Son Hyon-Minni butun dunyo biladi. Uning o‘yinlari barchaga ma’qul kelgani, faqat ijobiy taassurotlar ulashgani uchun ham uni hurmat qilamiz. Xo‘sh, Sonning qiziqishlari qanday? Hozir siz koreyalikning avtomashinalar borasidagi didi qay darajada ekanini bilib olishingiz mumkin bo‘ladi.
Aytish kerakki, Son siz o‘ylaganchalik mashinalar uchun katta mablag‘ sarf etavermaydi. Ammo o‘ziga yoqqan avto modeli uchun pulni ayamaydigan odati ham bor. 29 yoshli hujumchi hozirda «Tottenxem»da faoliyat yuritadi va haftasiga 110 ming funt maosh oladi. Uning garajida esa qiymati millionlab funtga teng bo‘lgan avtomashinalar jamlanmasi mavjud. Shulardan yeng asosiylari diqqat markazimizda:
Ferrari, «LaFerrari»
Ushbu turdagi avtoulov dunyoda 499 nusxada ishlab chiqarilgan, xolos. Son esa ulardan birining egasidir. Ammo u Ferrarining an’anaviy(kompaniya ramzi) qizil rangli variantidan voz kechib, qorasini tanlagan. Negaki, uning klubi futbolchiga qizil avtoda yurishni ta’qiqlab qo‘ygan. Bunday qilinishiga asosiy sabab «Tottenxem»ning ashaddiy raqibi bo‘lgan «Arsenal» klubining ramziy rangi qizil bo‘lganidir. Mashina narxi 1 million 150 ming funt atrofida. Bunaqasi uncha-muncha APL futbolchilarida bo‘lavermaydi. Eng kuchli vositalar bilan jihozlangan italyan brendi, xaridorlar unga mos bo‘lishiniyam talab etadi. Ya’ni, ushbu modelni xarid qilayotgan inson avval ham Ferrari rusumidagi avtodan foydalangan, uni sotib olgan bo‘lishi lozim. Sonning qora rangli modeli soatiga 60 kilometr tezlikka atigi 2,9 soniyada chiqa oladi. U 6,3 litrli VV12 motorida harakatlanadi. Shuningdek, «LaFerrari» elektrda yurish uchun ham moslangan. Mashinaning maksimal tezligi 227 km/soatni tashkil etadi.
Ha aytgancha, aynan mana shu rusumdagi mashina Pyer-Emerik Obameyang garajida ham mavjud.
Maserati, «Levante»
Son Maseratining SUV seriyali mahsulotining dastlabki sotib olganlardan biri bo‘lgan. Ushbu superkarning boshlang‘ich narxi 60 ming funt-sterlingni tashkil etar edi. Ammo futbolchiga, o‘z vatani Koreyada ushbu Maserati sovg‘a qilingani haqida aytiladi. Bu hodisa Sonning o‘yinlari Maserati motori kabi tezkor va shiddatli ekanini anglatadi. Haqiqatdan ham maydonda yuqori tezlikka chiqqan Sonni to‘xtatib qolish imkonsizdek tuyuladi.
Range Rover
Premyer-liga futbolchilarining ko‘pchilik qismi ushbu mashinasiz yashay olmasliklarini aytishadi. Haqiqatdan ham ingliz ishlab chiqaruvchisi tayyorlagan mahsulot mutlaq ko‘pchilikka manzur keladi. Son ham shular qatorida. Qora rangdagi «The Evoque» modelining boshlang‘ich narxi 31 ming funt atrofida. Biroq Sondagi versiyasida biroz o‘zgarishlar mavjud. Xususan, salondagi o‘rindiqlarda qizil hoshiyali chiziqlar o‘tkazilgan. Yana g‘ildirak ichki diskalarida ham. Bu dizayn Songa aynan mos keladi.
Bentley, «Continental GT»
Yana bir futbol yulduzlarining sevimli «matoh»laridan biri. Son esa ushbu mashina uchun 160 ming funt atrofida pul sarflagan. Avtomashina maxsus, 6L ikkitalik turboquvvatlagich dastagiga ega. W12 motori esa haydovchiga 4,3 soniyada soatiga 60 kilometr tezlikka chiqishga yordam beradi. Uning eng baland tezligi 198 km/soatni tashkil etadi. Bu esa Songa mashg‘ulotarga kech qolgan paytlarida ayni muddaodir.
Jaloliddin ISMATOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
