«Real Madrid»da ortiqcha va keraksiz futbolchiga aylangan Isko Alarkon yangi mavsumni «Sevilya» a’zosi sifatida boshladi.
Andalusiyalik muxlislar klub bilan 2 yillik shartnoma tuzgan yarim himoyachiga katta umid bog‘lashmoqda, lekin ularda shubha ham yo‘q emas. Har holda, isko oxirgi mavsumda yetarli o‘yin amaliyatiga ega bo‘lmadi. Futbolchining o‘zi hozirgi vaziyatni tushunib turibdi. Muhimi, unda «Sevilya»ga talab darajasida yordam bera olishi borasida ishonch yuqori.
Muxlislarning shubha bilan qarashlariga munosabat
- Ha, ayrimlar yuqori saviyada o‘ynay olishimga ishonishmayapti, salohiyatimga shubha bilan qarashyapti. Buni tushunaman, axir oxirgi bir necha yil yetarli amaliyotiga ega bo‘lmaslik oqibatida barqarorlikni yo‘qotib qo‘ydim. Lekin muxlislarni tinchlantirmoqchiman: hozirda diqqatimni 100 foiz jamlaganman va asl darajamni ko‘rsatishga tayyorman. Buning uchun bor imkoniyatimni ishga solaman, albatta. Yana aminmanki, «Sevilya» faoliyatimni qayta tiklash uchun eng munosib klub. Shunday ekan, muxlislarning ortiqcha xavotirlanishlariga asos yo‘q.
Mashg‘ulotlarga munosabat
- Qaytaraman, umid katta, qanday jamoaga kelganimni yaxshi bilaman. Joriy mavsum «Sevilya» bilan ko‘p narsalarga erishish niyatidaman. Tan olaman, joriy yoz men uchun juda og‘ir keldi, butun faoliyatim davomida ta’til ilk marta shunchalik uzoqqa cho‘zildi. To‘g‘risi, bunaqasiga o‘rganmaganman, lekin mavsumoldi yig‘inlarida sport formasini tezroq tiklash uchun astoydil ishladim. Endi barchasini rasmiy o‘yinlarda isbotlash qoldi, xolos.
Jamoa tanlash masalasi
- Aslida oldimla variantlar yetarli edi, «Sevilya» esa aynan sport va o‘yin nuqtai nazaridan meni o‘ziga tortdi. Jamoa doimiy ravishda o‘sib bormoqda, hattoki, CHLda ham munosib kurashmoqda. Qaytaraman, bu klub - ommaga o‘z imkoniyatimni yana bir bor ko‘rsatish uchun eng yaxshi tanlov.
Asosiy maqsad
- Maqsad - kuchli jamoada o‘z o‘rnimni topish, sovrinlar yutish. Qisqasi, «Sevilya»ga yangi tarix tarix bitishda yordam bermoqchiman.
Oilaviy holati
- O‘g‘lim allaqachon «Sevilya» madhiyasini kuylab, uyimiz atrofida yugurmoqda. Bunday lahzalar abadiy esda qoladi.
Taqqoslashlarga munosabat
- Hozir ayni kuchga to‘lgan yoshdaman, hali oldinda bajarishim zarur ishlar ko‘p. O‘zimni nisbatan yosh va kuchli his qilyapman. Ha, ijtimoiy tarmoqlarda meni Ever Banegaga qiyoslashayotganini ko‘rdim. Ever -«Sevilya»da nimalarga qodirligini isbotlashga ulgurgan futbolchi. Uni «Valensiya»da o‘ynagan davrdanoq bilaman, lekin o‘zimni kimgadir solishtirmayman. Binobarin, «Sevilya»ga boshqa maqsadda keldim - futboldan oldingidek zavqlanishni xohlayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
