.
O‘zimizda murabbiylar bor, serob. Lekin ularni ishlatish har bir klub rahbarlariga bog‘liq.
Sanjar Tursunov tajribali futbolchi va u qanotlarda ham markazda ham bemalol o‘ynay oladi. Shuning uchun uni bugun markazda qo‘ydik. Sanjar bugun yomon harakati qilgani yo‘q. Yutqazdik, futbolda bo‘lib turadigan holat.
Nafaqat bugun balki, oldingi “Nasaf” bilan bo‘lgan bahsda ham g‘alaba uchun maydonga tushgandik. Sovrinli o‘rinlar uchun kurashayotgan jamoa ana shunday o‘zaro uchrashuvlarda yaxshi natija qayd etishi lozim. Bugun vaziyatlardan foylana olganimizda tamoman boshqacha bo‘larmidi? Masalan, Husniddin G‘ofurov birga-bir vaziyatdan foydalanganida boshqa o‘yin guvohiga aylangan bo‘lardik. Bugun har ikki jamoa ham chiroyli o‘yin namoyish etishdi.
Murod Xolmuhammedovning kuchli zarba sohibi ekanligini bilardik. Kutilmaganda bergan zarbasi darvozamizdan o‘rin oldi. Uning zarbasini darvozabonimiz ham ko‘rolmay qoldi.
Keyingi turda "Paxtakor" bilan qanday o‘ynaymiz ? Bashorat qilishni yomon ko‘raman. Har bir o‘yinga g‘alaba uchun maydonga chiqamiz. Maqsadimiz muxlislarimizni xursand qilish",
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
