«Liverpul» bosh murabbiyi Yurgen Klopp Chempionlar Ligasi guruh bosqich 3-turi doirasidagi «Atletiko»ga qarshi bahsdan keyin o‘z fikrlarini bildirib o‘tdi.
Madridda o‘tgan bahsda mersisaydliklar 3:2 hisobida g‘alaba qozonishdi va 9 ochko bilan guruhda yaqqol peshqadamga aylanib olishdi. Hisobida to‘rttadan ochkoga ega «Atletiko» va «Portu» keyingi o‘rinlarda borishmoqda. «Milan» 3 o‘yindan keyin birorta ochko to‘play olgani yo‘q.
"Ha, albatta. Umuman ajablanganim yo‘q. Ushbu ikki jamoa uchrashganida doim dramatik o‘yin guvohiga aylanamiz. Bu kafolatlangan degan bo‘lardim. Ikkala jamoada ham kurashga moyil to‘g‘ri qismlar mavjud. Men shuni aytishim mumkinki, insonning aqli uning eng katta dushmani. Biz vaziyatni butunlay tushuna olmadik O‘yinni noto‘g‘ri uslub bilan nazorat qilishga harakat qildik. 13 daqiqadan keyin «Atletiko» bilan o‘yinda 2:0 hisobida oldinda bora turib, vaziyat tizginini qo‘ldan chiqarib yubordik. Hisob tenglashdi: 2-2.
To‘g‘risi aytsam, o‘zimizga ishonib harakat qilmadik. Qiyinchiliklarimiz, muammolarimizni bilamiz, ammo ularni tez-tez inkor etishga harakat qilamiz. Bugun, ikki o‘ziga isjongan jamoalar o‘zaro to‘qnash kelishdi. Agar, men bilan Diyego Simyonening ishonchini o‘lchasangiz, aminmanki u yutgan bo‘lardi. Bugun haqiqiy jang bo‘ldi. Hech kim yaxshi jamoa bo‘lgani uchun g‘alaba qozona olmaydi. Buning imkoni yo‘q. Ikkala jamoa ham haqiqiy jangchilar. Bugun buni ko‘rdingiz. Yana ikki haftadan keyin buni yana guvohiga aylanasiz. Ularga qarshi o‘ynash juda og‘ir. Ammo, biz o‘z muxlislarimiz, stadionimizda, ajoyib atmosferada o‘ynaymiz va umid qilamanki, bundan foydalanamiz".
Uchrashuvning eng yaxshi futbolchisi deb topilgan Alisson Bekker ham o‘z fikrlari bilan bo‘lishdi.
"Bu top o‘yinchilar, top jamoalar o‘ynashni istaydigan bahslardan biri bo‘ldi. Bu joyda o‘ynash doim og‘ir. Bu yerdan g‘alaba bilan qaytish, uch ochkoga ega bo‘lish biz uchun haqiqatan ham muhim edi.
Murabbiyimga ishonaman, u to‘g‘ri vaqtda kerakli so‘zlarni ayta oladi. U kiyim almashtirish xonasida bizni yana o‘yinga qaytara oldi va ikkinchi bo‘limda uchrashuvga bo‘lgan munosbatimiz biroz o‘zgardi.
2:0 hisobida oldinda bo‘lib, gol o‘tkazib yuborsangiz, qiyin bo‘lishini bilasiz. Bu yerga kelganimizda «Atletiko»ga qarshi o‘ynash oson bo‘lmasligini bilardik. Ushbu o‘yinni ko‘rgan barcha buni amalda ham guvohiga aylandi.
Uchinchi golni urganimiz va boshqa gol o‘tkazib yubormaganimizdan xursandman. Vaziyatlarni ko‘proq nazorat qildik, ammo maydonda bir kishi ko‘p bo‘la turib o‘ynaganda yaxshilash kerak bo‘lgan jihatlar bor. Ko‘proq vaziyatlar yaratishingiz shart, ammo 10 kishiga qarshi buni qilish oson emas. Uch ochko qo‘lga kiritganimizdan baxtiyormiz".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
