Toshkentning «Bunyodkor» stadioni anjumanlar zalida 17 may, seshanba kuni O‘zbekiston va Italiya futboli afsonalari ishtirokidagi matbuot anjumani o‘tkazildi.
Anjumanda Italiya terma jamoasining afsonalari Daniele Massaro, Alberto Jilardinyo, Vensan Kandela, Aldair va o‘zbek futbolining yulduzlari Viktor Karpenko, Server Jeparov, Anvar G‘ofurov, Kamoliddin Murzoyev ishtirok etdi.
Shuningdek, Italiya va O‘zbekiston afsonalari o‘rtasidagi o‘yinni sharhlab borish uchun rossiyalik taniqli sharhlovchi Nobel Arustamyan ham taklif qilingan. Arustamyan bilan birga Mirzahakim To‘xtamirzayev o‘yinni sharhlab boradi.
"Taklif uchun rahmat. O‘zbekistonda mehmon bo‘lishni anchadan buyon orzu qilardim. O‘zbekiston — futbol mamlakati. Bu yer haqida juda ko‘p narsa bilaman. Hozirgi kunda asosiy yulduz hisoblanadigan Eldor Shomurodov bilan doim suhbatlashib turaman. Men Italiyada uning mehmoni bo‘ldim. Undan tashqari, shuncha yulduz tashrif buyuribdi. O‘ylaymanki, ertaga ajoyib futbol bayrami bo‘lib o‘tadi", — dedi Nobel Arustamyan.
Italiyalik sobiq futbolchi Vensan Kandela «Roma» va Eldor Shomurodov haqida fikr bildirdi.
"Bu Eldor uchun «Roma»dagi ilk mavsum. Joze Mourinyo ham rimliklardagi debyut mavsumini o‘tkazmoqda. Shuning uchun u yerda hamma narsa o‘zgacha. Shomurodov ko‘p o‘yin amaliyotiga ega bo‘lmasa ham, maydondagi har bir daqiqasida juda yaxshi taassurot qoldirgan. Ba’zi to‘g‘rilanadigan narsalarni joyiga qo‘ysa, Eldor kuchli futbolchi", — dedi Vensan Kandela.
"Bu shou bo‘ladi deb o‘ylamayman. Barcha futbol ishqibozlariga yoqadigan o‘yin namoyish etishimiz kerak. Qancha ko‘p gol bo‘lsa, shuncha yaxshi bo‘ladi. Hech qanday prinsipiallik yo‘q, bu shunchaki o‘rtoqlik o‘yini", — dedi Viktor Karpenko.
Anjumandan so‘ng Italiya va O‘zbekiston futboli afsonalari yoshlarga mahorat darslarini ko‘rsatib berdi.
O‘zbekiston va Italiya futboli afsonalari o‘rtasidagi uchrashuv 18 may, chorshanba kuni 19:00 da «Paxtakor» stadionida bo‘lib o‘tadi.
O‘yinda quyidagi nomlar qatnashishi avvalroq ma’lum qilingandi:
O‘zbekiston futboli afsonalari: Pavel Bugalo, Ignatiy Nesterov, Baxtiyor Ashurmatov, Vitaliy Denisov, Anzur Ismoilov, Shavkat Mullajonov, Akmal Shorahmedov, Asqar Jadigerov, Islom Inomov, Asror Aliqulov, Odil Ahmedov, Server Jeparov, Temur Kapadze, Sanjar Tursunov, Aziz Haydarov, Jasur Hasanov, Eldor Magdeev, Aleksandr Geynrix, Bekzod Mamatqulov, Shuhrat Mirxoldirshoyev, Nosir Otaqo‘ziyev, Anvar Soliyev, Ne’matillo Qutiboyev.
Italiya futboli afsonalari: Kristian Abbiati, Dario Shimich, Luka Antonini, Kristian Zakkardo, Kristian Zenoni, Eduardo, Aldair, Vensan Kandela, Luiji di Byadjo, Anjelo Karbone, Marek Yankulovskiy, Serjinyo, Lyudovik Jyuli, Robson Toledo, Alberto Jilardinyo, Daniele Massaro, Vinchenso Yakvinta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
