Qirg‘izistonning «Dordoy» klubida o‘zbekistonlik ikki nafar murabbiy ish boshlashdi.
Sergey Arslanov katta murabbiy vazifasiga tayinlangan bo‘lsa, Islom Ahmedov unga maslahatchi sifatida ish boshlaydigan bo‘ldi. Qiziq tomoni, ular bilan bor-yo‘g‘i bir oylik shartnoma imzolandi.
Buning sababi bor. "Dordoy" iyun oyi so‘ngida OFK kubogi guruh bosqichida ishtirok etadi. Demak, murabbiylar oldiga jamoani keyingi bosqichga olib chiqish vazifasi qo‘yilgan. Agar vazifa bajarilsa, shartnoma uzaytirilishi mumkin.
Guruh bosqichi o‘yinlari esa Bishkek shahridagi Dolen Umurzakov nomidagi stadionda o‘tkaziladi. Ushbu guruhdan Tojikistonning "Xo‘jand" va Turkmanistonning "Kopetdog‘" klublari ham o‘rin olishgan. Guruh g‘olibigina keyingi bosqichga chiqadi hamda "So‘g‘diyona" o‘rin olgan "F" guruhi g‘olibi bilan to‘qnash keladi.
Klub bosh direktori Ruslan Sidiqov o‘zbekistonlik murabbiylar bilan shartnoma imzolangani borasida quyidagi fikrlarni bildirib o‘tdi:
«Qirg‘iziston chempionatida o‘zimizga mos bo‘lmagan o‘rinni egallab turganimiz uchun, shuningdek, Qirg‘iziston kubogidan chiqib ketganimiz sababli, bosh murabbiy Murat Jumakeev bilan o‘zaro kelishgan holda shartnomani bekor qilish haqida qaror qabul qildik. Ayni paytda o‘zbekistonlik ikki mutaxassisni ishga taklif qildik. Ular OFK kubogida jamoani boshqarishadi».
Sergey Arslanov "Dordoy" bilan shartnoma imzolagach, o‘z maqsadlari bilan o‘rtoqlashdi:
"Birinchi navbatda taklif uchun klub rahbariyatiga minnatdorchilik bildiraman. Klub haqida nima deyishim mumkin? Ha, klub haqida ma’lumotga egaman. Jamoaning «Abdish-Ata»ga qarshi o‘yinini tomosha qildim, o‘yinchilar bilan tanishdim. Haqiqatan ham yaxshi futbolchilar yig‘ilgan. Yaxshi ijrochilar bor. Asosiy e’tiborni o‘yinni tashkil qilishga qaratamiz. Jamoa oldiga yuqori maqsadlar qo‘yilgan. Vazifamiz — OFK kubogida guruhdan keyingi bosqichga chiqish!»
Ma’lumot:
Arslanov Sergey Sergeevich
Tug‘ilgan kuni: 06.11.1986
Fuqaroligi: O‘zbekiston
Ma’lumoti: oliy.
Murabbiylik ma’lumoti: Pro-lisenziya
Murabbiylik faoliyati davomida "Mash’al", "Sho‘rtan", "Andijon", "UzDongJu" klublari va O‘zbekiston U16 terma jamoasida ishlagan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
