21 oktyabr kuni o‘zbek futbolining mashhur vakili, sobiq ittifoq sport ustasi Vladimir Aronovich Shtern 80 yoshga to‘ldi!
«Paxtakor»da to‘liq 10 mavsum o‘ynagan futbolchilar ko‘p emas. Vladimir Shtern esa shuncha mavsum klub sharafini himoya qilgan jonkuyar o‘yinchilardan biridir. U vaqtida «Paxtakor» mudofaa tuzilmasining tayanchi edi. Yubilyarimiz ikkinchi jahon urushi payti, aniqrog‘i, 1942 yilning 21 oktyabr kuni Ukrainaning Kirovograd viloyati Aleksandriya shahrida tug‘ilgan. O‘sha yili uning ota-onasi Toshkentga ko‘chib kelishgan. Vladimir Shtern katta sport yo‘lini mashhur murabbiyi Sergey Arutyunov qo‘l ostida «Paxtakor» maktabida boshlagan. 1960 yili esa Birodar Abduraimov va Dmitriy An qatori «Paxtakor» o‘rinbosarlar jamoasi safiga qo‘shiladi. Vladimir 1962-1963 yillar «Politotdel» klubida o‘ynaydi va mavsum-64da «Paxtakor»ga qaytadi. Bu vaqtda jamoa ittifoq chempionati oliy ligasiga chiqqandi. Shu tariqa Shtern keyinchalik «Paxtakor»ning asosiy himoyachisiga aylanadi. Mashhur murabbiy Boris Arkadyev u haqda shunday degandi: «Paxtakor»ning barcha himoyachilari ijrosidagi ishonchli harakatlari fonida Vladimir Shtern alohida ajralib turadi».
Ha, «Paxtakor» hayotida qo‘yib yuborilgan gollar soni urilganlari miqdoridan oshib ketgan mavsumlar ko‘p. Ammo unutmaslik kerakki, «paxtakorchilar», xususan, jamoa himoyachilari o‘sha davrning eng ko‘zga ko‘ringan hujumchilariga qarshi to‘p surishardi. Oddiy ifoda etganda, «Paxtakor»ning har bir raqibi safida nafaqat o‘z jamoasi, balki butun chempionatda bosh to‘purar bo‘lishga da’vo qiluvchi kuchli hujumchi topilardi. Shtern va uning safdoshlari esa shunday ijrochilarga munosib qarshilik ko‘rsatib, muxlislar olqishiga sazovor bo‘lishardi. Umuman, «Paxtakor» himoyachilarining fidoyiliklari har doim alohida qadrlangan. Ayniqsa, Vladimir barqaror o‘yini bilan ajralib turardi. Deylik, u chempionat va kubokda, shuningdek, xalqaro darajada 300tadan ortiq o‘yinda ishtirok etgan, lekin loaqal bittasida loqayd harakatlanganini aytish qiyin. Chunonchi, qahramonimiz hamisha maydonda borini berardi.
Shtern katta futboldagi oxirgi mavsumini 1973 yili o‘tkazadi, o‘sha vaqt jamoada avlodlar almashinuvi jarayoni ketayotgandi. Vladimir ham yoshlarga yo‘l bo‘shatishni lozim topadi va murabbiylik sohasiga o‘tish bo‘yicha yakdil qarorga keladi. Zero, u allaqachon o‘zini ushbu mashaqqatli ishga tayyorlab bo‘lgandi. Qisqasi, Shtern futbolning nozik sirlarini juda yaxshi bilardi, chunki yoshlar jamoalarida hujumchi sifatida to‘p surgan, faqat professional darajada himoyachiga aylangan edi. Vladimirga yangi sohada butun faoliyati davomida taniqli murabbiylar bilan ishlagani va bebaho tajriba to‘plagani ham qo‘l keladi. U jumladan, Mixail Yakushinni e’tirof etgandi: «Tug‘ma murabbiy, ulkan bilim sohibi. Uning futboldagi unvoni - akademik. Yakushin shuning barobarida katta qalb egasi edi. Oddiy va ajoyib».
Shtern futbolchilik faoliyatidan keyin futbol maktablarida ishladi. Xususan, naq 20 yil davomida Gennadiy Krasniskiy nomidagi bolalar va o‘smirlar maktabiga rahbarlik qildi. Xullas, u futbol bilan yashashda davom etdi - nazoratchi rolida ishladi, faxriylar harakatida faol bo‘ldi. Hozirga qadar eski do‘stlari bilan doimiy ravishda xotira turnirlarida qatnashadi, yoshlar bilan ochiq muloqotga kirishadi, faxriylar futbol harakatiga befarq qaramaydi.
O‘FA tomonidan «O‘zbekiston futboli rivojiga qo‘shgan hissasi uchun» ko‘krak nishoni bilan taqdirlanganlar (Toshkent shahri)
1 Erkin (Birodar) Abduraimov - futbol faxriysi
2 To‘lagan Isoqov - O‘FA Futbol faxriylari kengashi raisi
3 Nikolay Lyubarsev - futbol faxriysi
4 Vladimir Shtern - futbol faxriysi
5 Ahrol Inoyatov - futbol faxriysi
6 Elmar Aminov - futbol faxriysi
7 Yevgeniy Valiskiy - futbol faxriysi
8 Axbor Imomxo‘jayev - futbol faxriysi (marhum)
9 Bahodir Maxsitov - sport faxriysi
10 Yuriy Gospodarchuk - futbol faxriysi
11 Guram Daraseliya - futbol faxriysi
12 Ivan Shkandin - futbol faxriysi
13 Valeriy Lyotkin - futbol faxriysi
14 Yuriy Sarkisyan - futbol faxriysi
15 Rauf Inileev - futbol faxriysi
16 Anatoliy Kovalenko - futbol faxriysi
17 Anatoliy Loshanin - futbol faxriysi
18 Noil Lutfullin - futbol faxriysi
19 Bobur Haydarov - futbol faxriysi
20 Aleksandr Semyonov - futbol faxriysi
21 Yevgeniy Kazakov - futbol faxriysi
22 Alisher Fayziyev - futbol assosiasiyasi faoli
O‘FA Futbol faxriylari kengashi, Mavlon SHUKURZODA
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
